Connect with us

පුවත්

අපරාධ නඩු විධාන සංග්‍රහය (සංශෝධන) පනත් කෙටුම්පත සහතික වේ.

Published

on

අපරාධ නඩු විධාන සංග්‍රහය (සංශෝධන) පනත් කෙටුම්පතට කථානායකවරයාගේ සහතිකය ලබා දී ඇත.

අපරාධ නඩු විධාන සංග්‍රහය (සංශෝධන) පනත් කෙටුම්පත සඳහා කථානායක ගරු මහින්ද යාපා අබේවර්ධන මහතා පසුගිය 03 වැනිදා සිය සහතිකය සටහන් කළ බව නියෝජ්‍ය කථානායක ගරු අජිත් රාජපක්ෂ මහතා විසින් අද (07) පාර්ලිමේන්තුවේදී නිවේදනය කරන ලදී.

මෙම පනත් කොටුම්පත 2024 අප්‍රේල් 24 වැනිදා පාර්ලිමේන්තුවේ විවාදයට ගෙන සම්මත විය.

ඒ අනුව අපරාධ නඩු විධාන සංග්‍රහය (සංශෝධන) පනත් කෙටුම්පත 2024 අංක 25 දරන අපරාධ නඩු විධාන සංග්‍රහය (සංශෝධන) පනත වශයෙන් පසුගිය 03 වැනිදා සිට බලාත්මක වේ.

පුවත්

වෙසක් නිමිත්තෙන් රැඳවියන් 278 කට සමාව

Published

on

By

වෙසක් උත්සවය නිමිත්තෙන් විශේෂ රාජ්‍ය සමාව යටතේ බන්ධනාගාරගත රැඳවියන් 278 කට සමාව පිරිනමන බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් ගාමිණි බී. දිසානායක මහතා පැවසීය.

රාජ්‍ය සමාව ලබන සිරකරුවන් අතර වැලිකඩ බන්ධනාගාරයෙන් සිරකරුවන් 15 ක් සහ මහර බන්ධනාගාරයෙන් 37 ක් සමඟ සියළුම බන්ධනාගාර ආයතනවලින් සිරකරුවන් 278 ක් සිටින බවත් ඒ අතර කාන්තා රැදවියන් 10 ක් ඇතුළත් බවත් දිසානායක මහතා කීය.

Continue Reading

පුවත්

‘සමස්ත සිංහල අය වෙනුවෙන් මගෙන් සමාව ඉල්ලපු කිහිපදෙනෙක් ඉන්නවා’ (වීඩියෝ)

Published

on

By

කුරුණෑගල අවට ජනතාව අදටත් සිසේරියන් සැත්කම් සිදු කර ගැනීමට තමන් ළඟට පැමිණෙන බවත් වඳ සැත්කම් කළ බවට නැගු චෝදනාවන්ට සමාව ඉල්ලා සිටින බවත් කුරුණෑගල ශික්ෂණ රෝහලේ වෛද්‍ය ෂිහාබ්දීන් මොහොමඩ් ෂාෆි පවසයි.

ශ්‍රී ලංකාව තුළ අනාගත පරපුරට සතුටින් ජීවත් වීමට අවස්ථාව සැලසිය යුතු බවට විශ්වාස කරන තමන් රට හැර යෑමේ සුදානමක් නොමැති බවත් කවදා හෝ මේ බෞද්ධ රට වෙනත් රටවලට ආදර්ශයක් වෙන රටක් බවට පත කළ යුතු බවත් ඔහු පෙන්වා දෙයි.

‘අවස්ථාවාදී අරමුණු උදෙසා නීතිය, විද්‍යාව සහ ජනමධ්‍ය අවභාවිත කිරීම’ යන තේමාව යටතේ මැයි 21වෙනිදා කොළඹ දී ‘අයිතිය උදෙසා මාධ්‍යවේදීන්’ විසින් සංවිධානය කළ සංවාදයකට එක්වෙමින් වෛද්‍ය ෂාෆි මේ අදහස් පළ කළේය.

කුරුණෑගල ශික්ෂණ රෝහලේ දී සිංහල මව්වරුන්ට වඳ සැත්කම් කළ බවට චෝදනා ලබා, අනිවාර්ය නිවාඩු ගන්වා අත්අඩංගුවේ සිටි වෛද්‍ය ෂාෆි පසුව එම චෝදනාවලින් නිදහස් වී නැවත කුරුණෑගල රෝහලේම සේවය කරයි.

(බීබීසී සිංහල)

Continue Reading

පුවත්

දළදා මාලිගාවේ බැතිමතුන් වෙනුවෙන් දන්සැල් කලාපයක්

Published

on

By

වෙසක් පුර පසළොස්වක පොහොය යෙදී ඇති හෙට (23) සහ අනිද්දා (24) යන දෙදින මහනුවර ශ්‍රී දළදා මාලිගාවට පැමිණෙන දෙස් විදෙස් බැතිමතුන් වෙනුවෙන් විශේෂ දන්සැල් කලාපයක් ක්‍රියාත්මක කිරීමට කටයුතු කර තිබේ.

දියවඩන නිලමේ ප්‍රදීප් නිලංග දෑල මහතාගේ උපදෙස් අනුව ශ්‍රී දළදා මාලිගාවේ කාර්ය මණ්ඩලය විසින් මෙම දන්සැල් කලාපය ක්‍රියාත්මක කරනු ඇත.

එහිදී ප්‍රණීත හා සෞඛ්‍ය‍ාරක්ෂිතව පිලියෙල කළ ආහාර පාන දින දෙකක් පුරාවට පැමිණෙන බැතිමතුන් වෙත ලබා දෙන බව ශ්‍රී දළදා මාලිගාව වැඩිදුරටත් සඳහන් කළේය. 

Continue Reading
Advertisement

Trending

Copyright © 2023 Sri Lanka Mirror. All Rights Reserved