Connect with us

පුවත්

ටෙලිකොම් ඉන්දියාවට: අදානි,සුභාෂ්කරන් කාගේ හවුලක්ද?

Published

on

ශ්‍රී ලංකා ටෙලිකොම් ආයතනය විදේශ ආයෝජකයන් සඳහා විකිණීමට ගෙන ඇති තීරණය අයවැය යෝජනාවෙන් වහාම ඉවත් කර ගන්නා ලෙස ටෙලිකොම් වෘත්තීය සමිති, ජනාධිපතිවරයාගෙන් ඉල්ලීමක් කරයි.

ඒ අනුව ලයිකා මොබයිල් සහ අදානි යන සමාගම් සඳහා ශ්‍රී ලංකා ටෙලිකොම් ආයතනය විකිණීමට රජය ගෙන ඇති තීරණයට එරෙහිව රට පුරා හෙට (23) සිට දැවැන්ත විරෝධතා මාලාවක් පවත්වන බව සියලු විදුලි සංදේශ සේවක සංගමයේ ජ්‍යෙෂ්ඨ උප ලේකම් ජගත් ගුරුසිංහ මහතා කියා සිටී.

‘රජයට ආදායම් ලබා දෙන ටෙලිකොම් ආයතනය විකිණීම වහා නවතනු’ මැයෙන් ටෙලිකොම් වෘත්තීය සමිති නියෝජිතයන් කොළඹ ගුරු මැදුර ශාලාවේදී ඊයේ (21) මාධ්‍ය හමුවක් පැවැත්විය.

ශ්‍රී ලංකා ටෙලිකොම් ආයතනය යනු රත්තරන් බිජු දමන කිකිළියක් බවත් වසර පහකට වරක් පත්වන එය සෑම රජයකටම ලබාදෙන දෑවැද්ද බවත් ලේකම්වරයා මෙහිදී කීය.

එම නිසා මෙවැනි දැවැන්ත ලෙස ලාබ ලබන ආයතනයක් කුණු කොල්ලයට විකුණා දැමීම හරහා මෙරට ජාතික ආරක්ෂාවට පවා දැඩි තර්ජනයක් එල්ල වන බවද හෙතෙම කීවේය.

ජනාධිපති රනිල් වික්‍රමසිංහට බලය රැක ගැනීම සඳහා මහා භාණ්ඩාගාරයට මුදල් අවශ්‍ය බවත් ඒ සඳහා ඔහු සිදුකරනු ලබන්නේ මෙරට ආදායම් ලබන ආයතන විකුණා දමා මහා භාණ්ඩාගාරය තරකර ගැනීම බවත් ලේකම්වරයා සඳහන් කළේය.

මේ අතර ශ්‍රී ලංකා ටෙලිකොම් ආයතනය විදේශ ආයෝජකයන් සඳහා විකිණීමට ගෙන ඇති තීරණයට ශ්‍රී ලංකා පොදුජන පෙරමුණ නියෝජනය කරන වෘත්තීය සමිතිද විරෝධය දැක්වූහ.

ආර්ථික විශේෂඥයන් පෙන්වා දෙන්නේ ලෝකයේ විශාල ආර්ථික ඇති දියුණු රටවල් ඊ වානිජ ලෝකය වෙත ගමන් කරමින් සිටින බැවින් රටක් දියුණු කිරීමට එරට සංනිවේදන පද්ධතියේ අයිතිය රජය සතුව තිබීම වඩාත් වැදගත් බවයි.

එසේම ආරක්ෂක විශ්ලේෂකයන් පෙන්වා දෙන්නේ මේවන විටත් ජාතික හැඳුනුම්පත් මුද්‍රණය හා එහි දත්ත ගබඩාව තමන් සතුකර ගැනීමට ඉන්දීයාව ඉතා සූක්ෂමව කටයුතු කරමින් සිටින බවත්, එහි දෙවැනි පියවර ජාතික සංනිවේදන ජාලය සියතට ගැනීම බවයි.

ඔවුන් පෙන්වාදෙන්නේ ටෙලිකොම් මිලදී ගැනීමට උත්සාහ කරණ අදානි මෙන්ම ලයිකා හි හිමිකරු වන සුභාෂ්කරන් අලි රාජාද ඉන්දියාවට ඉතා පක්ෂපාතී අය බවයි.

අලි රාජා බොලිවුඩ් සිනමාවට සිය මුදල් ආයෝජනය කර එංගලන්තයේ පුරවැසිභාවය ලැබූ අයෙක් බවද ඔවුහු කියති.

ස්වර්ණවාහිනී ගනුදෙනුව

ඔහු ස්වර්ණවාහිනියට මුදල් ආයෝජනය කළ ආකාරය අදටත් රහසක්ව පවතින බවත්, ඔහු විසින් අදාළ මුදල් බැර කර තිබුණේ ඔහුට අදාල ගිනුමකින් නොවන බවත් පසුගිය කාලයේදී මාධ්‍ය වාර්තා කර තිබිණි.

ඊඒපී ව්‍යාපාර සමූහය, මූල්‍ය අර්බුදයකට මුහුණ පා තිබියදී ඔවුන් සතු මෙරට ප්‍ර‍මුඛ පෙළේ මාධ්‍ය ජාලයක් වන ‘ස්වර්ණවාහිනී’ මාධ්‍ය ජාලය ඇතුළු වත්කම් වලින් කොටසක් මිලදී ගත් විදේශීය සමාගමේ අධ්‍යක්ෂවරුන් කිහිප දෙනෙකු එල්.ටී.ටී.ඊ. සංවිධානය සමඟ සෘජු සම්බන්ධතා පවත්වන ලද පුද්ගලයන් බව රාජ්‍ය බුද්ධි අංශය විසින් විදුලි සංදේශ නියාමන කොමිෂන් සභාවට හා ජනමාධ්‍ය අමාත්‍යංශයට දන්වා තිබූ බවද එකල මාධ්‍ය වාර්තා කර තිබිණි.

රාජ්‍ය ආරක්ෂක අමාත්‍යංශය විසින් 2019 නොවැම්බර් 15 වැනිදා MOD / TEC / 01 / MGMR Network / 2019 (04) යන ලිපි අනු අංකය මගින් මේ බැව් විදුලි සංදේශ නියාමන කොමිෂන් සභාවට හා ජනමාධ්‍ය අමාත්‍යංශයට දන්වා තිබිණි.

ඊඒපී ව්‍යාපාර සමූහයේ වත්කම්වලින් කොටසක් මෙසේ මිලදී ගත්තේ බෙන් හෝල්ඩිංග්ස් පුද්ගලික සමාගම (Ben Holdings Pvt) සඳහාය.

මේ වන විට අදාළ සමාගම ලංකාවේ නීති රීති ද උල්ලංඝනය කරමින් ස්වර්ණවාහිනියේ 60%ක හිමිකාරිත්වය වක්‍රාකාරයෙන් ලබා ගැනීමට සමත්ව සිටී.

ඒ බෙන් හෝල්ඩිංග්ස් පුද්ගලික සමාගම (Ben Holdings Pvt) විසින් එහි 40%ක ප්‍රමාණය හා ඇලෙක්ස් ලොවෙල් නැමැත්තා මෙහි ඉතිරි 20% ක ප්‍රමාණය මිලදී ගෙන තිබීම මගිනි.

එසේම ඊඒපී ව්‍යාපාර සමූහයට අයත් ස්වර්ණමහල්, ඊඒපී චිත්‍රපට හා අනෙකුත් සමාගම් සියල්ලට හිමි 40%ක කොටස් හිමිව ඇත්තේ සිංගප්පූරු සමාගමක් වන බ්ලූ සමිට් කැපිටල් (Blue Summit Capital) සඳහාය.

බෙන් හෝල්ඩිංග්ස් පුද්ගලික (Ben Holdings Pvt) සමාගමේ එල්.ටී.ටී.ඊ.යට සෘජු සම්බන්ධකම් ඇති පුද්ගලයන් තිදෙනෙකු සිටින බවට හෙළිවූයේ මේ සමාගම විසින් MGMR Networks (Pvt) Ltd වෙත අයත් මැක්ස් රූපවාහිනී (MGM Networks) ආයතනය මිලදී ගැනීමට කටයුතු කිරීම නිසාය.

එහිදී අදාළ රූපවාහිනී නාලිකාව මිලදී ගැනීමට පෙර එම මිලදී ගැනීම සිදු කරනු ලබන සමාගමේ සිටින අධ්‍යක්ෂවරුන් රාජ්‍ය ආරක්ෂක අමාත්‍යංශයේ නිෂ්කාශන සහතිකයක් ගතයුතු අතර අදාළ නිෂ්කාශන සහතිකය ලබා ගැනීමට යාමේදී මේ තොරතුරු හෙළිදරව් වී තිබිණි.

ස්වර්ණවාහිනී රූපවාහිනී ආයතනය මිලදී ගැනීමේදී අධ්‍යක්ෂවරුන් රාජ්‍ය ආරක්ෂක අමාත්‍යංශයේ නිෂ්කාශන සහතික ගැනීමට අවශ්‍යවී නොමැති අතර ඒ අදාළ රූපවාහිනී නාලිකාව සතු බලපත්‍රය පැරණි එකක් වීම නිසාය.

ඊඒපී ව්‍යාපාර සමූහයට මුදල් යොදවන ලද බෙන් හෝල්ඩිංග්ස් පුද්ගලික (Ben Holdings Pvt) සමාගම, බ්ලූ සමිට් කැපිටල් (Blue Summit Capital) හා ඇලෙක්ස් ලොවෙල් යන සියලුම පාර්ශවලට මුදල් ලබාදී ඇත්තේ ප්‍රබල ව්‍යාපාරිකයකු වන ශ්‍රී ලංකාවේ මුලතිව් හී ඉපිද පසුව ප්‍ර‍ංශයට ගොස් කෝටිපතියකු බවට පත්වූ අලිරාජ් සුභාෂ්කරන් මහතා විසින් බවත් හෙළි විය.

ඔහු බ්‍රිතාන්‍යයේ කොන්සවේටිව් පක්ෂයේ හා හිටපු අගමැති ජෝන් මේජර්ගේ ප්‍ර‍බල මූල්‍ය ආධාරකරුවකු බවද පැවසේ.

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved