නව රජය විසින් ද ලබන වර්ෂය (2025) සඳහා අය-වැය ලේඛනයක් වෙනුවට මාස 3ක කාලයක් සඳහා අතුරු සම්මත ගිණුමක් ඉදිරිපත් කිරීමට තීරණය කර තිබේ.
පසුගියදා (15) පැවති කැබිනට් තීරණ දැනුම් දීමේ මාධ්‍ය හමුවේදී කැබිනට් මාධ්‍ය ප්‍රකාශක අමාත්‍ය විජිත හේරත් මහතා මේ බව පවසා සිටියේය.
විජිත හේරත් මහතා මෙහිදී සඳහන් කළේ මහ මැතිවරණය නොවැම්බර් 14 දා පවත්වා නොවැම්බර් 21 දින පාර්ලිමේන්තුව රැස්වීමට නියමිතව ඇති බැවින් අය-වැය ලේඛනයක් ඉදිරිපත් කිරීමට ප්‍රමාණවත් කාලයක් නොමැති වීම මෙයට හේතුව වී ඇති බවය.
2025 වසරේ මුල් මාස හතර සඳහා රජය අත්‍යවශ්‍ය වියදම් සහ එදිනෙදා කටයුතු සඳහා අවශ්‍ය මුදල් සහ අයවැයට පාර්ලිමේන්තුවේ අනුමැතිය ලබා ගැනීම මෙම අතුරු සම්මත ගිණුම හරහා සිදුකරගනු ඇත.
ඉන් අනතුරුව විද්‍යාත්මක පදනමක් මත දැනට පවතින අමාත්‍යාංශ සහ ඒවායේ සේවා වෙන්කර ගැනීම්, ඒවා ගැසට් කිරීම සිදුකිරීමට නියමිතය.
එලෙස විධිමත් ආකාරයට අමාත්‍යාංශ හා විෂයන් වෙන්කර ගැනීමෙන් පසු වසර 2025 සඳහා සම්පූර්ණ අයවැයක් ඉදිරිපත් කිරීම සිදු කෙරේ.
