Connect with us

පුවත්

ඇමති ප්‍රසන්න පෝටර් කෙනෙකුට ගැහුව සිද්ධිය ගැන CCTV පරික්ෂාවට

Published

on

කටුනායක ගුවන්තොටුපළේ ගුවන් මගීන්ගේ ගමන් මලු ප්‍රවාහනය කරන පෝටර් වරයකුට කුඩා හා මධ්‍ය පරිමාණ ව්‍යවසාය සංවර්ධන රාජ්‍ය අමාත්‍ය ප්‍රසන්න රණවිර මහතා විසින් කනට පහරදීමේ සිද්ධිය සම්බන්ධයෙන් ආරක්ෂක අංශ CCTV පරික්ෂා කිරීමට සූදානම්වන බව වාර්තා වේ.

කෙසේවුවද, මේවන විට අමාත්‍යවරයා තමා පෝටර්වරයා‍ට කනේ පහරක් ගැසු බව පිළිගෙන තිබේ.

රාජ්‍ය අමාත්‍යවරයා ඉකුත් 14 වැනිදා අලුයම් කාලයේ සිය බිරිය සහ ඇමති ආරක්ෂකයින්ද සමඟ කටුනායක ගුවන් තොටුපොළට ගොස් ඇත්තේ බිරිඳ විදේශ ගත කිරීම සඳහා බව පැවසේ.

ගුවන් තොටුපළේ ප්‍රධාන දොරටුවෙන් රාජ්‍ය ඇමතිවරයා ගිනි අවි අතැති ආරක්ෂකයින් සමඟ ඇතුල් වීමට උත්සාහ කිරීමේදී එසේ ගිනි අවි සමඟ ඇතුල් වීමට ඉඩදිය නොහැකි බව ගුවන් තොටුපළ ආරක්ෂක නිලධාරීන් රාජ්‍යඇමතිවරයාට පවසා තිබේ.

එහිදී රාජ්‍ය අමාත්‍යවරයා ගුවන් තොටුපොල ආරක්ෂක නිලධාරීන්ට බැණ වැදී ඇති බවද පැවසේ. 

මේ අතර ඔහුගේ බිරිඳගේ ගමන් මලු රැගෙන ගිය පෝටර්වරයාට ප්‍රසන්න රණවීර මහතා පහරදීමක් සිදු කර තිබේ.

ඊට හේතු වී ඇති පෝටරවරයාට ගෙවිය යුතු වූ රුපියල් දහසක මුදල වෙනුවට ඔහු විසින් රුපියල් හත්සීයක මුදලක් ලබාදීම සම්බන්ධයෙන් පෝටර් සිය විරෝධය පළ කිරීම බවද කියැවේ. 

ගුවන් තොටුපළේ සේවා සපයන පෝටර්වරයකුට රුපියල් දහසක මුදලක් ගෙවිය යුතු බව දැන්වීම් පුවරු මගින් ප්‍රදර්ශනය කර ඇත.

රාජ්‍ය අමාත්‍යවරයා පෝටර්වරයා කම්මුල් පාරක් එල්ල කිරීමෙන් පසු ගුවන් තොටුපළ පරිශ්‍රයෙන් පිට වගොස් ඇත. 

පහර කෑ පෝටර්  ගුවන්තොටුපොල  පොලිසියට සිද්ධිය සම්බන්ධයෙන් පැමිණිලි කිරීමට ගොස් ඇත ඔහු කුරුණෑගල අලව්ව ප්‍රදේශයේ පදිංචිකරුවකු බවද පැවසේ.

මෙම සිදුවීම සම්බන්ධයෙන් රාජ්‍ය “අමාත්‍ය ප්‍රසන්න රණවීර මහතා පැවසුවේ මට ඒ වෙලාවේ කේන්ති ගියා. මම කතා කරලා ඔහුව පැත්තකට ඇදන් ගියා මම කනේ පාරක් ගැහුවා ඒක ඇත්ත”.

අදාළ පැමිණිල්ල  කිරීමට පොලිසියට ගිය පහර කෑ තැනැත්තාට පොලිසිය නිලධාරින් පවසා ඇත්තේ එම අවස්ථාවේ දී ස්ථානාධිපතිවරයා නොමැති බැවින් පසු දින ඇවිත් පැමිණිලි කරන ලෙසය.

එහෙත් කුමන හෝ හේතුවක් මත එම තැනැත්තා ඉන්පසුව පොලිසියට ගොස් නොමැති බවද වාර්තාවේ.

කෙසේවුවද, කට කතා පැතිර ඇත්තේ පොලිසි ගියහොත් අදාළ පහර කෑ තැන්තාගේ රැකියාව මාස 6කට නැති කරන බවට රාජ්‍ය අමාත්‍යවරයා කර ඇති තර්ජනයකට බියෙන් ඔහු පොලිසිය‍ට යාමෙන් වැලැකී ඇති බවයි.

ඉකුත් මැයි 09 වැනිදා සිද්ධියේදී ප්‍රසන්න රණවීර ඇමතිවරයාගේ නිවසද කලහකාරීන් විසින් ගිනිතබා තිබිණි.

පුවත්

නාඳුනන මළ සිරුරක් හමුවේ

Published

on

By

කයිට්ස් මඩත්තවේලි ප්‍රදේශයේ තිබී නාඳුනන පිරිමි පුද්ගලයෙකුගේ මළ සිරුරක් හමුව තිබේ.

පොලීසිය පැවසුවේ ඊයේ (14) සවස කයිට්ස් පොලීසියට ලද තොරතුරක් මත අදාළ විමර්ශන කටයුතු ආරම්භ කළ බවය.

මෘත ශරීරය සම්බන්ධයෙන් හදිසි මරණ පරීක්ෂණය සිදුකර ඇති අතර මෙතෙක් ඔහුගේ අනන්‍යතාවය තහවුරු කරගෙන නොමැත.

මෙම පුද්ගලයා අවුරුදු 45ත් 50 අතර උස අඩි 05යි අඟල් 02 ක් පමණ වන අයෙක් බව පොලීසිය පවසයි.

සිරුර යාපනය රෝහලේ තැන්පත් කර ඇති අතර කයිට්ස් පොලීසිය වැඩිදුර විමර්ශන සිදුකරයි

Continue Reading

පුවත්

කොළඹ වරායට පැමිණි නිර්වින්දන ඖෂධ බෙදාහැරීමට සැලසුම්

Published

on

By

කොළඹ වරායට රැගෙන ආ නිර්වින්දන ඖෂධ තොගය අද (15) දිනයේ බෙදාහැරීමට සැලසුම් කර ඇතැයි සෞඛ්‍ය අමාත්‍යාංශය පවසයි.

එහි වෛද්‍ය සැපයුම් අංශයේ අධ්‍යක්ෂ, නියෝජ්‍ය අධ්‍යක්ෂ ජනරාල් වෛද්‍ය ජි විජේසූරිය මහතා පැවසුවේ, එතෙක් පෞද්ගලික ආයතන වලින් අදාළ ඖෂධ මිලදී ගෙන සැත්කම් සිදුකරන්නැයි රෝහල් අධ්‍යක්ෂවරුන්ට උපදෙස් දුන් බවය.

ජාතික රෝහලේ ශල්‍යාගාරවල නිර්වින්දන ඹෟෂධ හිඟයක් පවතින බවද වාර්තා වේ.

ජාතික රෝහලේ ආරංචි මාර්ග සඳහන් කළේ, ඒ හේතුවෙන් සැත්කම් අවලංගු කිරීමට සිදුව ඇති බවයි.

Continue Reading

පුවත්

ජනපතිට වසරක දිගුවක් !

Published

on

By

ජනමත විචාරයකින් තොරව පාර්ලිමේන්තුවේ තුනෙන් දෙකක බහුතරයකින් ජනාධිපති ධූර කාලය දීර්ඝ කර ගැනීමේ හැකියාව පිළිබඳව මේ වන විට සාකච්ඡා වෙමින් පවතින බව “මවුබිම” පුවත්පත වාර්තා කර තිබේ.

මේවන විට මේ පිළිබඳව නීති ක්ෂේත්‍රයේ විශාදයින්ගේ මතය විමසීමට ජනපතිවරයාට හිතවත් පාර්ශව කටයුතු කර ඇති බවත්, ඔවුන්ගේ මතය වී ඇත්තේ ජනපතිවරයාගේ ධූර කාලය මේ අයුරින් වසර 5 සිට 6 දීර්ඝ කිරීමට අවස්ථාවක් ඇති බව යැයි එම පුවත්පත වැඩිදුරටත් වාර්තා කර ඇත.

2015 ආණ්ඩුක්‍රම ව්‍යවස්ථාවේ 19 වැනි සංශෝධනයෙන් ජනපතිවරයාගේ වසර 6ක්ව පැවැති ධූර කාලය වසර 5ක් දක්වා ඒ අවස්ථාවේ අඩුකාලා සේම, පාර්ලිමේන්තුවේ 2/3 බහුතරයකින් ධූර කාලය වසර 5 සිට 6 දක්වා දීර්ඝ කර ගැනීමට හැකියාව පවතින බව ජැමෙයිකා තාක්ෂණ විශ්ව විද්‍යාලයේ හිටපු මහාචාර්ය නීතීඥ ප්‍රතිභා මහානාම මහතා සදහන් කරන බවද පැවසේ.

ඒ අවස්ථාවේ ජනමත විචාරණයක් නොපැවැත්වුණ බවද ඔහු කියා සිටී.

78 ආණ්ඩුක්‍රම ව්‍යවස්ථාවට අනුව 83(ආ) ව්‍යවස්ථාවේ ඇත්තේ ජනාධිපතිවරයාගේ ධූර කාලය හා පාර්ලිමේන්තුවේ ධූර කාලය සය අවුරුද්දක් ඉක්මවා දීඝ කරන්නා වූ පනත් කෙටුම්පතක් පාර්ලිමේන්තුවේ 2/3කින් සහ ජනමත විචාරණයකින් සම්මත විය යුතු බවයි.

යම් හෙයකින් ජනපතිවරයාට 2/3ක බහුතරයක් නැතිවුවහොත් ජාතික වැදගත්කමින් යුත් කාරණයක් ලෙස ජනමත විචාඑණයකින් සම්මත කර ගැනීමට හැකියාව පවතින බවද පැවසේ.

Continue Reading

Trending

Copyright © 2023 Sri Lanka Mirror. All Rights Reserved