Connect with us

ව්‍යාපාර

හැරී හොර අරක්කු විකුණන බවට චෝදනාවක්!

Published

on

සුරාබදු දෙපාර්තමේන්තුවේ කොමසාරිස් ජනරල් එම්.ජේ. ගුණසිරි මහතා ඉවත් කරන ලෙස බලපත්‍රලාභී මත්පැන් අලෙවිකරුවන්ගේ සංගමය ජනාධිපතිවරයාගෙන් ඉල්ලා ඇතැයි වාර්තා වේ.

ඔවුන් පෙන්වාදී ඇත්තේ වත්මන් කොමසාරිස්වරයා විසින් දූෂණ අක්‍රමිකතා හේතුවෙන් දිනකට රුපියල් මිලියන හාරසියයක සුරාබදු ආදායමක් රටට අහිමි කරන බවයි.

සුරාබදු කොමසාරිස් හා එම දෙපාර්තමේන්තුවේ දූෂිත නිලධාරීන් සොයා බලා ඔවුන්ගේ වත්කම් පරික්ෂා කිරීමට අධිකරණ නියෝගයක් ලබා ගන්නා ලෙස ද එම සංගමය ජනාධිපතිවරයාගෙන් ඉල්ලා තිබේ.

සුරාබදු ආදායම විවිධ ක්‍රම මගින් අහිමි කිරීම සම්බන්ධයෙන් ස්වාධීන පරීක්ෂණ කොමිසමක් මගින් විමර්ශනයක් කරන ලෙස සංගමයේ සභාපති අජිත් උඩුගම පෙන්වා දෙයි.

මත්පැන් බෝතල සඳහා ආරක්ෂිත ස්ටිකර ඇලවීමේ නීතියද අකුරට ක්‍රියාත්මක නොකරන බවටද ඔහු චෝදනා එල්ලකර ඇති බව පැවසේ.

හැරීගේ හොරේ…

විශේෂයෙන් ප්‍රකට ව්‍යාපාරික හැරී ජයවර්ධන මහතා සභාපති ධූරය දරණ Distilleries Company of Sri Lanka PLC (DCSL) හි කළුතර නිෂ්පාදනගාරයේ නිපදවන මත්පැන් දකුණු පළාත තුළ ස්ටිකර් නොමැතිව බෙදා හරින බවටද චෝදනා එල්ලවී ඇතැයි වාර්තා වේ.

උතුරු පළාතටද ආරක්ෂිත ස්ටිකර් නොමැති මත්පැන් බෝතල් අලෙවි කිරීමට මත්පැන් නිෂ්පාදනාගාරයක් කටයුතු කිරීම සම්බන්ධයෙන් ආරම්භ කළ විමර්ශනද නතර වී ඇති බව එම සංගමය වැඩිදුරටත් පෙන්වා දී ඇතැයි පැවසේ.

දූෂණ හා වංචා සම්බන්ධයෙන් සිදු කරන විමර්ශන කාර්මික අපරාධ වාර්තා ලෙස ඉදිරිපත් කරන ලෙසද සුරාබදු දෙපාර්තමේන්තු ප්‍රධානීන් සුරාබදු නිලධාරින්ට දැනුම් දී ඇති බවටද එම සංගමය හෙළිකර ඇත.

එම නිසා නිලධාරින් නීතිය ක්‍රියාත්මක කිරීමේ අකමැත්තක් ඇති බවද සභාපතිවරයා පෙන්වා දෙයි.

ජනාධිපතිවරයා වෙත ලිපියක් යොමු කරන එම සංගමය පෙන්වා දෙන්නේ දැඩි විනයක් ඇති අවංක පුද්ගලයකු සුරාබදු දෙපාර්තමේන්තුවේ කොමසාරිස් ජනරල්වරයා තනතුරට පත් කළ යුතු බවයි.

පුවත්

වෙසක් වෙනුවෙන් බඩු මිල පහලට

Published

on

By

එළඹෙන වෙසක් උත්සවය අරමුණු කරගනිමින් ලංකා සතොස ආයතනය භාණ්ඩ කිහිපයක මිල අඩු කර තිබේ.

Continue Reading

පුවත්

ධීවරයින්ට හදිසි දැනුම්දීමක්

Published

on

By

අද (22)  දින සිට ක්‍රියාත්මක වන පරිදි නැවත දැනුම්දෙනතුරු බහුදින ධීවර යාත්‍රා ඇතුළුව සියලුම ධීවර යාත්‍රා සඳහා රැකියාවට පිටත්වීම සඳහා අවසර ලබා නොදෙන බව ධීවර හා ජලජ සම්පත් දෙපාර්තමේන්තුව පවසයි.

අද මාධ්‍ය වෙත අදහස් දක්වමින් එම දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මේ බව පැවසීය.

දිවයින වටා මුහුදු ප්‍රදේශවල ඉදිරි දින කිහිපයේදී දැඩි වර්ශාපතනයත් දැඩි සුළං තත්ත්වයක් ඇතිවිය හැකි බවට වාර්තාවීමත් සමග එම දෙපාර්තමේන්තුව මෙම තීරණය ගෙන ඇත.

එසේම මේ වනවිට රැකියාවේ නිරතව සිටින බහුදින ධීවර යාත්‍රා වෙත ද ආරක්‍ෂිත ප්‍රදේශ හරහා ගමන්කරන ලෙසට දැනුම්දී ඇති බව එහි අධ්‍යක්ෂවරයා වැඩිදුරටත් සඳහන් කළේය.

Continue Reading

ව්‍යාපාර

වාහන ආනයනය ගැන තීරණයක්

Published

on

By

රටේ අවශ්‍යතාවය පරිදි ඉදිරියේදී වාහන ආනයනය කිරීමට සූදානම් බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

රාජ්‍ය අමාත්‍යවරයා මාධ්‍ය වෙත අදහස් දක්වමින් පවසා සිටියේ, වාහන ආනයනය තවදුරටත් වසා තබාගෙන සිටීමට රජය සූදානම් නොමැති බවය.

මේ වනවිට මෙරට සංචිත ප්‍රමාණය අමෙරිකානු ඩොලර් බිලයන 5.5ක ප්‍රමාණයක් ඇති බවද මුදල් රාජ්‍ය අමාත්‍ය රංජිත් සියඹලාපිටිය මහතා වැඩිදුරටත් පැවසීය.

“වාහන ආනයනය කිරීම සම්බන්ධව… අපිට රටේ ඇති වුණ ප්‍රශ්නය විසඳගන්න, එක ඩොලර් එකක්වත් අපි ළඟ නැති තත්ත්වයකට පත් වුණානේ.  ඒ නිසා අපිට ආනයනයන් දෙදාහක් නවත්තන්න වුණා. එච්එස් කෝඩ් 2000කට ආසන්න ප්‍රමාණයක්. ඉතින් අපි දැන් අනිත් සියල්ලම විවෘත කළා. දැන් ඉතුරුවෙලා තියෙන්නේ වාහන පමණයි. ඒවත් අවශ්‍යතාවය මත ගේන්න ඉඩ දෙනවා. සංචාරක කර්මාන්තයට අපි වැඩපිළිවෙළක් යොදලා තියෙනවා. අවශ්‍ය පරිදි වාහන ගේන්න අනුමැතියක් ඇතිව. එකෙන් දෙන පණිවූඩය මොකක්ද? අපිට මේක වහගෙන ඉන්න අවශ්‍ය නැහැ. හැබැයි අපිට අවශ්‍යයි රට නැවත අර වාගේ හිරවෙන්නේ නැතුව ඉස්සරහට ගෙනියන්න. දැන් අපි ඩොලර් බිලයන 5.5ක සංචිතයක් තියාගෙන ඉන්නවා. අපිට ගැලපෙන පරිදි, රටේ අවශ්‍යතාවය පරිදි, ඒක කරන්න අපි සූදානම්.”

Continue Reading
Advertisement

Trending

Copyright © 2023 Sri Lanka Mirror. All Rights Reserved