ක්‍රීඩා

සුප්‍රිම් ටීවී, ලංකා ඉන්දියා මැච් Dialog හා PEO TV ග්‍රාහකයන්ට ‘නොමිලේ’ දෙයි

Published

2 years ago

December 29, 2022

editor

වසර ගණනාවක සිට ශ්‍රී ලංකා ක්‍රිකට් ලෝලීන්ට Dialog සහ PEO TV ඔස්සේ ක්‍රිකට් තරඟ නැරඹීමට මුදල් ගෙවීමට සිදු වුවද, ඉන්දිය ක්‍රිකට් පිලේ ශ්‍රී ලංකා සංචාරය විකාශය කිරීමේ අයිති ලබාගත් ‘Supreme TV’ විසින් එය එම ග්‍රාහකයන්ට නොමිලේ ලබාදීමට තීරණය කර තිබේ.

මීට පෙර ඩයලොග් ටීවී නරඹන්නෙකුගෙන් එම සමාගම ක්‍රිකට් තරගයක් නැරඹීමට රුපියල් 173ක් අය කළ අතර ඒ අනුව ශ්‍රී ලංකා ක්‍රිකට් ලෝලීන්ට ඩයලොග් රූපවාහිනිය ඔස්සේ තරගයක් නැරඹීමට ගෙවන්න සිදුවූ මුදල පමණක් මිලියන 200ක් හෝ ඊට වැඩිය.

ජනවාරි 3 වැනිදා ආරම්භ වීමට නියමිත මෙම තරගාවලියට විස්සයි 20 සහ එක්දින තරග තුන බැගින් ඇතුළත්ව ඇත.

ඒ අනුව ඉන්දු – ශ්‍රී ලංකා ක්‍රිකට් තරගාවලිය Dialog TV (Channel 20), PEO TV (Channel 140) සහ Freesat (Channel 17) ඔස්සේ සියලුම ශ්‍රී ලාංකිකයන්ට නොමිලේ නැරඹීමට අවස්ථාව උදා වේ.

ඔබේ රූපවාහිනී යන්ත්‍රය UHF 47 (දිවයින පුරා) , UHF 49 (බටහිර), UHF 28 (දකුණු) , UHF 56 (සබරගමුව) හෙට (30) සිට UHF 32 (කරගහතැන්න) සුසර කිරීමෙන් ‘සුප්‍රීම් ටීවී’ නැරඹීමේ අවස්ථාව තිබේ.

ක්‍රීඩා

IPL අත්හිටුවයි

Published

7 hours ago

May 9, 2025

editor

ඉන්දීය ප්‍රිමියර් ලීග් (IPL) ක්‍රිකට් තරගාවලිය අත්හිටුවීමට එහි තරග සංවිධායකයින් තීරණය කර තිබේ.

ඉන්දියාව සහ පාකිස්තාන දේශසීමා ආසන්නයේ ඇතිවී තිබෙන යුද උණුසුම මධ්‍යයේ මෙම තීරණය ගෙන ඇති බව ක්‍රික් ඉන්ෆෝ වෙබ් අඩවිය වාර්තා කළේය.

ක්‍රීඩා

රෝහිත් ශර්මා ටෙස්ට් පිටියට සමුදෙයි

Published

2 days ago

May 7, 2025

editor

ඉන්දීය ටෙස්ට් ක්‍රිකට් කණ්ඩායමේ නිත්‍ය නායක රෝහිත් ෂර්මා ජාත්‍යන්තර ටෙස්ට් ක්‍රිකට් පිටියට සමුදීමට තීරණය කර ඇත.

සිය තීන්දුව සමාජ මාධ්‍ය ඔස්සේ ප්‍රකාශයට පත් කළ ශර්මා පවසා ඇත්තේ ටෙස්ට් සුදු ඇඳුමින් සැරසී සිය රට නියෝජනය කිරීමට ලැබීම ගෞරවයක් බවයි.

කෙසේවෙතත්, තමා තවදුරටත් එක්දින ජාත්‍යන්තර තරග වල ක්‍රීඩා කරන බවද ඔහු පවසා ඇත.

2024 වසරේ පැවති විස්සයි20 ලෝක කුසලානයෙන් අනතුරුව ඔහු T20 ජාත්‍යන්තර තරග බිමෙන්ද විශ්‍රාම ගියේය.

මේ වනවිට 38වන වියේ පසුවන රෝහිත් ටෙස්ට් තරග 67ක ඉනිම් 116කදී ඉන්දියාව වෙනුවෙන් ක්‍රීඩාකර ඇත. එහිදී ලකුණු 4301ක් රැස්කර ඇති රෝහිත්, ශතක 12ක් හා අර්ධ ශතක 18ක් වාර්තාකර තිබේ.