Connect with us

ක්‍රීඩා

චමරි එක්ක ක්‍රිකට් පිල අද රෑට දිවයිනට 

Published

on

ආසියානු ක්‍රීඩා උලෙළේ කාන්තා ක්‍රිකට් ඉසව්වේ රිදී පදක්කම දිනාගත් චමරි අතපත්තුගේ නායකත්වයෙන් යුත් ශ්‍රී ලංකා කාන්තා ක්‍රිකට් කණ්ඩායම අද (28) රාත්‍රියේ යළි ශ්‍රී ලංකාවට පැමිණීමට නියමිතය.

ශ්‍රී ලංකාවට ආසියානු ක්‍රීඩා පදක්කමක් දිනාගත්තේ වසර 9කට පසුවය.

මේ ක්‍රීඩා උලෙළේදී ක්‍රිකට් ඉසව්වෙන් හිමි වූ තෙවැනි පදක්කම මෙයයි.

මීට පෙර 2014 වසරේ ශ්‍රී ලංකා පිරිමි ක්‍රිකට් කණ්ඩායම රන් පදක්කමත්, කාන්තා කණ්ඩායම ලෝකඩ පදක්කමත් දිනා ගෙන තිබිණි.

මේ අතර ඊයේ ක්‍රිකට් ඉසව්වේ පිරිමි තරග ආරම්භ කරමින් මොංගෝලියාවට එරෙහිව පැවති පළමු තරගයේදී ක්‍රිකට් වාර්තා පොත අලුත් කිරීමට නේපාල කණ්ඩායම සමත් විය.

විස්සයි 20 ආකෘතිය යටතේ සෙජෑන්ග්හි තාක්ෂණ විශ්වවිද්‍යාල ක්‍රිකට් පිටියේ පැවති මේ තරගයේදී කණ්ඩායමක් රැස් කළ ඉහළම ලකුණු (314/3), වේගවත්ම ශතකය සහ අර්ධ ශතකය නේපාල පිතිකරුවන් වාර්තා කළහ.

ඊයේ තරගයේදී නේපාලය ඕවර 20 අවසානයේ කඩුලු 3ක් දැවී ලකුණු 314ක් රැස් කළ අතර, මින් පෙර එම වාර්තාවට හිමිකම් කී ඇෆ්ගනිස්තානය 2019දී අයර්ලන්තයට එරෙහිව ලකුණු 278ක් රැස් කර තිබිණි. 

අංක 3 පිතිකරු ලෙස පිටියට පිවිසි කුෂාල් මල්ලා විස්සයි20 පිටියේ වේගවත්ම ශතකය තමන් සතු කර ගත්තේ පන්දු 34කදීය. 

ඒ සමඟ දකුණු අප්‍රිකාවේ ඩේවිඩ් මිලර් සහ ඉන්දියාවේ යුවරාජ් සිං පන්දු 35කින් තබා තිබූ වාර්තා මැකී ගියේය.

ඉනිම නිමා වන විට ඔහු පන්දු 50කින් නොදැවී ලකුණු 137ක් රැස් කර තිබුණේ හතරේ පහර 8ක් සහ හයේ පහර 12ක් සමඟිනි. 

යුවරාජ් සිං පන්දු 12කින් තබා තිබූ වාර්තාව මකා දැමීමට දීපෙන්ද්‍ර සිං අයිරී සමත් වූයේ පන්දු 9කින් ලකුණු 50ක් රැස් කරමිනි. 

නායක රෝහිත් පෝඩෙල් පන්දු 27කින් ලකුණු 61ක් රැස් කළ අතර, ඔහු කුෂාල් සමඟ එක්ව තෙවැනි කඩුල්ලට ලකුණු 193ක සබඳතාවක් ගොඩනැඟුවේ පන්දු 63කිනි. 

එය වාර්තා අතරට එක් වූයේ විස්සයි20 තරගයක තෙවැනි කඩුල්ල සඳහා ගොඩනැඟුණු හොඳම සබඳතාව ලෙසිනි.

නේපාල කණ්ඩායම මේ ඉනිමේදී හයේ පහර 26ක් එල්ල කරමින් විස්සයි20 ඉනිමකදී වැඩිම හයේ පහර වාර්තාව ද සතු කර ගත්තේය. ඒ සමඟ ඇෆ්ගනිස්තානය ඉනිමකදී රැස් කර තිබූ හයේ පහර 22ක වාර්තාව බිඳ වැටිණි.

මේ තරගයේ පිළිතුරු ඉනිම ක්‍රීඩා කළ මොංගෝලියානු කණ්ඩායම පන්දුවාර 13.1කදී ලකුණු 41කට දැවී ගිය අතර, දවාසුරෙන් ජමියන්සුරෙන් ලකුණු 10ක් රැස් කරමින් ඉනිමේ වැඩිම ලකුණුලාභියා විය. 

මේ අනුව නේපාලයට ලකුණු 273ක ජයක් හිමි වූ අතර, එය විස්සයි20 තරගයකදී කණ්ඩායමක් ජයගත් ඉහළම ලකුණු සංඛ්‍යාව ලෙස වාර්තා අතරට එක් විය.

මොංගෝලියානු ක්‍රීඩකයන් සියලු දෙනා මේ තරගයේදී ජාත්‍යන්තර විස්සයි20 තරග වරම් දිනා ගැනීම විශේෂත්වයකි.

ක්‍රීඩා

පාකිස්තානයට ජාත්‍යන්තර පාපන්දු තහනමක්

Published

on

By

ජාත්‍යන්තර පාපන්දු සම්මේලනය (FIFA) විසින් පාකිස්තාන පාපන්දු සම්මේලනයේ  (PFF) සාමාජිකත්වය තාවකාලිකව අත්හිටුවා තිබේ.

FIFA විසින් වසර 8ක් තුළ පාකිස්තානයට ජාත්‍යන්තර පාපන්දු තහනමක් පැනවූ තෙවන අවස්ථාව මෙයයි.

ජාත්‍යන්තර පාපන්දු නිර්ණායකයන්ට අනුව පාකිස්තාන පාපන්දු ව්‍යවස්ථාව සංශෝධනය කිරීමට අපොහොසත් වීම මෙම තහනම පැනවීමට ප්‍රධාන වශයෙන් බලපා ඇත.

2019 වසරේ ජුනි මාසයේ සිට පාකිස්තාන පාපන්දුව FIFA විසින් පත් කරන ලද සාමාන්‍යකරණ කමිටුවක් විසින් පාලනය කරනු ලබයි.

කෙසේ නමුත් ඔවුන් විසින් ලබාදෙන නිර්දේශයන්ට අනුව කටයුතු කිරීමට පාකිස්තාන පාපන්දු සම්මේලනය අපොහොසත් වී ඇත. 

ඒ අනුව FIFA නිර්දේශ ක්‍රියාත්මක කරන තෙක් පාකිස්තානයේ මෙම තහනම බලපැවැත් වේ.

Continue Reading

ක්‍රීඩා

ස්මිත්ගෙන් ශතකයක්

Published

on

By

ටෙස්ට් ක්‍රිකට් දිවියේ 36වන ශතකය ශ්‍රී ලංකාවට එරෙහිව රැස්කිරීමට ඔස්ට්‍රේලියානු නායක ස්ටීවන් ස්මිත් අද (7) සමත් විය.

ශ්‍රී ලංකා හා ඔස්ට්‍රේලියාව අතර ගාල්ලේ පැවැත්වෙන දෙවන හා අවසන් ටෙස්ට් තරගයේ දෙවන දිනය වූ අද ඔස්ට්‍රේලියානු පළමු ඉනිම වෙනුවෙන් ඔහු මෙම ඉනිම ක්‍රීඩා කළේය.

පන්දු 191කට මුහුණදෙමින් ස්මිත් ක්‍රීඩාකළ මෙම ශතකයට හයේ පහරක් හා හතරේ පහර 9ක් ඇතුළත් විය.

මෙය ස්මිත් ශ්‍රී ලංකාවට එරෙහිව ක්‍රීඩාකළ 4වන ටෙස්ට් ශතකය වන අතර, ඒ සියල්ලම ඔහු ශ්‍රී ලංකාවේදීම රැස්කර තිබීම විශේෂත්වයකි.

ස්මිත්ගේ ඉනිමත් සමග ඔස්ට්‍රේලියානු කණ්ඩායම කඩුලු 3ක් දැවී ලකුණු 248ක් රැස්කරගෙන ශ්‍රී ලංකා පළමු ඉනිම වඩා ලකුණු 9ක් පසුපසින් සිටියි.

ස්මිත් සමගින් කඩුල්ලේ රැඳී සිටින ඇලෙක්ස් කේරී ලකුණු 76ක් රැස්කරගෙන සිටින අතර, ඔවුන් දෙදෙනා 4වැනි කඩුල්ලට ලකුණු 157ක සබඳතාවක් මේ වනවිට ගොඩනගා ඇත.

Continue Reading

ක්‍රීඩා

දිමුත් වෙනුවෙන් මාලිංග ඉල්ලීමක් කරයි

Published

on

By

ශ්‍රී ලංකා ක්‍රිකට් ක්‍රීඩක දිමුත් කරුණාරත්න වෙනුවෙන් ශ්‍රී ලංකා කණ්ඩායමේ හිටපු සුපිරි වේගපන්දු යවන ක්‍රීඩක ලසිත් මාලිංග විශේෂ වීඩියෝවක් පළ කර තිබේ.

හෙට (06) ආරම්භ වන ටෙස්ට් තරගයෙන් පසු ශ්‍රී ලංකා හිටපු ටෙස්ට් නායක දිමුත් කරුණාරත්න ජාත්‍යන්තර ක්‍රිකට් පිටියට සමුදීමට නියමිතව ඇතැයි පළ වූ පුවත සම්බන්ධයෙන් ප්‍රචාර දක්වමින් ලසිත් මාලිංග මෙම වීඩියෝව සිය නිල ෆේස්බුක් පිටුවේ පළ කර තිබුණි.

Posted by Lasith Malinga on Tuesday, February 4, 2025

Continue Reading

Trending

Copyright © 2023 Sri Lanka Mirror. All Rights Reserved