Connect with us

පුවත්

අද මැදියම් රැයේ සිට තැපෑල ලෙඩ වෙයි

Published

on

තැපැල් දෙපාර්තමේන්තුවේ සේවකයන් ඉල්ලීම් දෙකක් මුල් කර ගනිමින් අද(12) මධ්‍යම රාත්‍රී 12.00 සිට පැය 24ක කාලයක් අසනීප නිවාඩු වාර්තා කර සේවයෙන් ඉවත්වන බව තැපැල් වෘත්තීය සමිති ඒකාබද්ධ පෙරමුණ සඳහන් කරයි.

මෙම වැඩවර්ජන ක්‍රියාමාර්ගය සඳහා වෘත්තීය සමිති 23කට අයත් සේවකයන් විසි එක්දහසක් සම්බන්ධ වන බවත් මෙම ක්‍රියාමාර්ගයට අනුව නිසි ප්‍රතිචාර නොමැති වුවහොත් 24වන දින සිට අඛණ්ඩ වෘත්තීය ක්‍රියාමාර්ග ගැනීමට තීරණය කර තිබෙන බවත් එම පෙරමුණේ කැඳවුම්කරු චින්තක බණ්ඩාර මහතා සඳහන් කලේය.

තැපැල් දෙපාර්තමේන්තුව තුළ පුරප්පාඩු පන්දහසකට අධික ප්‍රමාණයක් ඇති වී තිබෙන බවත් පවතින පුරප්පාඩු සම්පූර්ණ නොකිරීම නිසා සේවා සැපයීමේදී ගැටලු රැසක් ඇති වී තිබෙන බවද පවසා සිටියේය.

මීට අමතරව උපතැපැල් ස්ථානාධිපති තනතුරේ හාරසියකට ආසන්න ප්‍රමාණයක් වැඩබලන පදනමින් වසර ගණනාවක් සේවය කරමින් තිබෙන බවත් මෙම පිරිස් සේවයේ ස්ථිර කරන ලෙසට බලධාරීන්ගෙන් අවස්ථා කිහිපයකදී ඉල්ලීම් කර තිබෙන බවද සඳහන් කරන ලදී.

මේ පිළිබඳ ඊයේ (11) බලධාරීන් සමග සාකච්ඡා කළ බවත් එහෙත් අදාළ සාකච්ඡාවලදි නිසි විසඳුම් නොලැබුණ නිසා අද මධ්‍යම රාත්‍රී 12.00 සිට පැය 24ක් වැඩවර්ජනයක් සිදුකිරීමට තීරණය කළ බවත් මෙම ක්‍රියාමාර්ගය මධ්‍යම තැපැල් හුවමාරුව තුළ හා තැපැල් කාර්යාල, උපතැපැල් කාර්යාල හා පාලන කාර්යාල තුළ සිදුවන බව සඳහන් වේ.

පුවත්

ගම්පහ දිස්ත්‍රික්කයේ පාසල්  67කට ක්‍රිකට් උපකරණ

Published

on

By

ගම්පහ දිස්ත්‍රික්කයේ පාසල් තුළ ක්‍රිකට් ක්‍රීඩාව දියුණු කිරීමේ අරමුණින් පාසැල් 67ක් සඳහා ක්‍රිකට් උපකරණ ප්‍රදානය කිරීම ජනාධිපති කාර්ය මණ්ඩල ප්‍රධානි හා ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක මහතාගේ ප්‍රධානත්වයෙන් ඊයේ (15) ජනාධිපති කාර්යාලයේ දී සිදු විය.

ජනාධිපති රනිල් වික්‍රමසිංහ මහතාගේ සංකල්පයකට අනුව, සාගල රත්නායක මහතාගේ පූර්ණ මගපෙන්වීම හා අධීක්ෂණය යටතේ ක්‍රියාත්මක Youth vision 2048 සංවිධානය සහ ශ්‍රී ලංකා ක්‍රිකට් ආයතනය එක්ව මෙම වැඩසටහන සංවිධානය කර තිබිණි.

මෙහිදී අදහස් දැක්වූ සාගල රත්නායක මහතා සඳහන් කළේ ජාතික මට්ටමේ දක්ෂ ක්‍රීඩකයින් බිහි කිරීමට පාසල් ක්‍රිකට් ක්‍රීඩාව ඉතා වැදගත් බවයි. එසේම රටේ බිඳ වැටුණු ආර්ථිකය යළි නඟා සිටුවීමට ජනාධිපති රනිල් වික්‍රමසිංහ මහතා ඉකුත් දෙවසර තුළ කැපවී කටයුතු කළ බවත්, එම ආර්ථික වැඩපිළිවෙළ ඉදිරියට ක්‍රියාත්මක කර දූෂණයෙන් තොර ක්‍රමවත් ආර්ථික රාමුවක් තුළ රටේ දරුවන්ට හොඳ අනාගතයක් ගොඩනඟාදීම ජනාධිපතිවරයාගේ අපේක්ෂාව බවත් ඒ මහතා සඳහන් කළේය.

දේශගුණික විපර්යාස පිළිබඳ ජනාධිපති උපදේශක රුවන් විජේවර්ධන මහතා ද මෙහිදී අදහස් දැක්වූ අතර අනාගත පරපුරේ ක්‍රීඩා කෞෂල්‍ය ඔප් නැංවීම වෙනුවෙන් දායක වූ සියලුදෙනාට ඒ මහතා සිය ප්‍රශංසාව පළ කළේය.
ජනාධිපති තරුණ කටයුතු හා තිරසර සංවර්ධන  අධ්‍යක්ෂ සචිර සරත්චන්ද්‍ර, Youth vision 2048 සංවිධානයේ උපදේශක ආචාර්ය ලසන්ත ගුණවර්ධන, Youth vision 2048 සංවිධානයේ සභාපති ඩෑන් පෝද්දිවෙල,  ශ්‍රී ලංකා ක්‍රිකට් ආයතනයේ  නිලධාරීන් සහ විදුල්පතිවරුන්, ක්‍රීඩා උපදේශකවරුන් සිසු දරුවන් ඇතුළු පිරිසක් මෙම අවස්ථාවට එක්ව සිටියහ.

(ජනාධිපති මාධ්‍ය අංශය)

Continue Reading

පුවත්

මේ සතියේ කැබිනට් තීරණ මෙන්න

Published

on

By

ඊයේ (ජූලි 15) පැවති අමාත්‍ය මණ්ඩල රැස්වීමේදී තීරණ රැසකට එළැඹ තිබේ.

එම තීරණ මෙසේය :

Continue Reading

පුවත්

ජල ගාස්තු සූත්‍රයට කැබිනට් අනුමැතිය

Published

on

By

ජාතික ජල සම්පාදන හා ජලාපවහන මණ්ඩලය සමාලෝචනය කිරීම පිණිස ගාස්තු ප්‍රතිපත්තිය සහ සූත්‍රය ක්‍රියාත්මක කිරීම සඳහා කැබිනට් අනුමැතිය ලැබී තිබේ.

2024-04-08 දින පැවැති අමාත්‍ය මණ්ඩල රැස්වීමේදි සාකච්ඡාවට ගන්නා ලද ජාතික ජල සම්පාදන හා ජලාපවහන මණ්ඩලයේ නව ගාස්තු ප්‍රතිපත්තිය සහ සූත්‍රයට සියලු පාර්ශ්ව සමග සාකච්ඡා කර අවශ්‍ය සංශෝධන ඇතුළත් කරමින් නව ගාස්තු ප්‍රතිපත්තිය සම සූත්‍රය ඉදිරිපත් කිරීමට නියම කර ඇත.

මේ අනුව සකස් කර ඇති සංශෝධිත ජල ගාස්තු ප්‍රතිපත්තිය සහ සංශෝධිත ජල ගාස්තු සූත්‍රය 2025 වසරේ සිට ක්‍රියාත්මක කිරීම පිණිස ජල සම්පාදන සහ වතු යටිතල පහසුකම් සංවර්ධන අමාත්‍යවරයා විසින් ඉදිරිපත් කළ යෝජනාව අමාත්‍ය මණ්ඩලය අනුමත කර ඇත.

Continue Reading

Trending

Copyright © 2023 Sri Lanka Mirror. All Rights Reserved