එක්සත් ප්‍රජාතන්ත්‍රවාදී හඬ පක්ෂ සැලුන් දොරවල් නොමැති බව එහි නායක, රංජන් රාමනායක මහතා පවසයි.
ඒ අනුව සිය පක්ෂයට ඇත්තේ පෙනේරයක් පමණක් බව ඒ මහතා කියා සිටියේය.
මාතලේ ග්‍රෑන්ඩ් මවුන්ටන් හොටලයේ මේ වනවිට පැවැත්වෙන ජන හමුවක් අමතමින් ඒ මහතා මේ බව ප්‍රකාශ කලේය.
සිය පක්ෂයට මෙවර විපක්ෂයක් පමණක් නිර්මාණය කළ හැකි බව ඒ මහතා පෙන්වා දුන්නේය.
පාර්ලිමේන්තු මැතිවරණය සඳහා තම පක්ෂයෙන් ඉදිරිපත්වීමට සැලසුම් කළ දූෂණයට, වංචාවට ගෑවුණු සියළුදෙනා අපේක්ෂකත්වයෙන් ඉවත් කිරීමට සිදුවූ බවයි රංජන් රාමනායක මහතා අවධාරණය කළේය.
ඒ අනුව තම පක්ෂය දිස්ත්‍රික් නවයකට පමණක් තරඟ කරන බවත්, මෙවර ආණ්ඩුවක් සෑදීමට බලාපොරොත්තු නොවුනද, විකල්ප පාලන ක්‍රමයක් සමග තම පක්ෂය ඊළග ආණ්ඩුව සෑදීමට සූදානම් බවත් ඔහු එහිදී වැඩිදුරටත් කියා සිටියේය.
