ඔලිම්පික් තරග සඳහා ක්‍රිකට් ක්‍රීඩාව ඇතුළත් කිරීමට ජාත්‍යන්තර ඔලිම්පික් කමිටුවේ විධායක කමිටුව තීරණය කර තිබේ.
2028 ලොස් ඇන්ජලිස් නුවර පැවැත්වෙන ඔලිම්පික් උළෙලට ක්‍රිකට් ක්‍රීඩාව ඇතුළත් කර ඇති අතර එම තරග දකුණු කැළිෆෝනියාවේදී පැවැත්වීමට ජාත්‍යන්තර ඔලිම්පික් කමිටුවේ විධායක කමිටුව තීරණය කර ඇත.
පන්දුවාර විස්සේ තරගාවලියක් ලෙස එය පැවැත්වෙන බව සඳහන්ය.
කාන්තා සහ පිරිමි කණ්ඩායම් 6ක් බැගින් එය පැවැත්වෙනු ඇත.
ඔලිම්පික් ක්‍රිකට් ක්‍රීඩාංගනය ලෙස දකුණු කැලිෆෝනියාවේ පොමෝනාහි ෆෙයාර්ග්‍රවුන්ඩ්ස් ප්‍රකාශයට පත් කිරීමේ යෝජනාව ජාත්‍යන්තර ක්‍රිකට් කවුන්සිලයද පිළිගෙන තිබේ.
