Connect with us

පුවත්

අනිල් මොහාන්ලා LPL කණ්ඩායම් හිතුමතේට යළි තක්කඩියන්ට විකුණලා?

Published

on

ශ්‍රී ලංකා ප්‍රිමියර් ක්‍රිකට් T20 ලීගය දෙසැම්බර් මස 6 දා ආරම්භ කෙරෙන බවට නිවේදනය කළත් මේ දක්වා එහි කණ්ඩායම් පහේ අනුග්‍රාහකයන් හෙවත් කණ්ඩායම් අයිතිකරුවන් සොයා ගැනීමේ ගැටළුවක් පැන නැගී ඇති බව වාර්තා වේ.

මෙම තරගාවලිය ශ්‍රී ලංකා ක්‍රිකට් ආයතනය හා IPG සමාගම අතර වසර පහක් සඳහා අත්සන් තැබුණු අවබෝධතා ගිවිසුමක් අනුව ක්‍රියාත්මක වේ.

ඒ අනුව එම ගිවිසුම 2024 දක්වා ක්‍රියාත්මක වන අතර මේ වන විට තරගාවලි තුනක් පවත්වා ඇත.

කෙසේ වෙතත් IPG සමාගමේ ප්‍රධාන විධායක අනිල් මොහාන් පවසන පරිදි මෙය පවත්වාගෙන යනු ලබන්නේ පාඩු පිටය.

මුල් තරගාවලියෙන් ඩොලර් මිලියන 2.4 ක ( රුපියල් මිලියන 500 ක) පාඩුවක් ලැබූ බව පවසන ඔහු ක්‍රීඩකයන් පීසීආර් පරීක්ෂණ වලට යෙදවීම හා යෙදුනු අමතර වියදම් වෙනුවෙන් රුපියල් මිලියන 31’ක් ක්‍රිකට් ආයතනය විසින් අඩු කරනු ලැබුවත් 2024 තෙක් පවත්වනු ලබන තරගාවලි වලින් ලබන්නට බලාපොරොත්තු වන ලාභයෙන් ක්‍රිකට් ආයතනයට ගෙවිය යුතු මුළු මුදල ගෙවීමට නියමිත බවත් වාර්තා වේ.

පසුගිය තරගාවලි වල යාපනය, දඹුල්ල හා කොළඹ  කණ්ඩායම් අනුග්‍රාහකයන් සමග පැවති මත ගැටුම් හා විවිධ ප්‍රශ්න හේතුවෙන් ඒවායේ අනුග්‍රාහකයන් වරින් වර මාරුකරනු ලැබීය.

දඹුල්ල කණ්ඩායම වරක් මිළදී ගත් පුද්ගලයා ඉන්දීය පොලිසිය මගින් මුදල් විශුද්ධිකරණය යටතේ අත් අඩංගුවට ගන්නා ලදී.

මෙසේ කණ්ඩායම් මිළදී ගන්නා පුද්ගලයන් පිළිබඳව සොයා නොබැලීම මත ගැටලු රැසක් පැන නැගී තිබියදී ක්‍රිකට් ආයතනයද හරි හැටි දැනුවත් නොකර අනිල් මොහාන් කණ්ඩායම් අලුත් ගැනුම්කරුවන්ට විකුණන බවටද චෝදනා එල්ල වී තිබේ.

පසුගිය සමයේ ඇතැම් කණ්ඩායම් අයිතිකරුවන් ක්‍රීඩකයන්ට පොරොන්දු වූ මුදල් හා හෝටල් ගාස්තු පවා නොගෙවා කට්ටි පනිමින් සිටි බවත් කියවේ.

මේ අතර කොතරම් ආරක්ෂා විධි විධාන තිබුණත් තරග පාවා දීම් සිදුවූ බව ක්‍රීඩකයන්ම පවසා තිබේ.

අනිල් මොහාන් විසින් ක්‍රිකට් ආයතනයටත් ප්‍රිමියර් ලීගයටත් ඉන්දීය ඔට්‍ටු වෙබ් අඩවි වලින් අනුග්‍රාහකයන් ලබා ගැනීම පිළිබඳවද ගැටලු පැන නැගී ඇත.

පසුගියදා පාර්ලිමේන්තුවේදී නලින් බණ්ඩාර මන්ත්‍රීවරයාද මේ ගැන ප්‍රශ්න කළේය.

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved