මෙරට මත්ස්‍ය අස්වැන්න පාකිස්ථානයට ද අපනයනය කිරීම කෙරෙහි අවධානය යොමුව තිබේ.
ශ්‍රී ලංකාවේ පාකිස්ථාන මහකොමසාරිස් මේජර් ජෙනරාල් විශ්‍රාමික ෆහීම් උල් අසීස් මහතා සහ ධීවර හා ජලජ සම්පත් අමාත්‍ය රාමලිංගම් චන්ද්‍රසේකර් මහතා අතර හමුවක් ධීවර අමාත්‍යාංශයේදී පැවැත්වීය.
ධීවර කර්මාන්තය තුළ ඒකාබද්ධ ව්‍යාපෘති ආරම්භ කිරීම හා ශ්‍රී ලංකා රජය සමග සහයෝගයෙන් කටයුතු කිරීමේ සූදානම සම්බන්ධයෙන් මහකොමසාරිස්වරයා මෙහිදී කරුණු පැහැදිලි කලේය.
ශ්‍රී ලංකා පාකිස්ථාන නිදහස් වෙළෙඳ ගිවිසුම සම්බන්ධයෙන් ද මෙහිදී අවධානය යොමුව තිබේ.
මෙම ගිවිසුම හරහා පාකිස්ථානයට මත්ස්‍ය අපනයනය කළ හැකි බව මහකොමසාරිස්වරයා පෙන්වා දුන්නේය.
