මේ වනවිට පැවැත්වෙන ශ්‍රී ලංකා – බංග්ලාදේශ දෙවැනි ටෙස්ට් තරගයට සහභාගී වෙමින් සිටි දිනේෂ් චන්දිමාල් වහාම ක්‍රියාත්මක වන පරිදි එම තරගයෙන් ඉවත්වී තිබේ.
ශ්‍රී ලංකා ක්‍රිකට් ආයතනය නිවේදනයක් නිකුත් කරමින් පවසන්නේ, “ඔහුගේ පවුලේ හදිසි වෛද්‍යමය අවශ්‍යතාවයක්” හේතුවෙන් ඔහු මෙම තීරණය ගෙන ඇති බවයි.
ඒ අනුව, ඔහු හැකි ඉක්මනින් මෙරටට පැමිණීමට නියමිතය.
මේ අවස්ථාවේදී ශ්‍රී ලංකා ක්‍රිකට් ආයතනය, චන්දිමාල් ගේ ක්‍රීඩා සගයන්, හා පුහුණු කාර්ය මණ්ඩලය ඔහුට පූර්ණ සහයෝගය ලබා දෙන බවත්, ඔහුගේ සහ ඔහුගේ පවුලේ අයගේ පෞද්ගලිකත්වයට ගරු කරන ලෙස මහජනතාවගෙන් ඉල්ලා සිටින බවත් එම නිවේදනයේ වැඩිදුරටත් දැක්වේ.
අද ශ්‍රී ලංකා – බංග්ලාදේශ දෙවැනි ටෙස්ට් තරගයේ සිවුවැනි දිනයයි.
