හිටපු ජනාධිපති මෛත්‍රීපාල සිරිසේන මහතා අද (03)  අපරාධ පරීක්ෂණ දෙපාර්තමේන්තුව හමුවේ  පැය 2ක ප්‍රකාශයක් සිදුකර තිබේ.

ඒ පාස්කු ඉරුදින බෝම්බ ප්‍රහාරය සම්බන්ධයෙනි.

අද (03) පස්වරුවේ වෛද්‍ය පීඨ සිසුන් සංවිධානය කළ විරෝධතාවයක් විසුරුවා හැරීම සඳහා පොලිසිය  විසින් ජල ප්‍රහාරයක් එල්ල කරන ලදී.

ඒ, කොළඹ විහාරමහාදේවි උද්‍යානය අසලදීයි.

මේ හේතුවෙන්, කොළඹ විහාරමහා දේවී උද්‍යානය අසල, අනගාරික ධර්මපාල මාවත සම්පූර්ණයෙන් වාහන ගමනාගමනය අවහිර වීම සිදුවිය.

නිදහස් අධ්‍යාපනයට වැට බඳින ජාතික අධ්‍යාපන ප්‍රතිපත්ති රාමුව ඉවත් කිරීම ඇතුළු ඉල්ලිම් කිහිපයක් මුල් කර ගනිමින් ඔවුන් මෙම විරෝධතාව සංවිධානය කර තිබුනි.

ශ්‍රී ලංකාවේ ක්‍රීඩාව දේශපාලනීකරණයෙන් ඉවත් කිරීමේ පියවරක් ගැනීමට ක්‍රීඩා අමාත්‍යවරයා විසින් නව රෙගුලාසියකට අද අත්සන් තබා ඇත.

ඒ අනුව සංචාරක, ඉඩම්, ක්‍රීඩා සහ යෞවන කටයුතු අමාත්‍ය හරීන් ප්‍රනාන්දු මහතා 2024 අංක 1 දරන සුවිශේෂී රෙගුලාසියකට අද ( 03) දින අත්සන් කිරීම සිදුවිය

ක්‍රීඩා හා යෞවන කටයුතු අමාත්‍යාංශයේ දී මෙම අත්සන් තැබීම සිදුකරන ලදී.