ශ්‍රී ලංකාවේ නිෂ්පාදනය කෙරෙන ජාත්‍යන්තර ප්‍රදර්ශනය සඳහා ඉදිරිපත් කිරීමට නියමිත  ” කේජ් බර්ඩ් ” ( Cadge Bird ) නැමති චිත්‍රපටය සඳහා එහි ප්‍රධාන චරිතය රගපෑමට , සුප්‍රකට දකුණු ඉන්දීය සිනමා නිළි වරලක්ෂ්මි සරත් කුමාර් ඊයේ (17) උදෑසන මෙරටට පැමිණ තිබුණි.

මෙම චිත්‍රපටය ශ්‍රී ලාංකික සිනමා අධ්‍යක්ෂවරයෙකු වන චන්ද්‍රන් රත්නම් විසින් නිර්මාණය කරයි.

ඇය පිළිගැනීම සඳහා ශ්‍රී ලංකා සංචාරක ප්‍රවර්ධන කාර්යාංශයේ නියෝජ්‍ය අධ්‍යක්ෂ හරේන්ද්‍රා විජේවර්ධන සහ ශ්‍රී ලංකා සංචාරක ප්‍රවර්ධන කාර්යාංශයේ ජාත්‍යන්තර සිනමාකරණ හා ප්‍රවර්ධන අංශයේ සහකාර අධ්‍යක්ෂ චමින්ද මුණසිංහ කටුනායක ගුවන් තොටුපොළ ” සිල්ක් රූට් ” පර්යන්තය වෙත ගොස් තිබිණි.

ටික්ටොක් අනුගාමිකයන් මිලියන 162.2ක් සමග ලොව විශාලතම ටික්ටොක් තාරකාව බවට පත්ව සිටින කාබි ලාමේ (Khaby Lame), අමෙරිකා එක්සත් ජනපද ෆෙඩරල් බලධාරීන්ගේ භාරයට පත්ව පසුගියදා එරටින් නෙරපා හැර තිබේ.

ඔහු සිය වීසා කාලසීමාව ඉක්මවමින් අමෙරිකාව තුළ රැඳීසිටීම මීට හේතුව වී ඇති බව අනාවරණය වී ඇත.

වත්මන් ට්‍රම්ප් පරිපාලනය යටතේ ස්ථාපිත කර ඇති ආගමන හා රේගු නීති බලාත්මක කිරීමේ ඒජන්සිය මඟින් ගනු ලැබූ තීරණයකට අනුව ලාමේ මෙලෙස රටින් පිට කිරීමට පියවර ගෙන තිබේ.

ඔහු එම ඒජන්සියේ අත්අඩංගුවට පත්වන අවස්ථාව වනවිට ලාස් වේගාස් හි හැරී රීඩ් ජාත්‍යන්තර ගුවන්තොටුපොළේ රැඳී සිට ඇත.

සෙනගාල සම්භවයක් සහ ඉතාලි පුරවැසිභාවය සහිත ලාම්ගේ සැබෑ නම සෙරින්ගේ කාබානේ ලාමේ (Seringe Khabane Lame).

ගෙවුණු කොවිඩ් -19 වසංගත සමයේදී ඔහු ලොව වඩාත් ජනප්‍රිය තාරකාවක් බවට පත්වුණි.

එහිදී ඔහු කිසිදු අදහස් දැක්වීමකින් තොරව හුදෙක් සිය මුහුණේ ඉරියව් සහ හැසිරීම් මඟින් ඉදිරිපත් කළ උපහාසාත්මක අංග ලොව පුරා සමාජ මාධ්‍ය පරිශීලකයන් අතර ප්‍රසිද්ධියට පත්වුණි.

ලාමේ පසුගිය අප්‍රේල් 30 වනදා එක්සත් ජනපදය වෙත පැමිණ තිබෙන බව වාර්තා වේ.

ඒ අනුව ඔහු සිය නියමිත වීසා කාලය ඉක්මවා අමෙරිකාව තුළ රැඳී සිට ඇති බවත්, ඔහු අධිකරණ නියෝගයක් හරහා රටින් පිටුවහල් කිරීමට පෙර ස්වේච්ඡාවෙන්ම රටින් පිටවීමට අවස්ථාව ලබාදුන් බවත් ආගමන හා රේගු නීති බලාත්මක කිරීමේ ඒජන්සිය ප්‍රකාශ කර තිබේ.

යම් ලෙසකින් අධිකරණ නියෝගයක් මඟින් රටින් පිටුවහල් කෙරෙන පුද්ගලයෙකුට නැවතත් දශකයක් ගතවන තුරුම එක්සත් ජනපදය වෙත ඇතුළුවීම තහනම් කෙරෙන බව සඳහන්ය.

ලාමේ එක්සත් ජනපදයේ රැඳී සිටි කාලය තුළදී නිව්යෝක් නුවරදී සංවිධාන වූ මෙට් ගාලා විලාසිතා උත්සවයටත් සහභාගී වී තිබේ.

ඔහු මේ වසරේ ජනවාරි මාසයේ සිට යුනිසෙෆ් සංවිධානයේ කීර්තිමත් තානාපතිවරයෙකු ලෙසද පත්කර ඇත.

ඉන්දීය අධ්‍යක්ෂ මහේෂ් නාරායනන්ගේ ඉදිරියේදී එළිදැක්වීමට නියමිත ජනප්‍රිය තරු රැසක් රඟන චිත්‍රපටයේ දෙවැනි රූගත කිරීමේ කාලසටහන සඳහා ඉන්දීය නළු මෝහන්ලාල් පසුගිය සෙනසුරාදා(14) ශ්‍රී ලංකාවට පැමිණියේය.

ඔහු කොචි සිට බණ්ඩාරනායක අන්තර්ජාතික ගුවන්තොටුපොළට පෙ.ව. 11:20ට ශ්‍රී ලංකන් ගුවන් සේවයේ UL-166 ගුවන් යානයෙන් ගොඩබැස්සේය.

වත්මන් රූගත කිරීමේ අදියර සම්පූර්ණ කිරීම සඳහා මෝහන්ලාල් දින 10ක් ශ්‍රී ලංකාවේ රැඳීසිටීමට අපේක්ෂා කෙරේ.

ජනමාධ්‍ය වෙත අදහස් දක්වමින් මෝහන්ලාල් පැවසුවේ, ශ්‍රී ලංකාව චිත්‍රපට රූගත කිරීම් සඳහා විශිෂ්ට ස්ථාන ලබාදෙන බවත්, ශ්‍රී ලංකාව වැඩකිරීමට ඉතා මිත්‍රශීලී ස්ථානයක් බවත්ය.

තමා ශ්‍රී ලංකාව නැරඹීමට කැමති බවත්, සිනමාව සඳහා නැවුම් පසුතල සහිත සුන්දර ගමනාන්තයක් බවත්, ශ්‍රී ලංකාවේ තවත් චිත්‍රපට රූගත කිරීමට දැනටමත් සැලසුම් කරමින් සිටින බවත් ඔහු පැවැසීය.

මෙම චිත්‍රපටය ඇන්ටෝ ජෝසප් චිත්‍රපට සමාගම සමඟ එක්ව ඇන්ටනි පෙරුම්බාවූර්ගේ ආශිර්වාද් සිනමාස් විසින් නිෂ්පාදනය කරනු ලැබේ.

ඊට මම්මූටි ඇතුළු ප්‍රමුඛ නළු නිළි පිරිසක් සහභාගී වෙති.

මෙම කාලසටහන තුළ ප්‍රධාන ක්‍රියාදාම දර්ශන රූගත කිරීමට අපේක්ෂා කෙරේ.

@Mohanlal is about to went to Sri Lanka to join the sets of #MMMN for a few days of shoot✌#Mohanlal pic.twitter.com/iUwjxOzD0p

— AKMFCWA Official (@AkmfcwaState) June 15, 2025

ലാലേട്ടൻ ❤️
Latest at Sri Lanka#MMMN Schedule @Mohanlal #Mohanlal pic.twitter.com/zj4L2Hm0sT

— AKMFCWA Official (@AkmfcwaState) June 15, 2025