පිරිමි වශයෙන් උපන් සංක්‍රාන්ති ලිංගික ක්‍රීඩිකාවන්ට ජාත්‍යන්තර කාන්තා ක්‍රිකට් ක්‍රීඩා කිරීම ජාත්‍යන්තර ක්‍රිකට් කවුන්සිලය (ICC) විසින් තහනම් කර තිබේ.
ක්‍රීඩිකාවන්ගේ ආරක්ෂාව සහතික කිරීම සඳහා මාස නවයක උපදේශන ක්‍රියාවලියකින් පසුව ඔවුන් මෙම තීරණය ගෙන ඇති බව නිවේදනයක නිකුත් කරමින් ICCය සඳහන් කර ඇත.
ජාත්‍යන්තර කාන්තා සංචිතයකට නම් කළ ලොව පළමු සංක්‍රාන්ති ලිංගික ක්‍රිකට් ක්‍රීඩිකාව වනුයේ කැනඩාවේ Danielle McGahey ය.
මෙම වසර මුලදී කැනඩා සංචිතයට නම් කර ඇති 29 හැවිරිදි ඇය, පසුගිය සැප්තැම්බර් මාසයේදී බ්‍රසීලයට එරෙහිව විස්සයි 20 ජාත්‍යන්තර තරගයකටද සහභාගි වූවාය.
කෙසේ වෙතත්, ICC හි නව රෙගුලාසි යටතේ ඇයට තවදුරටත් ජාත්‍යන්තර කාන්තා ක්‍රිකට් තරඟ සඳහා තරඟ කිරීමට නොහැකි වේ.
