Connect with us

පුවත්

ගුවන් තොටේ ආරක්ෂිතම කලාපයෙන් උණ්ඩයක් මතුවෙයි

Published

on

කටුනායක ගුවන්තොටුපොළේ අධි ආරක්ෂිතම ප්‍රදේශයක වැසිකිළියක් අසලින් පිස්තෝල උණ්ඩයක් ගුවන්තොටුපොළ ආරක්ෂක අංශයට හමුවී ඇත.

පිරිසුදු කිරීමේ සේවකයකු මෙම උණ්ඩය දැක පෙරේදා (25 වැනිදා) ආරක්ෂක අංශ වෙත භාර දී තිබේ.

ගුවන් මගීන් යානාවලට මාරුවන ආරක්ෂිත ප්‍රදේශයේ (Transit area) තිබී මෙය හමු වී තිබේ.

ගුවන් තොටුපළේ ඇති අධි ආරක්ෂිත ස්කෑනර් යන්ත්‍රවලින් එවැනි ඕනෑම ජීව උණ්ඩයක් පරීක්ෂාවට ලක්විය යුතු වුවත් මෙය දමාගිය ආකාරය තවමත් ගැටලුවක් බව ගුවන්තොටුපොළ නිලධාරීහු පවසති.

ගුවන් හමුදා බුද්ධි අංශය, රාජ්‍ය ඔත්තු සේවාව, මත්ද්‍රව්‍ය නාශක කාර්යාංශය, ත්‍රස්ත විමර්ශන කොට්ඨාසය, යුද හමුදා බුද්ධි අංශ ඇතුළු සියලුම බුද්ධි ඒකකවල හා ගුවන් තොටුපොළ සඳහා වෙනමම කර්නල්වරයකු යොදවා ඇතත් මෙම උණ්ඩය ගැන හෝඩුවාවක් ලැබී නැත.

විදෙස් රටවලින් පැමිණෙන ගුවන් මගීන්ට මෙවැන්නක් ගෙන ඒමට නොහැකි බවත්, උණ්ඩය මෙරට ගුවන් තොටුපොළේ ආරක්ෂාවට යොදා ඇති සාමාජිකයකුගේ හෝ විය හැකි බවත් ආරක්ෂක අංශ සැක කරයි.

පුවත්

ඩෑන් ප්‍රියසාද්ගේ ඝාතනයට තිදෙනෙකු අත්අඩංගුවට

Published

on

By

සමාජ ක්‍රියාකාරී ඩෑන් ප්‍රියසාද් වෙඩි තබා ඝාතනය කිරීමේ සිද්ධියට සම්බන්ධ සැකකරුවන් තිදෙනෙකු අත්අඩංගුවට ගෙන තිබේ.

මේ අතර ඩෑන් ප්‍රියසාද් වෙඩි තබා ඝාතනය කිරීමේ සිද්ධිය විමර්ශනය කිරීම සඳහා පොලිස් කණ්ඩායම් 6ක් යොදවා ඇති බව වාර්තා වෙයි.

පොලීසිය සැකපළ කරන්නේ එම ඝාතනය සංවිධානාත්මක අපරාධ කල්ලි සාමාජිකයෙකු වන කන්ජිපානේ ඉම්රාන්ගේ පාර්ශවය විසින් සිදුකරන්නට ඇති බවය.

ඊයේ රාත්‍රී වැල්ලම්පිටිය ලක්සඳ සෙවණ මහල් නිවාස සංකීර්ණයේ උඩු මහලකදී සමාජ ක්‍රියාකාරී ඩෑන් ප්‍රියසාද්ට වෙඩිතැබීමක් සිදුකර තිබු‍ණි.

යතුරුපැදියකින් පැමිණි පුද්ගලයින් දෙදෙනෙකු වෙඩි තැබීම සිදුකර පලාගොස් ඇති බවයි පොලීසිය පැවසීය.

සාදයක් අතරතුර මෙම වෙඩි තැබීම සිදුව ඇති බවට පොලීසිය සිදුකළ මූලික විමර්ශනවලදී අනාවරණය වී ඇත.

පිස්තෝල වර්ගයේ ගිනිඅවියක් යොදා ගනමින් මෙම වෙඩි තැබීම සිදුකර ඇති  අතර වෙඩි වැදීමෙන් තුවාල ලැබූ ඩෑන් ප්‍රියසාද් කොළඹ ජාතික රෝහලට ඇතුළත් කෙරුණි.

වෙඩි ප්‍රහාර දෙකක් ඔහුගේ උරහිස ප්‍රදේශයට සහ තවත් වෙඩි ප්‍රහාර දෙකක් ඔහුගේ පපුව ප්‍රදේශයට එල්ල වී තිබූ බව රෝහල් ප්‍රකාශකයෙකු සඳහන් කළේය.

සබැඳි පුවත්

Continue Reading

පුවත්

හලාවත හදිසි ජලගැලීම් තත්ත්වයක්

Published

on

By

වර්ෂාවත් සමග හලාවත නගරයේ හදිසි ජලගැලීම් තත්ත්වයක් හට ගෙන තිබේ.

මේ නිසා හලාවත ආනන්ද ජාතික පාසල සහ හලාවත විජය විද්‍යාල තවකාලිකව වසා දමා ඇති බව වාර්තා වේ.

ජලගැලීම් තත්ත්වය හේතුවෙන් හලාවත නගරයේ ඇති මාර්ග රැසක් සහ නිවාස රැසක් ජයල යටවී ඇති බව සඳහන්ය.

හලාවත නගරයේ ඇති කාණු පද්ධතිය අවහිර වීම හේතුවෙන් මෙම ගංවතුර තත්ත්වය හට ගෙන අති බව ප්‍රදේශවාසීන් සඳහන් පවසයි. 

Continue Reading

පුවත්

කාදිනල් හිමි වතිකානය බලා පිටත්වේ

Published

on

By

කොළඹ අගරදගුරු කාදිනල් මැල්කම් රංජිත් හිමිපාණන් වතිකානය බලා පිටත්ව ගොස් තිබේ.

අද (23) පෙරවරු 9:30ට කටුනායක ජාත්‍යන්තර ගුවන්තොටුපොළින් කාදිනල් හිමිපාණන් වතිකානය බලා පිටත්ව ගිය බව වාර්තා විය.

ඒ, ස්වර්ගස්ථ වූ ශුද්ධෝත්තම ෆ්‍රැන්සිස් පාප් වහන්සේගේ දේහය පිළිබඳ අවසන් කටයුතු සඳහා සහභාගීවීමටය.

අප්‍රේල් මස 26 වන සෙනසුරාදා පාප් වහන්සේගේ දේහය පිළිබඳ අවසන් කටයුතු සිදුකිරීමට නියමිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved