Connect with us

පුවත්

ආර්ථික නීතිරීති දැඩි කළොත් රජය කඩාවැටීමට පුළුවන්  – ජනපති 

Published

on

ආර්ථිකය සම්බන්ධයෙන් දැඩි නීතිරීති අනුගමනය කිරීම තුළින් රජයන් සම්පූර්ණයෙන් කඩාවැටීමට ලක්විය හැකි බව ජනාධිපති රනිල් වික්‍රමසිංහ මහතා පවසයි. 

ලෝක ආර්ථික සමුළුවට සමගාමීව ස්විට්සර්ලන්තයේ පැවැති සංවාද මණ්ඩපයකට එක්වෙමින් ජනාධිපතිවරයා සඳහන් කළේ දැඩි නීතිරීති මැද ජනතාව තෘප්තිමත් කිරීමටත් සිදුවීම අභියෝගයක් බවය.

ස්විට්සර්ලන්තයේ, ඩාවෝස් හි පැවැත්වෙන ලෝක ආර්ථික සමුළුවේ සංවාදයක් සඳහා ජනාධිපති රනිල් වික්‍රමසිංහ මහතා අද එක්වුණි. 

ණය අර්බුද නිසා බිඳවැටීමේ අවදානමට ලක්වූ ආර්ථිකයන් ප්‍රකෘතිමත් කිරීම මැයෙන් එම සංවාදය පැවැත්වුණි. 

ජනාධිපති රනිල් වික්‍රමසිංහ මහතා,

“මම කිවයුතුයි අපි ද්විපාර්ශ්වික ණය සාකච්ඡා සම්බන්ධයෙන් හොඳ ස්ථාවරයක සිටින බව. පළමුවරට අපට ධනාත්මක වර්ධනයක් ළඟා කරගැනීමේ අවස්ථාවද උදාවුණා. මම මේ වසරේ 2%ක ආර්ථික වර්ධන වේගයක් බලාපොරොත්තු වනවා. ඒ වගේම ලබන වසරේදී 4%ක හෝ 5%ක වර්ධනයක්ද අපේක්ෂා කරනවා.” 

“අපිට ඇති ප්‍රධාන ගැටලුව මෙය නැවත පියවීම පිළිබඳයි. අපගේ ගෙවුම් ශේෂයේ ප්‍රශ්න පවතිනවා. ඒ වගේම ආදායමත් වියදම් සඳහා ප්‍රමාණවත් නැහැ.” 

“අපි අපගේ ආදායම ඉහළ දැමීමට අපේක්ෂා කරන අතර අපි අපගේ සමස්ත වියදම එකතු කිරිමේ පද්ධති ප්‍රතිසංස්කරණයට ලක්කරමින් එක් එක් දෙපාර්තමේන්තු වෙනුවට ආදායම් අධිකාරියක් පිහිටුවීමට බලාපොරොත්තු වනවා.” 

“ගෙවුම් ශේෂ සම්බන්ධයෙන්, අපි නව ආයෝජන අවස්ථා ආකර්ෂණය කරගැනීමට සොයා බලනවා.” 

“පුනර්ජනනීය බලශක්තිය සම්බන්ධයෙන් සූර්ය බලශක්තිය සහ සුළං බලය අපගේ අවශ්‍යතාවන්ට වඩා වැඩි ප්‍රමාණයක් අප සතුව පවතිනවා.” 

“එම ශක්තීන් භාවිත කිරීම වගේම අතිරික්තය ඉන්දියාව වෙත විකිණීම සඳහාද අප අදහස් කරගෙන සිටිනවා.” 

“සාම්ප්‍රාදායිකව බැලුවොත් බොහෝ දෙනෙකු තමන්ගේ ආදායමට වඩා වියදම් දරනවා. ඒ වගේම බැඳුම්කර වෙළෙඳපොළට සාම්ප්‍රදායික නීති මත කටයුතු කිරීමට සිදුවනවා.”

“මේ දෙක තුලිතව පවත්වාගෙන යන්නේ කොහොමද? දැඩිව නීතිරීති අනුගමනය කිරීම තුළින් සම්පූර්ණයෙන්ම රජය කඩාවැටීමකට ලක්වීමටද හැකියාව පවතිනවා.” 

“ඒ වගේම නිවාස, අධ්‍යාපනය හා සෞඛ්‍ය සම්බන්ධයෙන්ද දැඩි ඉල්ලුමක් පවතිනවා.” 

“ඒ නිසා මගේ මතය තමයි… මෙම ප්‍රශ්න පිළිබඳ ඉතා හොඳින් විචක්ෂණශීලීව බැලිය යුතු බව. අපි මේ ගැටලුවට මුහුණ පෑවේ ආපසු ගෙවීමේ සැලැස්මක් නොමැතිව වෙළෙඳාම් කළ නොහැකි භාණ්ඩ වෙනුවෙන් ණය ලබාගැනීම නිසයි.”

“කෙසේවෙතත් මෙම මූල්‍ය ගැටලුව විසඳීම අද ප්‍රමුඛතාවක් ලෙස පවතිනවා. ශ්‍රී ලංකාවේ අපට මෙය කළමනාකරණය කළ හැකි බවයි මගේ විශ්වාසය.”

(අද දෙරණ)

පුවත්

වෛද්‍ය මහේෂි විජේරත්නගේ දියණිය අත්අඩංගුවට

Published

on

By

ජයවර්ධනපුර රෝහලේ සිද්ධිය සම්බන්ධයෙන් දැනට රක්ෂිත බන්ධනාගාරගතව සිටින, වෛද්‍ය මහේෂි විජේරත්නගේ දියණිය ද අත්අඩංගුවට ගෙන ඇති බව පොලීසිය පවසයි.

පසුගියදා අල්ලස් කොමිසමේ නිලධාරිනියකට තර්ජනය කිරීමේ සිද්ධියකට අදාළව ඇය මෙලෙස අත්අඩංගුවට ගෙන ඇති බවයි සඳහන් වේ.

සබැඳි පුවත්

Continue Reading

පුවත්

ලේක් ඩ්‍රයිව් හි බිල්ඩින් ගහන්න ගිය ප්‍රේමලාල්ගේ ප්‍රයිම් රෙසිඩන්සීස් වංගු එළියට

Published

on

By

ප්‍රයිම් රෙසිඩන්සීස් නිසි අනුමැතීන් ලබාගැනීමකින් තොරව කොළඹ ලේක් ඩ්‍රයිව් හි ඇරඹීමට සැලසුම් කර ඇති බව කියන “The Golf – Colombo 08”  නිවාස ව්‍යාපෘතියකට ප්‍රදේශයේ පදිංචිකරුවන් විරෝධය පළ කර ඇතැයි වාර්තා වේ.

කොළඹ 08 ලේක් ඩ්‍රයිව් ප්‍රදේශයේ ඉදිකිරීමට සැලසුම් කර ඇති මේ ව්‍යාපෘතිය මහල් 12කින් සමන්විත බව අදාළ සමාගම සමාජ මාධ්‍ය ඔස්සේ ලබාදී ඇති ප්‍රචාරවල දැක්වේ.

එම ප්‍රචාරයන්ට අනුව අදාළ ඉදිකිරීම නිවාස 64කින් සමන්විත බවත්, නිවසක් වෙන් කර ගැනීමට 25%ක් ගෙවීම ප්‍රමාණවත් බවත් වාර්තා වේ.

“අද දෙරණ” මෙම ව්‍යාපෘතිය දියත් කරන අදාළ නිවාස සමාගමෙන් විමසූ විට එහි ප්‍රකාශකයකු මෙය වසර කිහිපයක් තුළ නිසැක වශයෙන් නීත්‍යානුකූල අන්දමින් ඉදිවන මහල් 12ක නිවාස ව්‍යාපෘතියක් බව සඳහන් කළ බවද දැක්වේ.

කෙසේවෙතත් නාගරික සංවර්ධන අධිකාරිය ලබාදී ඇති තොරතුරුවලට අනුව මෙම ව්‍යාපෘතිය සඳහා මධ්‍යම පරිසර අධිකාරිය, ජාතික ගොඩනැගිලි පර්යේෂණ ආයතනය, කොළඹ නගර සභාවේ මලපවාහන ඒකකය ඇතුළු අදාළ ආයතන 7 කින් නිසි අවසරය ලබාගැනීමේ පොරොන්දුව මත පදනම්ව පමණක් මෙම ව්‍යාපෘතිය සිදුකරගෙන යාමේ අවසර ගෙන ඇති බවය.

ඉන් ගම්‍ය වන්නේ කුමන හෝ ගැටලුවක් මත එකී අනුමැතීන් නොලැබුණහොත් මෙම නිවාස ව්‍යාපෘතිය ඉදිරියට ගෙන යා නොහැකිව අතරමග ඇණහිටිනු ඇති බවයි.

එසේ නම් මෙය දැනටමත් ලැබී නොමැති අනුමැතියක් ලැබේයැයි සිතුවිල්ල මත ගැනුම්කරුවන් ඇපයට තබා ක්‍රියාත්මක කරන ව්‍යාපෘතියක් බව අද දෙරණ කියා සිටී.

එමෙන්ම දැනටමත් කාර්යබහුල මාර්ගයක් වන – මෙම නිවාස ව්‍යාපෘතියේ පිවිසුම් මාර්ගය වන ලේක් ඩ්‍රයිව් මාවත සහ එහි යටිතල පහසුකම් මෙවැනි ව්‍යෘපෘතියක් සඳහා ප්‍රමාණවත්ද යන්න පිළිබඳවත් ගැටලු මතුව තිබේ.

තත්ත්වය මෙසේ තිබියදීත් ප්‍රයිම් රෙසිඩන්සීස් මේ ව්‍යාපෘතිය සඳහා මෙතෙක් කිසිදු ආයතනයකින් අනුමැතිය ඉල්ලා නැතැයි වාර්තා වේ.

නිසි අවසර ලබාගැනීමක් නොමැතිව, ඉදිකිරීම් කටයුතු අවනිශ්චිත තත්ත්වයේ පසුවන මෙවැනි ව්‍යාපෘතියක් සම්බන්ධයෙන් මෙලෙස ප්‍රචාරණ කටයුතු සිදුකිරීම රටේ ජනතාව මුළා කිරීමක් නොවන්නේ යැයිද ? අද දෙරණ විමසා සිටී.

ප්‍රේමලාල් බ්‍රාහ්මණගේ මහතා සභාපති ධූරය දරණ ප්‍රයිම් ගෘෘප් හට අයත් ප්‍රයිම් රෙසිඩන්සීස් විසින් සිය ව්‍යාපෘති සඳහා හඳුන්වා දී තිබෙන 5% නැමැති ගෙවීමේ ක්‍රමයද මේවන වන විට මතහේදයට ලක්ව ඇතැයි ශ්‍රී ලංකා මිරර් වෙත වාර්තා වේ.

මේ අතර, අදාළ ව්‍යාපෘතියට මේවන විට ලේක් ඩ්‍රයිව් හි පදිංචි කරුවන් වන ශ්‍රී ලංකා ක්‍රිකට් හි හිටපු ලේකම්වරයකු වන නිශාන්ත රණතුංග ඇතුළු පිරිසක් අවි අමෝරා ඇතැයි ද වාර්තා වේ.

එසේම රූපවාහිනී ආයතනයක් අයත් සමාගමක අධ්‍යක්ෂ වරියක් ද “The Golf – Colombo 08” හි අවට පදිංචි කාරියක් වීම නිසා  ප්‍රේමලාල්ගේ ප්‍රයිම් රෙසිඩන්සීස් හි වගතුගද මේවන විට හෙළිවෙමින් පවතින බව පැවසේ.

අදාළ කාරණාව අද දෙරණ වාර්තා කර තිබූ අයුරු

Continue Reading

පුවත්

ගාල්ල බන්ධනාගාරය තුළට උඩින් ආ පාර්සලය

Published

on

By

ගාල්ල බන්ධනාගාරයේ ආරක්ෂිත පවුරට ආසන්නයේ පිහිටා ඇති මුර අට්ටාල දෙක අසලින් බන්ධනාගාරය තුළ පිහිටි මුළුතැන්ගෙය පිටුපස රැදවියන් ස්නානනය කරන ජල ටැංකි පිහිටි ස්ථානයට යම් පුද්ගලයෙකු විසින් පාර්සලක් විසි කර තිබේ.

එම පාර්සලය බන්ධනාගාර නිලදාරීන් විසින් අත්අඩංගුවට ගෙන ඇති අතර එහි තිබී මත්පැන් යැයි සැකකළ හැකි දියර සහිත බෝතල් 03ක්, දුරකථන චාජර් 01ක් සොයාගෙන ඇත.

අත්අඩංගුවට ගන්නා ලද ද්‍රව්‍ය ගාල්ල බන්ධනාගාර ජේලර්වරයෙකුගේ අධික්ෂණය යටතේ විනාශ කිරීමට කටයුතු කර තිබේ.

සිද්ධිය සම්බන්ධයෙන් ගාල්ල බන්ධනාගාරය විමර්ෂණයක් පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved