Connect with us

කලා

අරුන්දතී රෝයිට PEN Pinter සම්මානය

Published

on

ඉන්දීය ලේඛිකාවක් වන අරුන්දතී රෝයි PEN Pinter සම්මානයෙන් පිදුම් ලැබීමට නියමිත බව වාර්තා වේ.

62 හැවිරිදි ඇය පවසා ඇත්තේ මෙවර PEN Pinter ත්‍යාගය තමන්ට හිමි වීම ගැන තමන් ඉතා සතුටට පත්ව ඇති බවයි.

නාට්‍ය රචක හැරල්ඩ් පින්ටර් අනුස්මරණය කිරීම සඳහා පිහිටුවා ඇති මෙම සම්මානය ලෝකය දෙස “නොසැලී” බලන විශිෂ්ඨ සාහිත්‍ය කුසලතා සහිත ලේඛකයින් සඳහා පිරිනැමේ.

වසර 14කට පෙර රෝයි කළ ප්‍රකාශයන් සම්බන්ධයෙන් ඉන්දියාවේ නිලධාරීන් ත්‍රස්ත විරෝධී නීති යටතේ ඇයට එරෙහිව පියවර ගැනීම ආරම්භ කර සති කිහිපයකට පසුව මෙම සම්මානය ලැබීම විශේෂිතය.

අරුන්දතී රෝයි බුකර් ත්‍යාගලාභී ලේඛිකාවක්වන අතර ඉන්දියාවේ මානව හිමිකම් ප්‍රශ්න මෙන්ම ගෝලීය වශයෙන් යුද්ධය සහ ධනවාදය පිළිබඳ ද නිතර කතා කරනු ලබන චරිතයක් ලෙස ප්‍රචලිතය.

පාලක භාරතීය ජනතා පක්‍ෂය ආණ්ඩුව විසින් මුස්ලිම්වරුන් ඉලක්ක කර ඇතැයි කියන චෝදනාව සම්බන්ධයෙන් රෝයි ඇයගේ විවේචනය විවෘතව ප්‍රකාශ කර ඇති අතර අග්‍රාමාත්‍ය නරේන්ද්‍ර මෝදිගේ පාලන සමයේදී ඉන්දියාවේ මාධ්‍ය නිදහස පිරිහීම ගැනද රෝයි විවෘතව අදහස් පළ කර තිබේ.

ඔක්තෝබර් 10 වැනිදා ඇයට PEN Pinter සම්මානය පිරිනැමීමට නියමිතය.

කලා

ප්‍රෙඩී සිල්වා මහතාගේ බිරිඳ  දිවි රඟමඬලට සමුදෙයි

Published

on

By

හාස්‍ය රංගන ශිල්පියෙකු වූ ප්‍රෙඩී සිල්වා මහතාගේ බිරිඳ වන රංගන ශිල්පිනී මානෙල් චන්ද්‍රලතා මහත්මිය පානදුර රෝහලේ ප්‍රතිකාර ලබමින් සිටියදී අද උදෑසන (16) අභාවප්‍රාප්ත වූවාය.

වසර පහළොවක පමණ කාලයක සිට පිළිකා රෝගයෙන් පීඩා විඳි ඇය අද දිනයේ උදෑසන මහරගම පිළිකා රෝහලට ඇතුළත් වීමට සූදානමින් සිට ඇත.

මානෙල් චන්ද්‍රලතා අභාවප්‍රාප්ත වන විට 68 වන වියේ පසුවූවාය. දේහය දැනට ගල්කිස්ස මහින්ද මල්ශාලාවේ තැන්පත් කර ඇත.අවසාන කටයුතු (18) ගල්කිස්ස සුසාන භූමියේදී සිදු කිරීමට නියමිතය.

1984 ජය සිකුරු චිත්‍රපටියෙන් සිනමා ගමන අරඹන ඇය ඉන් පසු චන්ඩියාගේත් චණ්ඩියා ,නැව ගිලුණත් බෑන් චූන්, නොම්මර 17, රන්දෙණිගල සිංහයා, යුක්තියට වැඩ, වලව්වේ හාමු ,ජය කොතනද, සේයා, ඩොක්ට නවරියන්, කොලොම්පූර්, ඔක්කොම හොඳටයි. ජීවන් මල්ලි, අලිබබා සහ හොරු හතළිහ, හෙලෝ මයි ඩාලින් වැනි චිත්‍රපට 58 කට පමණ රංගනයෙන් දායක වී තිබේ.

ඇය අවසාන වරට රංගනයෙන් දායකවී තිබුණේ 2018 වසරේ පුංචි අන්දරේ චිත්‍රපටය සඳහාය .ජනප්‍රිය සිනමාකරු හේමසිරි සෙල්ලපෙරුමගේ චිත්‍රපට රැසකටම ඇය රංගනයෙන් දායක වී තිබිණි.අසනීප තත්ත්වය නිසා ඇය දිගු කලක් රංගනයෙන් ඈත් වී සිටියාය.

Continue Reading

කලා

අම්බානි පවුලේ සුපිරි මංගල උත්සවයට නාමල් සහ මහේල

Published

on

By

මෑත කාලීනව වැඩිම පිරිවැයක් දැරූ විවාහ උත්සවයක් ලෙස සැලකෙන ප්‍රකට ඉන්දීය ධන කුවේරයෙකු වන මුකේෂ් අම්බානිගේ පුත්‍රයා වන ආනන්ත් අම්බානිගේ සහ රාධිකා මර්චන්ට්ගේ දින 3ක විවාහ මංගල්‍යය අදින් ආරම්භ වේ.

ලොවපුරා සිටින බලවතුන්, ක්‍රීඩකයින්, දේශපාලකයන් මෙන්ම ප්‍රසිද්ධ නළු නිලියන් රාශියක් මේ සඳහා සහභාගී වීමද විශේෂත්වයකි.

ආසියාවේ ධනවතුන් අතර ප්‍රමුඛ ස්ථානයක් ගන්නා මුකේෂ් අම්බානිගේ බාල පුතුගේ මේ විවාහයට ශ්‍රී ලංකාවෙන් දෙදෙනෙකුටත් ආරාධනා ලැබ ඇත.

ඒ, නාමල් රාජපක්ෂ සහ ශ්‍රී ලංකා කණ්ඩායමේ හිටපු සුපිරි ක්‍රීඩකයෙකු වන කරන මහේල ජයවර්ධනටයි.

රෙස්ලිං ක්‍රීඩාවෙන් ලොව අමන්දානන්දයට පත් කළ ජෝන් සීනා ද මෙම විවාහ මංගල්‍යයට සහභාගී වීම විශේෂත්වයකි.

විදෙස් මාධ්‍ය වාර්තා කරන්නේ, මෙම විවාහ මංගල්‍යය ඉන්දීය රුපියල් කෝටි 5000කට අධික පිරිවැයක් දරා ඇති බවය.

එය අම්බානි පවුලේ ධනයෙන් 0.05%ක් පමණ වන බව විදෙස් මාධ්‍ය පෙන්වා දෙයි.

Continue Reading

කලා

ප්‍රංශ සිනමා අත්දැකීමක් නොමිලේ විඳගැනීමට අවස්ථාවක්

Published

on

By

ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලය (KDU) හා ශ්‍රී ලංකා ප්‍රංශ තානාපති කාර්යාලය එක්ව සංවිධානය කරන “ප්‍රංශ සිනමා උළෙල” ජූලි මස 11, 18, 25 සහ අගෝස්තු මස 01 දින වලදී එම විශ්වවිද්‍යාලයේ දී පැවත්වේ.

ප්‍රංශ සිනමාවේ නවමු ප්‍රවේශයන් මෙන් ම ප්‍රංශ සංස්කෘතිය සහ ජන ජීවිතය   නිරූපණය වන සිනමා කෘති වලින් සමන්විත මෙය මහජනතාව වෙනුවෙන් “සම්පූර්ණයෙන් නොමිලේ විවෘත ආරාධනයකි”.

කොතලාවල ආරක්ෂක විශ්වවිද්‍යාලයේ දී  චිත්‍රපට ප්‍රදර්ශනය කෙරෙන දින හා වේලාවන් පහත පරිදි වේ.

Suprêmes – 2024 අගෝස්තු 01 සවස 3.00

Divertimento – 2024 ජූලි 25 සවස 3.00

Bigger Than Us – 2024 ජූලි 18 සවස 3.00

De Gaulle – 2024.ජූලි 11 සවස 3.00

Continue Reading
Advertisement

Trending

Copyright © 2023 Sri Lanka Mirror. All Rights Reserved