ජාතික ජන බලවේගය පක්ෂ නායක අනුර කුමාර දිසානායක මහතා වහාම අත් අඩංගුවට ගන්නා ලෙස ඉල්ලමින් මහපොළොවේ ක්‍රියාත්මක සිවිල් සංවිධානය අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර ඇති බව වාර්තා වේ.
ඒ, 2007 වසරේ සිට තොරතුරු වසන් කර රාජ්‍ය දේපළ අවභාවිතා කරන බවට චෝදනා කරමිනි.
ඒ අනුව, අනුව කුමාර දිසානායක මහතා නීතිය ඉදිරියට පමුණුවන ලෙස ඉල්ලමින් එම මහපොළොවේ ක්‍රියාත්මක සිවිල් සංවිධානය වෙනුවෙන් දර්ශන තන්ත්‍රිගේ ඇතුළු පිරිසක් විසින් මෙම පැමිණිල්ල ඉදිරිපත් කර තිබුණි.
අනුර කුමාර දිසානායක මහතා රාජ්‍ය දේපල අවභාවිත කරන බවට එම පක්ෂයේ දේශපාලන මණ්ඩල සභික ලාල් කාන්ත මහතා විසින් පිළිගෙන ඇති බවද එම සංවිධානය පෙන්වා දෙයි.
ඒ අනුව, දීර්ඝ කාලයක් තිස්සේ කරන මෙම අවභාවිතාව හේතුවෙන් පොදු දේපළ පනත යටතේ අනුර කුමාර දිසානායක මහතා අත්අඩංගුවට ගැනීමට කටයුතු කරන ලෙස ද එම පැමිණිල්ල මඟින් මහපොළොවේ ක්‍රියාත්මක සිවිල් සංවිධානය ඉල්ලා සිටී.
