Connect with us

කලා

ප්‍රවීණ ටෙලිනාට්‍ය අධ්‍යක්ෂ සන්තුස ලියනගේ මහතා අභාවප්‍රාප්ත වෙයි

Published

on

දෙස් විදෙස් සම්මාන රැසකට පාත්‍ර වූ ප්‍රවීණ ප්‍රසාංගික හා ඒකාංගික ටෙලිනාට්‍ය අධ්‍යක්ෂවරයෙකු වූ සන්තුස ලියනගේ මහතා අභාවප්‍රාප්ත වී තිබේ.

දේශීය මෙන්ම විදේශීය සම්මාන රැසක් සඳහා පාත්‍ර වූ සන්තුස ලියනගේ මහතා ශ්‍රී ලංකා රූපවාහිනී සංස්ථාවේ ටෙලිනාට්‍ය අධ්‍යක්ෂවරයෙකු ලෙස කටයුතු කලේය.

1990 වසරේ ශ්‍රී ලංකා රූපවාහිනී සංස්ථාවේ නාට්‍ය = ඒකකයට එක්වූ සන්තුස ලියනගේ මහතා වසර 34ක සේවා කාලයක් සම්පූර්ණ කර විශ්‍රම ගත්තේය.

කාහලනාදය / භාවතීර්ත / දූලි පින්තාරු ඇතුළු ප්‍රසාංගික මෙන්ම ඒකාංගික ටෙලිනාට්‍ය රැසක් අධ්‍යක්ෂණය කිරීමට කටයුතු කල අතර වෙනස් ආරක නිර්මාණ ජනතාවට දයාද කළ නිර්මාණකරුවෙක් ලෙස දෙස් විදෙස් සම්මාන උළෙල රැසකදී ඒ මහතා සම්මානයට පාත්‍ර විය.

මිය යනවිට 57 වන වියේ පසුවූ සන්තුස ලියනගේ මහතා කලක් අසනීප තත්ත්වයෙන් ද පසුවුයේය.

සන්තුස ලියනගේ මහතාගේ දේහය පිළිබඳ අවසන් කටයුතු මාලඹේ තලාහේනේදී පොදු සුසාන භූමියේදී අනිද්දා සිදු කිරීමට නියමිතය.

කලා

බැට් මෑන් සමුගනී

Published

on

By

සුපිරි හොලිවුඩ් නළුවෙකු වන Val Kilmer අභාවප්‍රාප්ත වී තිබේ.

නියුමෝනියා තත්ත්වයක් හේතුවෙන් ඔහු මිය යන විට 65 හැවිරිදි වියේ පසුවිය.

1959 දෙසැම්බර් 31 වන දින Val Kilmer ලෙස උපත ලැබූ කිල්මර්, ලොස් ඇන්ජලීස් හි මධ්‍යම පාන්තික පවුලක හැදී වැඩුණු අයෙකි.

වයස අවුරුදු 17 දී, ඔහු ලොව වඩාත්ම කීර්තිමත් නාට්‍ය සංරක්ෂණාගාරවලින් එකක් වන නිව්යෝර්ක්හි ජුලියර්ඩ් පාසලට ඇතුළත් වූ එවකට ලාබාලතම ශිෂ්‍යයා බවට පත්වෙමිනි.

Top Gun සහ Batman Forever යන චිත්‍රපටි තුළින් ඔහු රසිකයින් අතර ජනප්‍රිය චරිතයක් බවට පත්විය.

Continue Reading

කලා

‘Wild Cookbook’ ග්‍රාහකයින් මිලියන 10 පසුකරයි

Published

on

By

YouTube අවකාශය තුළ ලොව පුරා ඉමහත් ජනාදරයක් හිමිකරගෙන සිටින ශ්‍රී ලාංකික සූපවේදියෙකු වන චරිත් එන්. සිල්වාගේ යූටියුබ් නාලිකාව වන ‘Wild Cookbook’ ඊයේ (28) සිය ග්‍රාහකයින් (subscribers) මිලියන 10 පසුකර ගියේය.

ඒ අනුව මිලියන 10ක ග්‍රාහකයින් සංඛ්‍යාවක් ඉක්මවා ගිය පළමු ශ්‍රී ලාංකික නාලිකාවේ හිමිකරුවා බවට ඔහු පත්විය.

එමෙන්ම ශ්‍රී ලංකාවේ ප්‍රථම Diamond Play Button එක හිමිකරගැනීමට ඔහුට හැකිවිය.

2020 වසරේ දී දියත් කරන ලද මෙම යූටියුබ් නාලිකාවේ වීඩියෝ 600කට අධික සංඛ්‍යාවක් ඉදිරිපත් කර ඇති අතර, එය බිලියන 4කට වැඩි නැරඹුම් ලබාගෙන ඇත.

චරිත්ගේ සුවිශේෂී ඉවුම් පිහුම් ශිල්පීය ක්‍රම සහ එය ඉදිරිපත් කරන ආකාරය ඔහුගේ ජනප්‍රියත්වයට ප්‍රධානම හේතුවක් විය.

මෙම සන්ධිස්ථානයට ළඟා වූ චරිත් සිය ප්‍රේක්ෂකයින්ට කෘතඥතාව පළ කරමින් පවසා සිටියේ ’10 Million කෝටි වාරයක් ස්තූතියි’ යනුවෙනි.

YouTube ග්‍රාහකයින් සංඛ්‍යාව අනුව ඒ ඒ කඩඉම්වලදී එය සංකේතවත් කරමින් විවිධ Play Button ලබා දේ.

පළමු ප්‍රේක්ෂක ලක්ෂයට Silver ලෙසත්, පළමු මිලියනයට Gold Play ලෙසත්, පළමු මිලියන 10ට Diamond ලෙසත් එම Play Button ලබාදීම සිදුකෙරේ.

ඒ අනුව චරිත් යාමට තිබෙන ඊළඟ කඩඉම Red Diamond Play Button එක වන අතර, ඒ සඳහා ඔහු ග්‍රාහකයින් මිලියන 100 සම්පූර්ණ කළ යුතුය.

Continue Reading

කලා

Adhiran එළි දකියි (VIDEO)

Published

on

By

මිෂෙල් දිල්හාරා සහ සුදර්ශන් රවීන්ද්‍රන් රංගනයෙන් දායක වන ඇදිරන් සිනමා පටයේ පුර්ව ප්‍රචාරක පටය පසුගියදා එළි දැක්වීය.

මෙම චිත්‍රපටයේ ප්‍රධාන චරිත නිරූපණය කරනු ලබන්නේ සුදර්ශන් රවීන්ද්‍රන් (Sudharshan Raveendran) සහ මිෂෙල් දිල්හාරා විසිනි.

තිනේෂ් කනගරාජ්ගේ අධ්‍යක්ෂණයක් වන අධිරන්, මිෂෙල්ගේ පළමු දමිළ සිනමා සිත්තම වන අතර චිත්‍රපටය සම්පූර්ණයෙන්ම රූගත කළේ ලංකාවේ වීම ද විශේෂත්වයක් වේ.

එහි පූර්ව ප්‍රචාරක පටය,

Continue Reading
Advertisement

Trending

Copyright © 2023 Sri Lanka Mirror. All Rights Reserved