එළඹෙන ඇෆ්ගනිස්ථාන සංචාරය සඳහා වන සංචිතයෙන් ශ්‍රී ලංකා ක්‍රිකට් කණ්ඩායමේ තුන් ඉරියව් ක්‍රීඩක භානුක රාජපක්ෂ නිදහස් කර තිබේ.
භානුක විසින් සිදුකර තිබූ ඉල්ලීමක් අනුව ඔහුව නිදහස් කළ බව ශ්‍රී ලංකා ක්‍රිකට් ආයතනය විසින් ට්විටර් පණිවිඩයක් නිකුත් කරමින් පවසා ඇත.
මීට පෙර ට්විටර් පණිවිඩයක් නිකුත් කරමින් භානුක ද පවසා තිබුණේ එක්දින සංචිතයෙන් ඉවත්වීමට තමා තීරණය කළ බවත්, එම ඉල්ලීම පිළිගැනීම හා තමාට සහය දීම පිළිබඳව ශ්‍රී ලංකා ක්‍රිකට් ආයතනයට සිය ස්තූතිය පිරිනමන බවත්ය.
