අරගලයට සම්බන්ධ වුණේ අයිස් ගසා මත්වුණු පිරිසක් බව අමාත්‍ය ප්‍රසන්න රණතුංග මහතා කියයි.
රණතුංග මහතා මෙසේ පැවසුවේ මිනුවන්ගොඩ වෙළෙඳ පොළ භූමියේ පැවති රැස්වීමකදීය.
කුඩු ගංජා අයිස් විකුණන පිරිසක් එම ද්‍රව්‍ය විකුණා ගැනීම සඳහා අරගලකරුවන් පාවිච්චි කළ බව පැවසූ අමාත්‍යවරයා ඇතැම් දේශපාලඥයන්ද සිය අරමුණු ඉටුකර ගැනීම සඳහා අරගලය පහත් ආකාරයෙන් යොදාගත් බව ප්‍රකාශ කළේය.
අද අරගලකරුවන් සත්‍ය පාපොච්චාරණය කිරීමට පටන් ගෙන ඇතැයිද අමාත්‍යවරයා සඳහන් කළේය.
අරගලය ප්‍රජාතන්ත්‍රවාදී එකක් නොවන බවත් අහිංසක මිනිසුන්ගේ ගෙවල් ගිනි තැබීම ප්‍රජාතන්ත්‍රවාදය දැයි තමා ප්‍රශ්න කරන බවත් ඔහු කිවේය.
කෙසේවුවද, හදිස්සියේම රූපවාහිනී නාලිකාවලින් අයිස් මතද්‍රව්‍ය වැටලීම්, එයට ඇබ්බැහිවූවන් පිළිබඳ හෙළිකිරීම් සම්බන්ධයෙන් මේවන විට සමාජ මාධ්‍ය තුළ කතා බහට ලක්ව තිබේ.
ඒ සම්බන්ධයෙන් පලකර ඇති පොස්ට් කිහිපයක් පහත දැක්වේ.
