විදෙස්
හැරිස් සමග අලුත් පිටුවක් පෙරලන ලෙස ඔබාමාගෙන් ඉල්ලීමක්
ඩිමොක්‍රටික් ජාතික සමුළුවේ දෙවන රාත්‍රිය හිටපු අමෙරිකා එක්සත් ජනපද ජනාධිපති බැරක් ඔබාමා සහ මිෂෙල් ඔබාමා දෙදෙනාගේ සහභාගීත්වයෙන් වර්ණවත් වී තිබුණි
ඔවුන් දෙදෙනාම අමෙරිකානුවන්ගෙන් ඉල්ලා ඇත්තේ, කමලා හැරිස් සමගින් අමෙරිකාවේ නව පරිච්ඡේදයක් පෙරලන ලෙසය.
චිකාගෝ හි පිරී ඉතිරී ගිය ප්‍රේක්ෂකයින්ව වේදිකාවක සිට අමතමින් ඇය සමඟ “නව අමෙරිකාවක්” ගොඩනැගීමට සහාය දෙන ලෙසයි ඔවුන් දෙදෙනා ඡන්දදායකයින් ඉල්ලා ඇත.
මිෂෙල් ඔබාමා සිය කතාවේදී ඩොනල්ඩ් ට්‍රම්ප්ට සෘජුවම සමච්චල් කරමින්, ප්‍රශ්න කර ඇත්තේ, ජනාධිපති වීම යනු ඔහු “කළු රැකියාවක්” සඳහා තරඟ කරන බව ඔහු නොදන්නේද යන්නයි.
සංක්‍රමණිකයන් එක්සත් ජනපදයේ “කළු රැකියා” ලබා ගන්නා බව පැවසීම හේතුවෙන් රිපබ්ලිකන් අපේක්ෂක ට්‍රම්ප් දැඩි විවේචනයට ලක්ව තිබේ.
ට්‍රම්ප් මෙන් නොව කමලා හැරිස් යනු බහුතර අමෙරිකානුවන් මෙන් සාමාන්‍ය ජීවිතයක් ගත කර ඉහළට පැමිණි කාන්තාවක් බව මිචෙල් ඔබාමා සිය කතාවේදී අවධාරණය කර තිබේ.
ආවේගශීලීව තම අදහස් පළ කර ඇති හිටපු අමෙරිකානු ජනපති බැරක් ඔබාමා මෙහිදී අවධාරණය කර ඇත්තේ ඩොනල්ඩ් ට්‍රම්ප්ගේ චිත්‍රපටය මීට පෙර අමෙරිකානුවන් දැක ඇති බවය.
ඒ නිසා නැවතත් ඔහුගේ රංගනයක් නැරඹීමට අමෙරිකානුවන්ට අවශ්‍ය නැති බව සිහි තබාගෙන උප ජනපති කමලා හැරිස් ජනපති බවට පත් කළ යුතු බව ඔහු සඳහන් කර ඇත.
දින හතරක් පුරා පැවැත්වෙන මෙම ඩිමොක්‍රටික් සමුළුව මගින් ජනාධිපති අපේක්ෂකයා ලෙස කමලා හැරිස්ව නිල වශයෙන් අභිෂේක කරනු ඇත.
මීට පෙර ඝාතන තැතකින් දිවි ගලවා ගැනීමෙන් පසු හිටපු ජනපති ඩොනල්ඩ් ට්‍රම්ප් පසුගිය මාසයේ ඔහුගේ සමුළුව පැවැත්වූයේය.
ගැරඩි ඇල්ල බස් අනතුරින් මියගිය ගණන ඉහලට; බස් එකේ කොටසුත් ගොඩ ගනියි
සේමිණිට ඇප
