රංගන ශිල්පියෙකු සහ යූ ටියුබ් ක්‍රියාකාරියෙකු වන සුදත්ත තිලකසිරි මහතා තමාගේ කීර්ති නාමයට වූ හානිය සඳහා රුපියල් මිලියන 50ක වන්දි මුදලක් ඉල්ලමින් ඉරාජ් වීරරත්න වෙත එන්තරවාසි යොමු කර තිබේ.

ඒ, ඉරාජ් වීරරත්න මහතා විසින් තමාට එරෙහිව අපහාසාත්මක ප්‍රකාශ නිකුත් කරනු ලැබූ බවට චෝදනා කරමිනි.

නීතීඥ ප්‍රවීණ සේනධීර මඟින් යොමු කළ අදාළ එන්තරවාසියෙහි දැක්වෙන්නේ, 2025 පෙබරවාරි 23 වන දින “ඉරාජ් ෂෝ” යූ ටියුබ් නාලිකාවේ විකාශය වූ සජීවී විකාශනයකදී සුදත්‍ත තිලකසිරි සහ ඔහුගේ පවුලේ බිරිඳ සහ සමීපතමයන් සම්බන්ධයෙන් අසභ්‍ය ප්‍රකාශ නිකුත් කර ඇති බවය.

එම වැඩසටහනේ අන්තර්ගතය ඔස්සේ හිතාමතාම සුදත්ත තිලකසිරිට අවමාන කර ඇති බවත් එමඟින් ඔහුගේ පෞද්ගලික සහ වෘත්තීය කීර්ති නාමයට දැඩි ලෙස හානි වී ඇති බවත් එහි සඳහන් වේ.

අදාළ වැඩසටහනේ ට්‍රේලරයේ, වැඩිහිටියන්ට පමණක් වෙන්වූ අන්තර්ගතයන් ඇතුළත් වෙබ් අඩවියක නාමය භාවිත කරමින් සුදත්ත තිලකසිරි සමච්චලයට ලක් කර ඇතු බවත් ඔහුට ආණ්ඩුවේ “ලොන්ඩරි මැෂිම” ලෙස අමතමින් ව්‍යාජ කරුණු නිරූපණය කර ඇති බවත් නීතීඥවරයා පෙන්වා දී තිබේ.

තවද, එම වැඩසටහන විකාශය වීමෙන් අනතුරුව සුදත්ත තිලකසිරිගේ බිරිඳ මානසික කම්පනයකට ලක්ව ඇති බවත් ඒ හේතුවෙන් වෛද්‍ය ප්‍රතිකාර සඳහා යොමු වීමට සිදුව ඇති බවත් එන්තරවාසියෙහි සඳහන්ය.

ඒ අනුව, එම වැඩසටහන සහ එහි සියලුම අන්තර්ගතයන් සමාජ මාධ්‍ය අවකාශයෙන් ඉවත් කරගන්නා ලෙසත් සිය කීර්ති නාමයට සිදුවූ හානියට වන්දි  ගෙවන ලෙසත් ඉල්ලා සිටින සුදත්ත තිලකසිරි මහතා පවසන්නේ, එම ඉල්ලීම් ඉටු කිරීමට අපොහොසත් වුවහොත් ඉරාජ් වීරරත්නට එරෙහිව නීතිමය පියවර ගනු ලබන බවය.

දුම්රිය දෙපාර්තමේන්තුවේ අන්තර්ජාලය හරහා නිකුත් කරනු ලබන ටිකට් පත් මිලදීගෙන වැඩි මුදලකට අලෙවි කිරීමේ සිද්ධිය සම්බන්ධයෙන් තවදුරටත් විමර්ශන සිදුකරන බව අපරාධ පරීක්ෂණ දෙපාර්තමේන්තුව අද (24) කොළඹ මහෙස්ත්‍රාත් අධිකරණයට දැනුම් දුන්නේය.

මෙම පැමිණිල්ල අද කොළඹ අතිරේක මහෙස්ත්‍රාත් හර්ෂණ කැකුණවල මහතා ඉදිරියේ කැඳවනු ලැබීය.

එහිදී අපරාධ පරීක්ෂණ දෙපාර්තමේන්තුවේ නිලධාරීන් අධිකරණය හමුවේ කරුණු දක්වමින් මෙම සිද්ධියට අදාළව තවදුරටත් විමර්ශන සිදුකරන බව සඳහන් කළේය.

මෙම ක්‍රියාවලියට දුම්රිය දෙපාර්තමේන්තුවේ ස්ථානාධිපතිවරුන්ගේ හා නිලධාරීන්ගේ සම්බන්ධයක් තිබේදැයි සොයා බැලීම සඳහා විමර්ශනයක් සිදුකරන බවත් අපරාධ පරීක්ෂණ දෙපාර්තමේන්තුව විසින් ඉදිරිපත් කළ වාර්තාවේ සඳහන් කර තිබුණි.

කෙසේ වෙතත් ඉදිරිපත් කළ කරුණු සලකා බැලූ මහෙස්ත්‍රාත්වරයා මෙම පැමිණිල්ල යළි සැප්තැම්බර් මස 18 වන දා කැඳවන ලෙසත් එදින විමර්ශනවල ප්‍රගතිය වාර්තා කරන ලෙසත් අපරාධ පරීක්ෂණ දෙපාර්තමේන්තුවට නියෝග කළේය.

මෙම පැමිණිල්ල කැඳවූ අවස්ථාවේදී මෙම සිද්ධිය සම්බන්ධයෙන් අත්අඩංගුවට ගෙන ඇපමත මුදා හැර සිටින සැකකරුවන් සිව්දෙනා ද අධිකරණය හමුවේ පෙනී සිටියහ.

සබැඳි පුවත්

ඉන්දියාවේ පාලනයේ පවතින කාශ්මීර් ප්‍රදේශයට එල්ල වූ ප්‍රහාරයෙන් මිය ගිය සහ තුවාල ලැබූ පුද්ගලයින්ට ශ්‍රී ලංකා ජනාධිපති අනුර කුමාර දිසානායක මහතා ශෝකය පළ කර තිබේ.

ප්‍රහාරය හෙළාදකිමින් හා විපතට පත්වුවන්ට ශෝකය පළ කරමින් ජනාධීපතිවරයා සිය X ගිණුමෙහි සටහනක් තබා තිබේ.

එම සටහන,

මේ අතර හිටපු ජනපති රනිල් වික්‍රමසිංහ මහතා කාශ්මීරයේ පහල්ගම්හි සංචාරකයින් ඉලක්ක කරගනිමින් සිදුවූ වෙඩි තැබිමේ සිදුවීම තමන් විසින් දැඩිව හෙලා දකින බව ඉන්දීය අගමැති නරේන්ද්‍ර මෝදි මහතා වෙත ලිපියක් යොමු කරමින් සඳහන් කරයි.

විපතට පත් සාමාජිකයින්ගේ පවුල්වල සාමාජිකයින්ට ශෝකය පලකරන අතර තුවාල ලැබූවන්ට ඉක්මන් සුවය පැතීම ද හිටපු ජනපතිවරයා තම ලිපියේ සඳහන් කර ඇත.

එම ලිපිය,

සබැඳි පුවත්