ඇෆ්ගනිස්තානයට එරෙහිව ජුනි මාසයේදී පැවැත්වෙන එක්දින ජාත්‍යන්තර තරගාවලියේ පළමු තරග 2 සඳහා සහභාගීවන ශ්‍රී ලංකා සංචිතය නම්කර තිබේ.
එහි විශේෂත්වයක් වන්නේ ටෙස්ට් නායක දිමුත් කරුණාරත්න ද මෙම කණ්ඩායමට නම්කර තිබීමයි.
මෙම සංචිතයට වේගපන්දු යවන ක්‍රීඩක දුෂ්මන්ත චමීර ද නම් කර ඇති තිබේ.
කෙසේවෙතත්, තුන් ඉරියව් ක්‍රීඩක දුනිත් වෙල්ලාලගේ මෙම සංචිතයට නම් කර නැති අතර, ඔහු වෙනුවට නවක ක්‍රීඩක දුෂාන් හේමන්ත නම් කර ඇත.
ශ්‍රී ලංකා ක්‍රිකට් විසින් නම් කර ඇති සංචිතය මෙසේය :
දසුන් ශානක – (නායක), පැතුම් නිස්සංක, දිමුත් කරුණාරත්න, කුසල් මෙන්ඩිස්, ඇන්ජලෝ මැතිව්ස්, චරිත් අසලංක, ධනංජය ද සිල්වා, සදීර සමරවික්‍රම, චාමික කරුණාරත්න, දුෂාන් හේමන්ත, වනිඳු හසරංග, ළහිරු කුමාර, දුෂ්මන්ත චමීර, කසුන් රාජිත, මතීෂ පතිරණ, මහීෂ් තීක්ෂණ
