ක්‍රීඩා

දුම්රිය රියැදුරන්ගේ වර්ජනය අත්හිටුවයි!

Published

2 years ago

February 10, 2023

editor

ඊයේ (09) මධ්‍යම රාත්‍රියේ සිට ක්‍රියාත්මක කිරීමට නියමිතව තිබූ දුම්රිය රියදුරු වර්ජනය අවලංගු කර ඇති බව දුම්රිය දෙපාර්තමේන්තු ආරංචි මාර්ග පවසයි.

පාලනාධිකාරිය සමඟ පැවති සාකච්ඡාවකදී එකඟතාවකට පැමිණීමෙන් අනතුරුව මෙලෙස දුම්රිය වර්ජනය අවලංගු කර ඇති බව පැවසේ.

දුම්රිය දෙපාර්තමේන්තුවේ පවතින ගැටලු කිහිපයක් මුල් කර ගනිමින් ඊයේ (09) මධ්‍යම රාත්‍රී 12.00 සිට සිය සේවාවලින් ඉවත් වී වෘත්තිය ක්‍රියාමාර්ගයකට අවතීර්ණ වීමට ලොකොමොටිව් ඔපරේටිං ඉන්ජිනේරු සංගමය තීරණය කර තිබිණි.

නිවේදනයක් නිකුත් කරමින් එම සංගමය සඳහන් කර ඇත්තේ, වර්තමානයේ පවතින ආර්ථික අර්බුදය හමුවේ දුම්රිය දෙපාර්තමේන්තුවේ වියදම් අවම කිරීමේ අරමුණින් දුම්රිය රියැදුරන් ඇතුළු දෙපාර්තමේන්තු සේවකයන්ගේ අතිකාල කප්පාදු කිරීම, ඇතැම් මගී ප්‍රවාහන දුම්රියන් අවලංගු කිරීමට කටයුතු කරීම, ඉන්ධන ප්‍රවාහන දුම්රියවලින් හා භාණ්ඩ ප්‍රවාහන දුම්රියවලින් ආදායම් ලබා ගැනීමේ ක්‍රමවේද නිසිලෙස කළමනාකරණය නොකිරීම, අසාධාරණ සහ අයුක්ති සහගත අයුරින් බදු අය කිරීම යන කරුණු මූලික කර ගනිමින් මෙම වෘත්තිය ක්‍රියාමාර්ගයට එළෙඔන බවයි.

එමෙන් ම, දුම්රිය දෙපාර්තමේන්තුවේ ආදායම ඉහළ නැංවීම සඳහා දුම්රිය දෙපාර්තමේන්තුව සතු ඉඩම් ඇතුළු දුම්රිය දේපළ ආදිය නිසියාකාරව කළමණාකරණය කිරීම වැනි ප්‍රතිපත්ති ක්‍රියාත්මක කිරීම අත්‍යවශ්‍ය බව ද එම සංගමය නිකුත් කළ නිවේදනයේ දැක්විණි.

2022.04.2 දින සංගමය විසින් දුම්රිය සමාන්‍යාධිකාරීවරයාට ගැටලු ඉදිරිපත් කරනු ලැබ ඇති අතර මේ දක්වා ඊට සාධනීය ප්‍රතිඵලයක් ලැබී නොමැති බව ද එම නිවේදනයේ වැඩිදුරට ත් සඳහන් කර තිබිණි.

ක්‍රීඩා

ජුනි මාසයේ ICC දක්ෂයින් අතරට ගිය පැතුම්

Published

4 hours ago

July 8, 2025

editor

ශ්‍රී ලංකාවේ පැතුම් නිස්සංක ජුනි මාසයේ ලොව දක්ෂතම ICC ක්‍රිකට් ක්‍රීඩකයා සඳහා නිර්දේශ වී තිබේ.

ඒ සංචාරක බංග්ලාදේශ කණ්ඩායමට එරෙහි ටෙස්ට් ක්‍රිකට් තරගාවලියේ දැක්වූ දක්ෂතා හේතුවෙනි.

දකුණු අප්‍රිකාවේ කගීසෝ රබාඩා සහ දකුණු අප්‍රිකාවේ ඒඩ්න් මාක්රම්ද ඒ අතරට ඇතුළත්.

මාසයක කාලයක් ජාත්‍යන්තර ක්‍රිකට් පිටියේ දැක්වූ දක්ෂතා මත පදනම්ව අන්තර් ජාතික ක්‍රිකට් කවුන්සිලය විසින් මෙම සම්මානය පිරිනමයි.

ක්‍රීඩා

ICC ප්‍රධාන විධායක තනතුරට, සංජෝග් ගුප්තා

Published

21 hours ago

July 7, 2025

editor

ජාත්‍යන්තර ක්‍රිකට් කවුන්සිලයේ (ICC) නව ප්‍රධාන විධායක නිලධාරීවරයා ලෙසින් සංජෝග් ගුප්තා පත්කර ඇති බව නිවේදනය කර සිටී.

සංජෝග් ගුප්තා දැනට ජියෝස්ටාර් හි ක්‍රීඩා සහ සජීවී අංශ සඳහා ප්‍රධාන විධායක නිලධාරිවරයා ලෙස කටයුතු කරනු ලබයි. එසේම ඔහු ගෝලීය මාධ්‍ය, විනෝදාස්වාද සහ ක්‍රීඩා මාධ්‍ය සම්බන්ධයෙන් ඉහළ පිළිගැනීමක් ඇති පුද්ගලයෙකු ලෙස ද සැලකේ.

ජාත්‍යන්තර ක්‍රිකට් කවුන්සිලයේ සභාපතිවරයා ලෙසින් ජේ ෂා පසුගිය 2024 දෙසැම්බර් 01 සිට පත්වූ අතර මෙලෙස එහි ප්‍රබල තනතුරු දෙකක්ම ඉන්දියානුවන් අතට පත්ව තිබීම විශේෂත්වයකි.

සංජෝග් ගුප්තා ICC ප්‍රධාන විධායක නිලධාරී තනතුරට පත් වූ හත්වැනි පුද්ගලයා වේ.