පැවැති ජනාධිපතිවරණයට අදාළව ආදායම් සහ වියදම් භාරදුන් ජනපති අපේක්ෂකයින් පිළිබඳව මැතිවරණ කොමිෂන් සභාව විසින් නිකුත් කර තිබේ.
එම නිවේදනයේ සඳහන් වන්නේ ජනාධිපතිවරණයට අදාළව අපේක්ෂකයින් 38 දෙනාගෙන් 35 දෙනෙකු සිය වාර්තා ලබා දී ඇති අතර ඉන් තිදෙනෙක් සිය ආදායම් වියදම් වාර්තා ලබා දී නොමැති බවය.
බත්තරමුල්ලේ සීලරතන හිමි, සරත් කීර්තිරත්න , පාක්‍යසෙල්වම් අරියනේත්‍රන් යන ජනපති අපේක්ෂකයින් එලෙස ආදාළ වියදම් වාර්තා ලබා දී නොමැති බව මැතිවරණ කොමිෂන් සභාව විසින් නිකුත් කළ නිවේදනයේ සඳහන්ය.
(පෙර පුවත 2024 ඔක්තෝබර් 14, ප.ව.01:08)
අපේක්ෂකයින් තුන් දෙනෙක් ජනාධිපතිවරණ වියදම් වාර්තා දීලා නැහැ
ජනාධිපතිවරණයට ඉදිරිපත් වූ අපේක්ෂකයින් 35 දෙනෙකු ඊයේ (14) දිනය අවසන් වනවිට මැතිවරණ වියදම් වාර්තා භාරදී ඇති බව මැතිවරණ කොමිෂන් සභාවේ සභාපති ආර්.එම්.ඒ.එල්.රත්නායක මහතා පවසයි.
ඒ අනුව, අපේක්ෂකයින් 3 දෙනෙකු ජනාධිපතිවරණ වියදම් වාර්තා භාර දී නොමැති බව ඔහු සඳහන් කලේය.
එම අපේක්ෂකයින්ට අදාළ වියදම් වාර්තා භාරදීම සඳහා ලබාදී තිබූ කාලය ඊයේ (13) මධ්‍යම රාත්‍රියෙන් අවසන් විය
මෙවර ජනධිපතිවරණය වෙනුවෙන් ජනාධිපති අපේක්ෂකයින් 38 දෙනෙක් තරග වැදුණි.
මේ අතර, අද (14) පෙරවරුවේ මාධ්‍ය වෙත අදහස් දක්වමින් සභාපතිවරයා සඳහන් කළේ, දේශපාලන පක්ෂ 28 කින් එම පක්ෂවල වියදම් වාර්තා භාර දී ඇති බවය.
මැතිවරණ කොමිසන් සභාව මීට පෙර සඳහන් කළේ, ජනාධිපතිවරණ ප්‍රතිඵල ප්‍රකාශයට පත්කර දින 21 ක් ඇතුළත අදාළ වියදම් වාර්තා ලබා දිය යුතු බවය.
ඒ, අනුව අදාළ කාලය තුළ එම වියදම් වාර්තා භාර නොදෙන අපේක්ෂයින්ට එරෙහිව නීතිමය පියවර ගන්නා බව ද එම කොමිෂන් සභාව සඳහන් කලේය.
