අලුත උපන් බිළිඳුන් 07 දෙනෙකු ඝාතනය කිරීම සම්බන්ධයෙන් වරදකාරිය වූ හෙදියකට අද බ්‍රිතාන්‍ය අධිකරණය විසින් ජීවිතාන්තය දක්වා සිරදඬුවම් නියම කර තිබේ.
33 හැවිරිදි ලූසි ලෙට්බි නම් එම හෙදිය සේවය කර තිබුණේ බ්‍රිතාන්‍යයේ ‘කවුන්ටස් ඔෆ් චෙස්ටර්’ රෝහලේය. ඇය මෙම ඝාතන සිදුකර ඇත්තේ 2015 ජුනි – 2016 ජුනි අතර කාලයේදීය.
ඝාතනය කළ බිළිඳුන් සත්දෙනාට අමතරව ඇය තවත් බිළිඳුන් සය දෙනෙකු ඝාතනය කිරීමට උත්සහ කර ඇති බවටද චෝදනා ඔප්පු වී තිබේ.
ලූසි විසින් ඝාතනය වූ බිළිඳුන්ට දෙදෙනෙකුට ඉන්සියුලින් විෂ කර තිබුණු බවත්, අනෙක් දරුවන්ට බලහත්කාරයෙන් කිරි පොවා හෝ හිතාමතාම වාතය එන්නත් කර ඇති බවත් විදෙස් වාර්තා සඳහන් කරයි.
බ්‍රිතාන්‍ය ඉතිහාසයේ ජීවිතාන්තය දක්වා සිරදඬුවම් හිමි වූ සිවුවැනි කාන්තාව ඇය බවද ඒජන්සි වාර්තා වල දැක්වේ.
