ක්‍රීඩා

ශ්‍රී ලංකා – පාකිස්තාන අවසන් පූර්ව තරගය අද

Published

on

ආසියානු කුසලාන කාන්තා විස්සයි 20 ක්‍රිකට් තරගාවලියේ අවසන් පූර්ව තරග අද (26) දඹුල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වේ.

එහිදී සත්කාරක ශ්‍රී ලංකා කණ්ඩායම පාකිස්තානයට එරෙහිව දෙවැනි අවසන් පූර්ව තරගයට එක්වන්නේ රාත්‍රී 7.00ටයි.

එයට පෙර පස්වරු 2.00ට ඉන්දියාව සහ බංග්ලාදේශය අතර පළමු අවසන් පූර්ව තරගය පැවැත්වීමට නියමිතය.

“බී” කාණ්ඩයෙන් තරග කළ ශ්‍රී ලංකාව අපරාජිතවම අවසන් පූර්ව වටයට එක්වූ අතර “ඒ” කාණ්ඩයේ දී ඉන්දියාවට පමණක් පරාජය වෙමින් දෙවැනි තැනට පත්වන්නේ පාකිස්තානයයි.

මෙම තරග ද්විත්වයෙන් ජය ගන්නා කණ්ඩායම් දෙක අවසන් මහා තරගයට සුදුසුකම් ලබන අතර අවසන් මහා තරගය ලබන 28 වැනිදා පස්වරු 3.00ට දඹුල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වීමට නියමිතය.

Trending

Exit mobile version