ක්‍රීඩා

පැරා ඔලිම්පික් ලෝක වාර්තාවක් පිහිට වු සමිත දුලාන්ට නව හෙල්ලයක්

Published

5 months ago

January 31, 2025

editor

2024 ලෝක පැරා ඔලිම්පික් ක්‍රීඩා උළෙලේ පිරිමි F44 හෙල්ල විසිකිරීමේ ඉසව්වෙන් මීටර් 67.03 දස්කමක් දක්වා නව ලෝක වාර්තාවක් පිහිටුවමින් රිදී පදක්කමක් දිනාගෙන කැපී පෙනෙන ජයග්‍රහණයක් අත්කරගත් ශ්‍රී ලංකා යුධහමුදා පොලිස් හේවා බලකායේ (SLCMP) බලලත් නිලධාරි සමිත දුලාන් කොඩිතුවක්කු මහතා වෙත ජනවාරි 29 දින අධ්‍යාපන අමාත්‍යංශයේදී අග්‍රාමාත්‍යවරියගේ අතින් නව හෙල්ලයක් පිරිණැමීම සිදුවිය.

2024 වර්ෂයේ ප්‍රංශයේ පැවැති පැරා ඔලිම්පික් උළෙලට සහභාගී වූ අවස්ථාවේ බලලත් නිලධාරි සමිත දුලාන් කොඩිතුවක්කු මහතා හමුවු සුභාෂිනී නිරංජලා වීරසිංහ මහත්මිය තම ශ්‍රී ලංකා සංචාරයේදී මෙම විශේෂ හෙල්ලය ලබා දීමට අදහස් කර ඇත.

මෙම අවස්ථාවට ශ්‍රී ලංකා යුද හමුදාවේ ක්‍රීඩා අධ්‍යක්ෂ සුභාෂිනී නිරංජලා වීරසිංහ මහත්මිය සහ සමිත දුලාන්ගේ පුහුණුකරු ප්‍රදීප් නිශාන්ත මහතා එක්වූහ.

සමිත දුලාන් ක්‍රීඩකයා විසින් අත් කර ගත් ජාතික හා ජාත්‍යන්තර ජයග්‍රහණයන්.

2016 යුද හමුදා ආධුනික මලල ක්‍රීඩා තරගාවලියේ වාර්තාවක් සමගින් – රන් පදක්කම දිනා ගැනීම
2018 යුද හමුදා පැරා මලල ක්‍රීඩා තරගාවලියේ – රිදී පදක්කම දිනා ගැනීම
2019 ජාතික පැරා මලල ක්‍රීඩා තරගාවලියේ – රන් පදක්කම දිනා ගැනීම
2020 ජාතික පැරා මළල ක්‍රීඩා තරගාවලියේ – රන් පදක්කම දිනා ගැනීම
2021 ජපානයේ පැවති පැරා ඔලිම්පික් තරගාවලියේ – ලෝකඩ පදක්කම දිනා ගැනීම
2022 ජාතික පැරා මළල ක්‍රීඩා තරගාවලියේ -රන් පදක්කම දිනා ගැනීම
2022 යුද හමුදා පැරා මළල ක්‍රීඩා තරගාවලියේ – රන් පදක්කම දිනා ගැනීම
2022 ඉන්දියා ජාතික විවෘත පැරා මළල ක්‍රීඩා තරගාවලියේ – රිදී පදක්කම දිනා ගැනීම
2023 ඕස්ට්‍රේලියා විවෘත පැරා මළල ක්‍රීඩා තරගාවලියේ – රිදී පදක්කම දිනා ගැනීම
2023 ප්‍රංශයේ පැවති ලෝක ශූරතා තරගාවලියේ – ලෝකඩ පදක්කම දිනා ගැනීම
2023 චීනයේ පැවැති ආසියානු මළල ක්‍රීඩා තරගාවලියේ – රිදී පදක්කම දිනා ගැනීම
2024 මොරොක්කෝ පැවති ලෝක ශූරතා තරගාවලියේ – රන් පදක්කම දිනා ගැනීම
2024 ජපානයේ පැවැති ලෝක ශූරතා පැරා තරගාවලියේ – රිදී පදක්කම දිනා ගැනීම
2024 ප්‍රංශයේ පැවති පැරා ඔලිම්පික් ක්‍රීඩා තරගාවලියේ – රිදී පදක්කම දිනා ගැනීම

ක්‍රීඩා

ටෙස්ට් තරඟයේ ජය ශ්‍රී ලංකාවට

Published

3 days ago

June 28, 2025

editor

සංචාරක බංග්ලාදේශ කණ්ඩායම සහ ශ්‍රී ලංකා කණ්ඩායම අතර පැවති දෙවන ටෙස්ට් තරගයෙන් ශ්‍රී ලංකා පිල ජයග්‍රහණය කර තිබේ.

එහිදී ශ්‍රී ලංකා පිල ඉනිමක් සහ ලකුණු 78කින් එම තරගයේ ජය ගැනීමට සමත් විය.

ඒ අනුව තරග දෙකකින් සමන්විත වූ මෙම තරගය 1-0ක් ලෙස ශ්‍රී ලංකාවට ජය හිමි විය.

SSC ක්‍රීඩාංගණයේදී පැවැති මෙම තරගයේ සිව්වද දින වූ අද (28) දින උදෑසන බංග්ලාදේශය සිය දෙවැනි ඉනිම ආරම්භ කළ අතර එහිදී ඔවුන් කඩුලු 6ක් දැවී ලකුණු 115ක් රැස් කරගෙන සිටියේය.

ඒ අනුව ඔවුන්ට සිය දෙවන ඉනිම සඳහා රැස්කරගත හැකි වූයේ සියලු දෙනා දැවී ලකුණු 133ක් පමණි.

මෙම තරගයේදී කිසිදු බංග්ලාදේශ පිතිකරුවෙකුට ලකුණු 30 සීමාව ඉක්මවා යාමට හැකියාවක් නොලැබුණු අතර වැඩිම ලකුණු ලාභියා වූයේ මුෂ්ෆිකර් රහීම් වන අතර ඔහු රැස් කරගත් ලකුණු සංඛ්‍යාව 26කි.

මෙහිදී ප්‍රභාත් ජයසූරිය ලකුණු 56කට කඩුලු 5ක් දවා ගැනීමට සමත්වූ අතර නායක ධනංජය ද සිල්වා සහ තරිඳු රත්නායක කඩුලු 2 බැගින් දවා ගත්තේය.

ක්‍රීඩා

පැතුම් 150 පසුකරයි

Published

4 days ago

June 27, 2025

editor

බංග්ලාදේශයට එරෙහිව විශිෂ්ට ඉනිමක් ක්‍රීඩාකරමින් සිටින පැතුම් නිස්සංක මීට සුළු වේලාවකට පෙර ලකුණු 150 සීමාව පසුකිරීමට සමත් විය.

ඒ අනුව ඔහු නොකඩවා ටෙස්ට් තරග දෙකකදී මේ වනවිට ලකුණු 150 සීමාව පසුකර ඇත.

පන්දු 242කට මුහුණදෙමින් ඔහු මෙම කඩඉම පසුකර ගිය අතර, ඔහුගේ ඉනිමේ හතරේ පහර 18ක්ද ඇතුළත් වෙයි.

ශ්‍රී ලංකා කණ්ඩායම මේ වනවිට කඩුලු 2කට ලකුණු 296ක් රැස්කරගෙන සිටින අතර, පැතුම් සමගින් අනෙක් අන්තයේ රැඳී සිටින ප්‍රබාත් ජයසූරිය පන්දු 23කට මුහුණදී ලකුණු 6ක් රැස්කරගෙන සිටියි.

දෙවන ටෙස්ට් ක්‍රිකට් තරගයේ තෙවන දිනට අද තරගය ආරම්භ කරන විට ශ්‍රී ලංකා කණ්ඩායම කඩුලු 2ක් දැවී ලකුණු 290ක් රැස්කරගෙන සිටි අතර, ඒ වනවිට පැතුම් ලකුණු 146ක් ලබාගෙන තිබුණි.