Connect with us

ක්‍රීඩා

207 ඉන්න අපේ ෆුට්බෝල් තහනම් කළාම මක්ක වෙයිද?

Published

on

ක්‍රීඩා ඇමති රොෂාන් රණසිංහ විසින් පසුගියදා ක්‍රීඩා පණතට සංශෝධන කිහිපයක් එකතු කරමින් නිකුත් කළ ගැසට් පත්‍රය නිසා ක්‍රීඩා පරිපාලනයේ වසර ගණනක් මුළුල්ලේ වෙනත් අයට අවස්ථාවක් ලබා නොදෙමින් රැඳී සිට්න නිලධාරින් පිරිසක් මහත් කැළඹීමට පත්ව තිබේ.

එම සංශෝධනයෙන් වයස 70 ට වැඩි අයට පිට පිට දෙවරක් සභාපති ධූර දැරූ අයට වසර අටක් විවිධ තනතුරු දැරූ අයට හා කිසියම් දූෂණ චෝදනාවකට වරදකරුවකු වූ අයට ඉදිරි නිලවරණ වලට සහභාගි වීම වළක්වා තිබීම ක්‍රීඩා පරිපාලනයට අලුතින් එක්වීමට බලාපොරොත්තුවෙන් සිටින බොහෝ දෙනකුගේ ප්‍රශංසාවට හේතු වී තිබිණ.

එහෙත් මේ මගින් විදෙස් සංචාර හා වෙනත් වරප්‍රසාද රැසක් දිගින් දිගටම භුක්ති විඳමින් සිටි ඇතැම් නිලධාරින් කිහිප දෙනෙකු එක්ව ක්‍රීඩා ඇමතිවරයාට එරෙහිව නඩු මඟට බැසීමටද පසුගිය දිනවල නීතිවේදීන් හමුවී උපදෙස් ලබාගෙන තිබුණු බව වාර්තා විය.

මේ අතර අලුත්ම තත්ත්වයක් නිර්මාණය වී ඇත්තේ පාපන්දුවේය. එහි නිලවරණය ලබන 14 දා පැවැත්වීමට නියමිතව තිබෙන අතර එය නව රෙගුලාසි අනුව පැවැත්වීමට ක්‍රීඩා අමාත්‍යංශය කටයුතු යොදා තිබිණ.

මේ අනුව ලීග සඳහා මෙතෙක් තිබුණු චන්ද තුන එක් චන්දයකට සීමා කර තිබීම ඇතැමුන්ට බරපතල ප්‍රශ්නයක් බවට පත්වූ බව ශ්‍රීලංකා මිරර් වෙත වාර්තා විය.

කෙසේ වෙතත් පාපන්දු නිලවරණට ජාත්‍යන්තර පාපන්දු සම්මේලනයද (ෆීෆා) ප්‍රතික්‍රියා දක්වමින් අනතුරු ඇඟවීමක් එවා තිබිණ.

මෙම ලිපියට ඇතැම් මාධ්‍ය ප්‍රසිද්ධියක් ලබා දී තිබුණේ මේ හේතුවෙන් ශ්‍රී ලංකාවට ජාත්‍යන්තර තරග තහනමක් හා මූල්‍ය ආධාර අහිමි වීමක් ෆීෆා මගින් ලැබීමේ අවදානමක් ඇති බවටයි.

එහෙත් පාපන්දු සම්මේලනයේ හිටපු සභාපති ජැස්වර් විසින් කරන ලද අත්තනෝමතික හා විගණනයට ලක් නොවුණු වියදම් පිළිබඳව ඇති චෝදනා ගැන ෆීෆා නිලධාරීන් කිසිවක් නොකීම පුදුමයට කරුණක් බව පාපන්දු ක්ෂේත්‍රයේ කතා බහට ලක්ව තිබේ.

මේ අතර කටාරයේ පැවති ෆීෆා ලෝක කුසලාන පාපන්දු තරගාවලියේ ප්‍රවේශපත්‍ර මිළදී ගැනීම සඳහා ඩොලර් 43,000 ක් වැය කිරීම හා එම ප්‍රවේශ පත්‍ර වලට සිදු වූයේ කුමක්දැයි පැහැදිලි නොකිරීම පිළිබඳව ජැස්වර්ට ඇත්තේ බරපතල චෝදනාවකි.

ඔහු මීට පෙර පාපන්දු සමේලනයේ ලේකම් ලෙස කටයුතු කළ සමයේදී ක්‍රීඩා අමාත්‍යාංශයේ ක්‍රීඩා වලට සම්බන්ධ වැරදි වැලැක්වීමේ විශේෂ විමර්ශන ඒකකය පැවැත්වූ විමර්ෂනයකදී ජැස්වර් වරදකරුවකු බවට නිර්දේශ කර තිබිණ.

නව රෙගුලාසි අනුව එවැන්නෙකුට යළි තරග වැදිය නොහැකි වුවත් මෙවර පාපන්දු නිලවරණ කමිටුව ජැස්වර්ගේ සභාපති නාම යෝජනාව පිළිගෙන තිබීම විශේෂ සිද්ධියකි.

දැනට ශ්‍රී ලංකා පාපන්දුව ඇත්තේ ලෝක පාපන්දු ශ්‍රේණිගත කිරීම් රටවල් 211 අතර 207 වැනි ස්ථානයේය. ඒ අනුව පාපන්දුව ජාත්‍යන්තර මට්ටමින් තහනම් කළහොත් අමුතුවෙන් සිදු විය හැකි දෙයක් නැති අතර වනුයේ වාර්ෂිකව සම්මේලනය වෙත ෆීෆා වෙතින් ලැබෙන ඩොලර් ප්‍රමාණය අහිමි වීම පමණක් බව බොහෝ පාපන්දු විචාරකයෝ පවසති.

ක්‍රීඩා

දඹුල්ල තන්ඩර්ස් කණ්ඩායමේ අයිතීන් අත්හිටුවයි

Published

on

By

එළඹෙන LPL තරගාවලිය සඳහා සහභාගීවීමට නියමිතව සිටි දඹුල්ල තන්ඩර්ස් කණ්ඩායමේ අයිතීන් වහාම ක්‍රියාත්මක වන පරිදි අත්හිටුවීමට කටයුතු කළ බව ලංකා ප්‍රිමියර් ලීග් නිවේදනය කරයි.

LPL සංවිධායක කමිටුවේ සභාපති අනිල් මොහාන් මහතා පවසා ඇත්තේ  LPL තරගාවලියේ විනිවිදභාවය සහ ගුණාත්මක භාවය ආරක්ෂා කරගැනීම වෙනුවෙන් මෙම පියවර ගත් බවය. 

අදාළ නිවේදනයේ දැක්වෙන්නේ Imperial Sports Group ප්‍රධාන විධායක නිලධාරී තමීම් රහමාන් මුහුණදී ඇති නීතිමය කරුණු සලකාබලා ඉහත තීරණය ගත් බවයි.

2024 ලංකා ප්‍රිමියර් ලීග් ක්‍රිකට් තරගාවලියේදී තරග පාවාදීම සඳහා යෝජනා කිරීමට උත්සාහ කිරීම සම්බන්ධයෙන් දඹුල්ල තන්ඩර්ස් කණ්ඩායම් හිමිකරු සහ ප්‍රධාන විධායක නිලධාරීයා ලෙස කටයුතු කළ තමීම් රහමාන් මැයි  31 වනදා දක්වා රක්ෂිත බන්ධනාගාරගත කිරීමට කොළඹ මහෙස්ත්‍රාත් අධිකරණය අද (22) නියම කළේය.

Continue Reading

ක්‍රීඩා

සමිත දුලාන් ගෙන් ලෝක වාර්තාවක්

Published

on

By

ජපානයේ පැවැත්වෙන ලෝක ශූරතා පැරා මලල ක්‍රීඩා ශූරතා තරගාවලයේදී නව ලෝක වාර්තාවක් පිහිටුවීමට ශ්‍රී ලංකාවේ සමිත දුලාන් සමත්විය.

ඒ, F -44 හෙල්ල විසිකිරීමේ ඉසව්වෙන් සමිත සිය පළමු උත්සාහයේදී මීටර් 66.49 ක දක්ෂතාවක් වාර්තා කරමිනි.

Continue Reading

ක්‍රීඩා

LPL වෙන්දේසියේදී ඉහල මිලක් හිමිවූ මතීෂ

Published

on

By

කොළඹදී දැන් පැවැත්වෙන ලංකා ප්‍රීමියර් ලීග් (එල්.පී.එල්) ක්‍රිකට් තරගාවලියේ ක්‍රීඩක වෙන්දේසියේදී ශ්‍රී ලංකා යොවුන් වේගපන්දු යවන ක්‍රීඩක මතීෂ පතිරණ ඇමෙරිකානු ඩොලර් 120,000 ක් හෙවත් රුපියල් ලක්‍ෂ 360 කට ආසන්න මුදලකට අළෙවි විය.

එහිදී කොළඹ කණ්ඩායම විසින් මතීෂ පතිරණ මිලදීගත් අතර මේ වන විටත් පැවැත්වෙන වෙන්දේසියේදී මේ දක්වා ඉහළම මිල මතීෂට හිමිවිය.

Continue Reading
Advertisement

Trending

Copyright © 2023 Sri Lanka Mirror. All Rights Reserved