සුපිරි ඉන්දීය නළු රජිනිකාන්ත් චෙන්නායි හි ඇපොලෝ රෝහලට ඇතුල් තර ඇතැයි වාර්තා වේ.

උදරයේ ඇතිවූ අසනීපයක් හේතුවෙන් ඊයේ (30) රාත්‍රියේදී ඔහුව රෝහල්ගත කර ඇති බව ඉන්දීය මාධ්‍ය පවසයි.

73 හැවිරිදි රජිනිකාන්ත් ගේ තත්ත්වය මේ වන විට යහපත් බවද එහ වාර්තා සඳහන් කරයි.

සිය පාදයට අත්වැරදීමකින් වෙඩි වැදීම හේතුවෙන් ජනප්‍රිය බොලිවුඩ් නළු ගෝවින්දා රෝහල් ගත කර තිබේ.

අද (01) උදෑසන කල්කටා නුවර වෙත යාමට සූදානම් වන අවස්ථාවේදී සිය නීත්‍යානුකූල රිවෝල්වරය අත්වැරදීමකින් ක්‍රියාත්මක වී ඔහුගේම පාදයට වෙඩි වැදී ඇති බව ඉන්දීය මාධ්‍ය සඳහන් කරයි.

ඔහුට වෙඩි වැදී තිබුණේ දණහිසට අඟල් දෙකක් පමණ පහලිනි.

වෛද්‍යවරුන් විසින් වෙඩි උණ්ඩය පිටතට ගෙන ඇති බවත්, ඔහුගේ තත්ත්වය බරපතළ නොවන බවත් ඔහුගේ වෛද්‍යවරයා විසින් මාධ්‍යයට පවසා ඇත.

බ්‍රිතාන්‍යයේ ප්‍රවීණ රංගන ශිල්පිණියක් වන ඩේම් මැගී ස්මිත් මහත්මිය දිවියෙන් සමුගෙන තිබේ.

අද (27) දිනයේදී රෝහලේදී ඇය මෙලොවින් සමුගත් බව ඇගේ පවුලේ සාමාජිකයන් පවසයි.

මිය යන විට ස්මිත් මහත්මිය 89 වියේ පසුවිය.

දශක කිහිපයක් පුරාවටම රිදී තිරයේ මෙන්ම වේදිකාවේ සිය දස්කම් දැක්වූ, ඇය වඩාත්ම ජනප්‍රිය වූයේ හැරී පොටර් චිත්‍රපට මාලාවේ මහාචාර්ය මැක්ගොනගල් හා ඩවුන්ටවුන් ඇබී කතා මාලාවේ වයලට් ක්‍රෝලි ලෙසත්ය.

ඇය ඔස්කා සම්මාන දෙකක් මෙන්ම බැෆ්ටා සම්මාන 08ක් ද දිනාගැනීමට සමත් විය.