ප්‍රවීණ රංගන ශිල්පී ජයතිලක හේරත් මහතා අභාවප්‍රාප්ත වී තිබේ.
දශක කිහිපයක් පුරාවට රංගන ශිල්පියෙකු ලෙස රූපවාහිනිය, සිනමාව සහ වේදිකාව හරහා සිය හැකියාවන් ඉදිරිපත් කළ කටයුතු කළ ඔහු, ආධුනික ශිල්පීන් ගණනාවකට ගුරුහරුකම් ලබාදුන් අයෙකු විය.
කෝපි කඩේ ටෙලිනාට්‍ය යේ ආරම්භක අවධියේ සිට සම්බන්ධවූ රංගන ශිල්පියෙකු වූ ඔහු මිරිඟුවෙන් එහා ටෙලි නාට්‍යයෙහි සිදු කළ ‘කට්ටඩි‘ චරිතය නිසා වඩාත් ප්‍රකට විය. පසුව ඔහුව බොහෝ අවස්ථාවල කට්ටඩියන් ගුරුකම් කරන්නන් කපු මහත්වරු වැනි චරිත සඳහා තෝරා ගෙන තිබුණි. ලොකු දුව, සංගිලි, සුබා ඔහු රඟපෑ චිත්‍රපට අතර විය.
