මෙවර අයවැයෙන් අමාත්‍යංශ සඳහා වෙන්කළ මුදලින් 05% කපා හැරීමට අමාත්‍ය මණ්ඩලය තීරණය කර ඇතැයි ජනාධිපති රනිල් වික්‍රමසිංහ මහතා පැවසූ බව කැබිනට් ප්‍රකාශක අමාත්‍ය ආචාර්ය බන්දුල ගුණවර්ධන කියා සිටියි.
අද (10) දින කැබිනට් තීරණ දැනුම් දීමේ මාධ්‍ය හමුවට එක්වෙමින් ඔහු මේ බව පවසා සිටියේය.
රාජ්‍ය සේවක, විශ්‍රාම වැටුප් ඇතුළු අනෙකුත් සේවා වියදම් පියවා ගැනීමේ අර්බුදයක් පවතින බවත්, සමෘද්ධි සහ වැඩිහිටි දීමනා ලබාදීම ද සතියකින් හෝ දෙකකින් ප්‍රමාද විය හැකි බවත් ඔහු වැඩිදුරටත් පැවසීය.
