කලා

අජන්තගේ පොත් තුනක් 27දා පාඨක දෝතට

Published

3 months ago

February 25, 2025

editor

ඉංජිනේරු අජන්ත සෙනෙවිරත්න විසින් සිංහල සහ ඉංග්‍රීසි භාෂාවලින් රචිත ග්‍රන්ථ 3ක් එළි දැක්වීම මේ මස 27වන බ්‍රහස්පතින්දා සිදුකිරීමට නියමිතය.

“අසමමිතික අසම්මතය” සිංහල කාව්‍ය සංග්‍රහය, Naked Peak ඉංග්‍රීසි කාව්‍ය සංග්‍රහය සහ See-Through Hearts ඉංග්‍රීසි කෙටිකතා සංග්‍රහය මෙම ග්‍රන්ථ ත්‍රිත්වයයි.

කොළඹ 7, ග්‍රෙගරි පාරේ ස්වාමි විවේකානන්ද ඉන්දියානු සංස්කෘතික මධ්‍යස්ථානයේදී සවස 3ට ආරම්භ වන උත්සවයේ ප්‍රධාන අමුත්තන් වශයෙන් මහාචාර්ය අන්කූරන් දත්තා මහතාද, ආචාර්ය රත්නශ්‍රී විජේසිංහ මහතාද සහභාගී වීමට නියමිතය.

එක් පුද්ගලයෙකුගේ සමාජ අත්දකීම් වටා ගෙතුණු කෙටිකතා දහයකින් සමන්විත See-Through Hearts කෘතිය, අප සමාජයේ මිනිසුන්ගේ සංවේදී සිත් ගැන කදිම හෙළිදරව්වක යෙදෙන අතර මහාචාර්ය ප්‍රනීත් විජේසුන්දර මහතා විසින් එය ඇගයීමට ලක්කෙරේ.

ආචාර්ය ඩබ්. ඒ. අබේසිංහ මහතා විසින් Naked Peak කෘතියේ එන ඉංග්‍රීසි කාව්‍යයන් ගැන විචාරාත්මක දේශනයක් පවත්වනු ඇත.

“අසමමිතික අසම්මතය” පොතේ එන කාව්‍ය පිළිබඳව ප්‍රවීන සාහිත්‍යවේදීන් වන තිලකරත්න කුරුවිටබණ්ඩාර, කුලරත්න ආරියවංශ, බන්ධුල නානායක්කාරවසම් සහ බුද්ධදාස ගලප්පත්ති මහතුන් විසින් සාකච්ඡාවක යෙදෙනු ඇත.

නවකතා, කෙටිකතා, කාව්‍ය සහ විමර්ශන ආදී විවිධ ශානර වලට අයත් ග්‍රන්ථ 25කට වැඩි ප්‍රමාණයක් රචනා කොට ඇති අජන්ත සෙනෙවිරත්න කතුවරයාගේ පළමු ඉංග්‍රීසි කෘතිය වූයේ දෙස් විදෙස් ප්‍රචලිත Father for A Buddha නම් වූ සුද්ධෝදන රජතුමා අලළා ලියූ නවකතාවයි. මෙය ප්‍රසිද්ධ ජාත්‍යන්තර වෙබ් අඩවි ඔස්සේ ද මිළදී ගත හැකි අතර ඊ පොතක් හැටියටද තිබේ. ලොව පුරා භාෂා 34කට පමණ පරිවර්තනය වූ ලෝක ප්‍රසිද්ධ Who Moved My Cheese පොත “දිවි මග දිනන මග” යනුවෙන් සිංහලට පරිවර්තනය කළේද ඔහුයි. මෑතකදී ඔහු ලියූ “කෘත්‍රිම බුද්ධියෙන් නිවන් දැකීම” කෘතිය, කෘත්‍රිම බුද්ධියේ ගමන් මග ගැනත්, බුදු දහමට ඉන් කෙරෙන බලපෑම ගැනත් කදිම විවරණයක යෙදෙන්නෙකි.

කලා

2025 ජාත්‍යන්තර බුකර් සම්මානය දිනූ ”Heart Lamp”

Published

20 hours ago

May 21, 2025

editor

ඉන්දියානු ලේඛිකා බානු මුෂ්තාක් විසින් රචනා කරන ලද ”Heart Lamp” නැමැති කෙටිකතා සංග්‍රහය ජාත්‍යන්තර බුකර් සම්මානය දිනාගෙන තිබේ.

දකුණු ඉන්දියාවේ කර්ණාටක ප්‍රාන්තයේ කන්නඩ භාෂාවෙන් ලියන ලද පළමු පොත වන්නේ ද ඇගේ මෙම ග්‍රන්ථයයි.

කන්නඩ භාෂාවෙන් ලියැවුන ”Heart Lamp” හි කථා දීපා භාස්ති විසින් ඉංග්‍රීසි භාෂාවට පරිවර්තනය කර තිබේ.

1990 සිට 2023 දක්වා දශක තුනක් පුරා මුෂ්තාක් විසින් රචිත කෙටිකතා 12ක් ඇතුළත් ”Heart Lamp”, දකුණු ඉන්දියාවේ ජීවත් වන මුස්ලිම් කාන්තාවන්ගේ දුෂ්කරතා තියුණු ලෙස ග්‍රහණය කරගෙන ඇති බව විදෙස් මාධ්‍ය විසින් වාර්තා කරයි.

කලා

ප්‍රංශයේ කෑන්ස් සිනමා උළෙලට ගිය “ගැහැනු ළමයි”

Published

2 days ago

May 19, 2025

editor

ශ්‍රී ලංකාව සිනමා ඉතිහාසයේ අභිමානවත් මොහොතක් සනිටුහන් කරමින්, අභාවප්‍රාප්ත සුමිත්‍රා පීරිස් අධ්‍යක්ෂණය කළ ගැහැණු ළමයි’ (1978) චිත්‍රපටයේ නව ප්‍රතිසංස්කරණය කරන ලද අනුවාදන පිටපත මෙවර ප්‍රංශයේ කෑන්ස් සිනමා උළෙලේදී ප්‍රදර්ශනය කෙරිණි.

1978 දී තිරගත වූ මෙම සිනමා නිර්මාණයේ ප්‍රතිසංස්කරණය කරන ලද අනුවාදය, මැයි 17 වන දින 2025 කෑන්ස් උළෙලේදී මෙසේ ප්‍රදර්ශනය කරනු ලැබීය.

මේ අවස්ථාවට එහි ප්‍රධාන නළු නිළියන් වන වසන්ති චතුරානි, අජිත් ජිනදාස සහ ශ්‍යාමා ආනන්දගේ , ජාතික චිත්‍රපට සංස්ථාවේ සභාපති සුදත් මහදිවුල් වැව මහතා ප්‍රධාන පිරිසක් සහභාගී වී සිටියහ

චිත්‍රපට උරුම පදනම විසින් ලෙස්ටර් ජේම්ස් පීරිස් සහ සුමිත්‍රා පීරිස් පදනම සමඟ එක්ව ගැහැණු ළමයි චිත්‍රපටය ‘එල්’ඉමැජින් රිට්‍රෝවාටා’ රසායනාගාරයේදී 4ඛ් ආකාරයෙන් ප්‍රතිසංස්කරණය කරන ලදී.

කලා

Forbes සඟරාවට ලංකාවේ නම් තුනක්

Published

6 days ago

May 15, 2025

editor

Forbes සඟරාව විසින් පළකළ ආසියාවේ අවුරුදු 30න් පහළ විශිෂ්ඨයන් 30 දෙනාගේ නම් ලැයිස්තුවට ශ්‍රී ලාංකිකයන් තිදෙනෙක්ගේ නම් ඇතුළත්ව තිබේ.

Forbes සඟරාව විසින් වාර්ෂිකව ප්‍රකාශයට පත් කරනු ලබන, විවිධ ක්ෂේත්‍රවල අවුරුදු 30 ට අඩු කැපී පෙනෙන පුද්ගලයින් ඇතුළත් Forbes 30 Under 30 ලැයිස්තුව සඳහා ශ්‍රී ලාංකිකයින් තිදෙනෙක් ඇතුළත් කර තිබේ.

ඒ අනුව The Arts (Art & Style, Food & Drink) අංශයෙන් එම ලැයිස්තුව සඳහා Wild Cookbook හි චරිත් සිල්වා ඇතුළත් වී තිබේ.. Wild Cookbook YouTube නාලිකාව පසුගියදා Subscribers මිලියන 10 සීමාව ඉක්මවා යාමට සමත් වූ අතර, එම සීමාව ඉක්මවා ගිය ශ්‍රී ලංකාවේ පළමු YouTube නාලිකාව වන්නේ ද Wild Cookbook YouTube නාලිකාවයි.

Social Media, Marketing & Advertising අංශයෙන් නිකින් මාතරආරච්චි තේරීපත්ව ඇති අතර ඔහු ශ්‍රී ලාංකික සමාගමක් වන Synapse AI Labs සමාගමේ නිර්මාතෘවරයා ය. AI තාක්ෂණයෙන් නිර්මාණය වී ඇති වි‍ශ්ලේෂණ කටයුතු සඳහා යොදාගන්නා Kommon Poll එම සමාගම සතු නිර්මාණයකි.

Retail & Ecommerce අංශයෙන් Forbes 30 Under 30 Asia ලැයිස්තුවට යානිකා අමරසේකර ද නම් කර ඇති අතර, ඇය විවාහ උත්සව සඳහා තෑගි වෙන් කිරීමට ශ්‍රී ලංකාවේ පළමු වරට ආරම්භ කළ ඩිජිටල් වේදිකාව වන Silver Aisle හි නිර්මාතෘවරිය යි.