Connect with us

ක්‍රීඩා

ශ්‍රී ලංකා දැල්පන්දු පිල අද ජැමෙයිකාව සමඟ ගැටෙයි!

Published

on

දහසය වැනි ලෝක කුසලාන දැල්පන්දු තරගාවලිය අද (28) දකුණු අප්‍රිකාවේ කේප්ටවුන්හිදී ආරම්භ වේ.

මෙවර තරගාවලියට සත්කාරක දකුණු අප්‍රිකාව සමඟින් කණ්ඩායම් 16ක් තරග වැදීමට නියමිතය.

පසුගිය වසරේ අගෝස්තු 12 වැනිදා වන විට ලෝක ශ්‍රේණිගත කිරීම්වල ඉදිරියෙන්ම පසු වූ කණ්ඩායම් 5 වන වත්මන් ශූරීයන් වන නවසීලන්තය, ඔස්ට්‍රේලියාව, ජැමෙයිකාව, එංගලන්තය සහ උගන්ඩාව මේ තරගාවලියට ඍජුවම සුදුසුකම් ලැබූ කණ්ඩායම් වේ.

එසේම සත්කාරක දකුණු අප්‍රිකාව ද මෙවර තරගාවලියට එක්වූයේ සෘජුවම සුදුසුකම් ලැබූ කණ්ඩායමක් ලෙසයි.

සෙසු කණ්ඩායම් 10 සුදුසුකම් ලැබීමේ තරගාවලි මඟින් ලෝක ශූරතාවලියට එක් විය.

ශ්‍රී ලංකාව, සිංගප්පූරුව, ටොන්ගෝ, ෆීජී, මලාවි, සිම්බාබ්වේ, ස්කොට්ලන්තය, වේල්සය, බාබඩෝස් සමඟ ට්‍රිනිඩෑඩ් සහ ටොබැගෝ සුදුසුකම් ලැබීමේ තරගාවලි මඟින් මේ තරගාවලියට එක්වූ කණ්ඩායම් වෙති.

මේ කණ්ඩායම් 16 මූලික වටයේදී කාණ්ඩ 4ක් යටතේ තරග බිමට පිවිසෙයි.

ආසියානු ශූරියන් වෙමින් මෙවර ලෝක කුසලාන තරගාවලියේ ස්ථානයක් වෙන් කරගත් ශ්‍රී ලංකා කණ්ඩායම ‘සී’ කාණ්ඩයෙන් තරග වදින අතර, එම කාණ්ඩයට සත්කාරක දකුණු අප්‍රිකාව, ජැමෙයිකාව සහ වේල්සය ඇතුළත්ව සිටී.

සිංහධේනුවන් (The Lionesses) ලෙස අන්වර්ථ නාමයෙන් හඳුන්වන ශ්‍රී ලංකා කණ්ඩායම ලෝක කුසලාන තරගාවලියට එක්වන 11 වැනි අවස්ථාව මෙයයි.

මේ වන විට ලෝක ශ්‍රේණිගත කිරීම්වල 15 වැනි ස්ථානයේ පසුවන ශ්‍රී ලංකා පිල අවසන් වරට පැවති (2019) තරගාවලියට එක් විය.

එහිදී 15 වැනි ස්ථානයට පත් වූ අතර, ලෝක කුසලාන තරගාවලිය ආරම්භ වූ 1963දී සිලෝන් ලෙස එක් වූ මේ කණ්ඩායම 9 වැනි ස්ථානය හිමි කර ගෙන ඇති අතර, එය මෙතෙක් තරගාවලියේ හිමි කර ගෙන ඇති ඉහළම ස්ථානයයි.

තරගාවලිය ආරම්භ වන අද දිනයේම ශ්‍රී ලංකා පිල මූලික වටයේ පළමු තරගයේදී ජැමෙයිකාවට එරෙහිව තරග බිමට පිවිසෙන අතර, හෙට (29) දෙවැනි තරගයට එක් වන්නේ දකුණු අප්‍රිකාවට එරෙහිවය.

ශ්‍රී ලංකා පිල සහභාගී වන මූලික වටයේ අවසන් තරගය ඉරිදා (30) වේල්සයට එරෙහිව පැවැත්වේ.

අවසන් වරට 2019 වසරේ එංගලන්තයේ පැවති තරගාවලියේදී ඔස්ට්‍රේලියාව පරදවා ශූරතාව දිනා ගැනීමට නවසීලන්තය සමත් විය.

මේ වන විට නවසීලන්තය ලෝක කුසලානය 5 වරක් දිනා ගෙන ඇති අතර, සෙසු තරගාවලි 10දීම ඔස්ට්‍රේලියාව ශූරියන් වී තිබේ.

1979 වසරේ තරගාවලියේදී මේ දෙපිල සමඟින් ට්‍රිනිඩෑඩ් සහ ටොබැගෝ සම ශූරියන් බවට පත් විය.

මේ කණ්ඩායම් දෙකට අමතරව දකුණු අප්‍රිකාව සහ එංගලන්තය එක් වරක් බැගින් අනුශූරතාව දිනා ඇත.

ශ්‍රී ලංකා දැල්පන්දු කණ්ඩායම 
ගයන්ජලී අමරවංශ (නායිකාව), දුලංගි වන්නිතිලක (උප නායිකාව), තිසාලා අල්ගම, ගයනි දිසානායක, සෙමිණී අල්විස්, චතුරංග ජයසූරිය, මල්මි හෙට්ටිආරච්චි, භාෂිණී ද සිල්වා, රශ්මි පෙරේරා, කෞෂල්‍යා විජේසූරිය, ශානිකා පෙරේරා සහ තර්ජනී සිවලිංගම්.

ක්‍රීඩා

IPL අවසන් මහා තරගය අද

Published

on

By

2024 ඉන්දීය ප්‍රිමියර් ලීග් ක්‍රිකට් තරගාවලියේ අවසන් මහා තරගය අද (26) පැවැත්වීමට නියමිතව තිබේ.

ඒ, ප්‍රබල සන්රයිසස් හයිද්‍රාබාද් කණ්ඩායම සහ කොල්කටා නයිට් රයිඩර්ස් කණ්ඩායම් අතරය.

සන්රයිසස් හයිද්‍රාබාද් කණ්ඩායමේ නායකත්වය පැට් කමින්ස් විසින් දරනු ලබනු අතර, කොල්කටා නයිට් රයිඩර්ස් කණ්ඩායමේ නායකත්වය ශ්‍රෙයාස් අයියර් විසින් දරනු ලබයි.

ඉන්දීය ප්‍රිමියර් ලීග් අවසන් මහා තරගය ශ්‍රී ලංකා වේලාවෙන් අද රාත්‍රී 7.30ට චෙන්නායි හි එම්.ඒ. චිතදම්බරම් ක්‍රීඩාපිටියේදී ආරම්භ කිරීමට සියලු කටයුතු සූදානම් කර තිබේ.

https://www.msn.com/en-ca/sports/cricket/watch-ahead-of-ipl-2024-final-shah-rukh-khan-recalls-saddest-moment-as-kkr-co-owner/ar-BB1n3moj?ocid=socialshare#fullscreen

Continue Reading

ක්‍රීඩා

IPL  කුසලානය කාටද?

Published

on

By

මෙවර IPL තරගාවලියේ අවසන් මහා තරගයට සුදුසුකම් ලබා ගැනීමට සන්රයිසස් හයිද්‍රාබාද් කණ්ඩායම ඊයේ (24) රාත්‍රියේ සමත්විය.

ඒ අවසන් තරග වටයේ තුන්වැනි තරගයේදී රාජස්ථාන් රෝයල්ස් කණ්ඩායම ලකුණු 36කින් පරාජය කරමිනි.

සන්රයිසස් හයිද්‍රාබාද් කණ්ඩායම IPL අවසන් තරගයකට සුදුසුකම් ලබා ගත් තුත්වැනි අවස්ථා මෙය වන අතර  මෙවර IPL අවසන් මහ තරගය කොල්කටා නයිට් රයිඩර්ස් සහ සන්රයිසස් හයිද්‍රාබාද් කණ්ඩායම අතර චෙන්නායි හිදී හෙට (26) පැවැත්වීමට නියමිතය.

Continue Reading

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading
Advertisement

Trending

Copyright © 2023 Sri Lanka Mirror. All Rights Reserved