Connect with us

පුවත්

ඉන්දීය වීසා කාර්යාලය බින්ඳේ ඇතුළෙම කතක්!

Published

on

ඉන්දියානු මහ කොමසාරිස් කාර්යාලයට අනුබද්ධ තුම්මුල්ල පිලිප් ගුණවර්ධන මාවතේ පිහිටි වීසා මධ්‍යස්ථානයට හොර රහසේ ඇතුලු වී එහි තිබු ලැප්ටොප්  පරිගණකයක්, සහ  සී සී ටී වී කැමරාවේ  දත්ත  පටිගත වන ඩී වී ආර් යන්ත්‍රයන්, කැමරාවක් සොරා ගැනීමේ සිද්ධිය සම්බන්ධයෙන් කාන්තාවක් ඇතුලු සැකකරුවන් පස් දෙනකු ඊයේ (21) පස්වරුවේ අත්අඩංගුවට ගෙන තිබේ.

සැකකාරිය එම කාර්යාලයේ තේ සෑදීම හා ශූද්ධ පවිත්‍ර කටයුතු වල නිරත (63) හැවිරිදි  කම්කරු කාන්තාවක්  බව පොලිසිය පවසයි.

මෙම  කාර්යාලයේ දිනකට රුපියල් ලක්ෂ 30- 40 ක මුදලක් එක්රැස් වන බවත්, ඒවා සේප්පුවේ  තබා ඇති බවට ඉහත   සැකකාරිය ඇගේ (54) හැවිරිදි අනියම් පෙම්වතාට  කළ දැනුම් දීමකට අනුව එම සැකකරු  ගේ දැනුමී දී ම මත  ඔහුගේ  මිතුරකු  මෙම සොරකම සිදුකර ඇති බවද පොලිසිය කියයි.

සැකකාරියගේ අනියම් සැමියාගේ මිතුරා  තවත්  සැකකරුවන් තිදෙනකු සමග ඉකුත් ඉකුත් (14) අලුයම ත්‍රිරෝද රථයකින් මෙම කාර්යාලට පැමිණ  ඇති අතර, එක් සැකකරුවෙක් අවට   ඔත්තු බලමින් සිටියදි සැකකරුවන් දෙදෙනකු    එහි ජනේලයකින්   කාර්යාලය වෙත ඇතුලු වී ඇති බව පොලිසිය කියයි.

 සැකකරුවන් මුදල් සොයා  එහි තෙමහල් ගොඩනැගිල්ලේ සැරිසරමින්    ඇති බවත්, එහි සේප්පුව ඔවුනට විවෘත කර ගැනීමට නොහැකි වීම නිසා   ප්‍රධාන නිලධාරිණ’යගේ ලැප්ටොල් පරිගනකය සහ සී සී ටී වී කැමරා උපකරණ  (ඩී වී ආර් ) ගලවාගෙන පලාගොස් ඇත.

මේ සම්බන්ධයෙන් පොලිසිය එම මාර්ගයේ සී සී ටී වී කැමරා 100 ක් පමණ පරික්ෂා කර සැකකරුවන් සම්බන්ධයෙන් තොරතුරු හෙළිකරගෙන කිරුළපන ප්‍රදේශයේ එක් සැකකරුවෙක් අත්අඩංගුවට ගෙන ඇත.

ඔහුගෙන් හෙළි වු තොරතුරු අනුව සෙසු සැකකරුවන් තිදෙනා හා සැකකාරිය අත්අඩංගුවට ගත් බව පොලිසිය කියයි.

කාර්යාලයේ තිබී සොරාගත් ලැප්ටොප් පරිගනක යන්ත්‍රය සහ කැමරාව සැකකරුවන් දෙදෙනකුගේ නිවෙස් වල තිබී පොලිසිය සොයාගෙන ඇති අතර, ඩී වී ආර් යන්ත්‍රය  කිරුළපන ප්‍රදේශයේ ඇලකට දමා තිබියදි පොලිසිය සොයාගෙන ඇත.

සැකකරුවන් සහ සැකකාරිය කිරුළපන හා වැල්ලවත්ත අවට ප්‍රදේශ වල පදිංචිකරුවන් බවද පොලිසිය පවසයි.

මෙම සොරකම හේතුවෙන් ඉකුත් (15) වැනි දින සිට වීසා මධ්‍යස්ථානය  දින 5 ක් පුරා වසා දමා  තිබු අතර, පසුගිය 20 වැනිදා එය යළි විවෘත කර තිබුණි.

සබැඳි පුවත්:

ඉන්දීය වීසා කාර්යාලට හොරු පැනලා; කන්ට්‍රි මැනේජර්ගේ ලැප්එක උස්සලා

පුවත්

“මොන ඡන්දය තිබ්බත් රනිල් පරදින බව රංගේ නිලවශයෙන් පිළිගත්තා” (වීඩියෝ)

Published

on

By

ඉදිරියේ එන ඕනෑම ඡන්දයකදී ජනාධිපති රනිල් වික්‍රමසිංහත්, එක්සත් ජාතික පක්ෂයත් පරදින බව රංගෙ බණ්ඩාර නිලවශයෙන් පිළිගෙන අවසන් බවත් ඉදිරි ඡන්ද කල් දැමීමට රනිල් වික්‍රමසිංහට මහතාට නොහැකි බවත් ජාතික ජන බලවේගයේ ජාතික විධායක සභික වෛද්‍ය නලින්ද ජයතිස්ස මහතා කියයි.

ඔහු මේ බව කියා සිටියේ තව අවුරුදු දෙක්ක රනිල් වික්‍රමසිංහට බලයේ සිටීමට ඉඩ දී මැතිවරන කල් දැමිය යුතු බවට එක්සත් ජාතික පක්ෂ මහ ලේකම් පාලිත රංගෙ බණ්ඩාර මහතා කළ ප්‍රකාශයක් සම්බන්ධයෙන් ප්‍රතිචාර දකවමිණි.

එහිදී වැඩිදුරටත් අදහස් දක්වන ජාතික ජන බලවේගයේ ජාතික විධායක සභික වෛද්‍ය නලින්ද ජයතිස්ස,

“එක්සත් ජාතික පක්ෂයට සම්බන්ධ යම් යම් කණ්ඩායම් තැන් තැන්වල ඡන්දයක් නොතියා මේ ජනාධිපතිට තව බලය දෙමු, තව අවුරුදු දෙක්ක රනිල් වික්‍රමසිංහට ඉන්න දෙමු වගේ කතන්දර කියන්න පටන් අරගෙන තියෙනවා. ඒවා පහුගිය දවස්වල අපි කිසිදු තඹේකටවත් ගණන් ගත්තේ නැහැ, තැකීමක් කරේ නැහැ, මොකද එවැනි කතා කිසිදු වගතුවක් නැහැ, වගවීමක් නැහැ ඒව ගණන් ගන්න ඕන නැහැ.

නමුත් ජනාධිපතිවරයා නියෝජනය කරන පක්ෂයේ මහලේකම්වරයා වන රංගේ බණ්ඩාර ප්‍රකාශයක් කරලා තියෙනවා ජනාධිපතිවරණය තියෙන්නෙත් නැතුව මහ මැතිවරණය තියන්නෙත් නැතුව අවුරුදු දෙකක් මේ ජනාධිපතිටයි ආණ්ඩුවටයි යන්න දෙන්නය, ඒක එහෙම යන්න දෙන්න ජනමත විචාරණයක් අවශ්‍යනම් ඒක තියමු කියලා. ඒකත් අනිවාර්යයෙන් තියන්න ඕන කියලා නැහැ. ජනාධිපතිවරයාගේ පක්ෂයේ මහ ලේකම්වරයා වන රංගෙ බණ්ඩාර පිළිගන්නවා නිල වශයෙන්ම, ජනාධිපතිවරණයක් හෝ වේවා මහ මැතිවරණයක් වේවා කවර ඡන්දයක් තිබ්බත් එක්සත් ජාතික පක්ෂය රනිල් වික්‍රසිංහ පරාදයි කියන එක පිළි අරගෙන තියෙනවා. ඔවුන් ඒක ප්‍රසිද්ධියේම පිළි අරගෙන තියෙනවා.

නමුත් ප්‍රශ්නෙ තියෙන්නේ රංගෙ බණ්ඩාර ඇතුළු එක්සත් ජාතික පක්ෂය පරාජයට පත්වෙනවයි කියලා මේ රටේ ජනතාවගේ අයිතිය පරමාධිපත්‍ය බලය උල්ලංඝණය කරන්න, ප්‍රකාශ කරන්න අයිතියක් නැහැ. මේක බරපතල ප්‍රකාශයක් හැටියට අපි සළකනවා. රංගෙ බණ්ඩාරලට මෙවැනි ආකාරයේ කුමන්ත්‍රණ කරන්න හිතන්නවත් අවස්ථාවක් අයිතියක් මේ රටේ ජනතාව දීල නැහැ. එමනිසා ජනාධිපතිවරණය නොපවත්වා ජනාධිපතිවරණයෙන් පස්සේ එළඹීමට නියමිත මහ මැතිවරණය නොපවත්වා තමන්ගේ බලය ඉදිරියට අරගෙන යන්න රනිල් වික්‍රමසිංහගේ උපදෙස් මත රංගෙ බණ්ඩාරලා ක්‍රියා කරනවානම්, කල්පනා කරනවානම් ඒකට මේ රටේ ජනතාව දෙන්න ඕන පිළිතුර ක්ෂණිකව ලබාදේවි.”

Continue Reading

පුවත්

සෞඛ්‍ය ඇමති හා සෞඛ්‍ය ක්ෂේත්‍රයේ පුටු පෙරළියක්!

Published

on

By

ඉදිරි සතිවලදී සෞඛ්‍ය අමාත්‍යාංශයේ ඉහළ තනතුරු රැසක වෙනස්කම් සිදුවිය හැකි බව වාර්තා වේ.

ඒ අනුව දැනට ආන්දෝලනයට ලක්ව ඇති ඖෂධ සැපයුම් ඒකකය, ඖෂධ නියාමන අධිකාරිය, රාජ්‍ය ඖෂධ සංස්ථාව, වෛද්‍ය පර්යේෂණ ආයතනය මෙන්ම රාජ්‍ය ඖෂධ නීතිගත සංස්ථාව ආදි ආයතනයන්හී ඉහළ තනතුරු රැසක් වෙනස්වීමට නියමිතව ඇතැයි පැවසේ.

පසුගිය කාලය පුරාවට සෞඛ්‍ය අමාත්‍යාංශය සතුව ඇති අදාල ආයතනවල ඇතිවූ වංචා දූශණ සහ අක්‍රමිකතා හේතුවෙන් මෙන්ම බාල ඖෂධ ගෙන්වීම ඇතුලු විවිද අක්‍රමිකතා හේතුවෙන් අදාල තනතුරු වෙනස් කරන ලෙස බොහෝ පාර්ශවයන් රජයෙන් ඉල්ලා ඇතැයි ද පැවසේ.

මේ අතර ඇතැම් වාර්තාවල දැක්වෙන්නේ මෙම තනතුරුවලට අමතරව සෞඛ්‍ය අමාත්‍යවරයාගේද වෙනසක් සිදුවිය හැකි බවත් එසේ වෙනසක් සිදුවුවහොත් එම අමාත්‍යධූරය සඳහා පසුගිය සමයේ බොහෝ සෙයින් කතා බහට ලක්වූ විපක්ෂ මන්ත්‍රීවරයෙකු අර්බුදයට ලක්ව ඇති සෞඛ්‍ය සේවය නගා සිටුවීම සඳහා එම අමාත්‍යධූරය ලබා ගැනීමට කැමැත්ත පළ කර ඇති බවත් පැවසේ.

මූලාශ්‍රය – මොණරා

Continue Reading

පුවත්

ලියනගේ මුල්ලේදී කතක් අභිරහස් ලෙස මරාදාලා!

Published

on

By

රාත්‍රී සමාජ ශාලාවක ඇති වූ ගැටළුවක් මුල් කර ගනිමින් හට ගත් ආරවුලක් දුර දිග යාමෙන් කටුනායක නිදහස් වෙළෙඳ කළාපයේ සේවයේ නියුතු සේවිකාවක අද (28) දින අලුයම සීදුව ලියනගෙමුල්ල ප්‍රදේශයේ දී මරා දමා තිබේ.

36 හැවිරිදි එක් දරු මවක වන බටහිර බටුවත්ත නෙළුව, ගාල්ල යන ලිපිනයෙහි පදිංචි උස්ගොඩ මානගේ තිසාරා මධුවන්ති නැමැති කාන්තාව මෙසේ මරා දමා තිබේ.

ඇය මීට වසර 06 කට පමණ පෙර කටුනායක නිදහස් වෙළෙඳ කළාපයේ සේවය සදහා පැමිණ තිබූ අතර පසුව ඇය සීදුව සංචාරක හෝටලයක සේවය කරන පුද්ගලයෙකු සමග සීදුව , ලියනගෙමුල්ල , ජූඩ් මාවත ප්‍රදේශයේ නේවාසිකාගාරයක තාවකාලිකව පදිංචි වී සිට තිබේ.

ඇය රාත්‍රී සමාජ ශාලාවක සිදු වූ සිදු වීමක් මුල් කර ගෙන මෙම පුද්ගලයා සමග ආරවුලක් ඇති කර ගෙන ඇති අතර අද (28) දින අලුයම 02.00 ත් 03.00 ත් අතර කාළයේ ඇය සහ එම පුද්ගලයා සාන්ත සෙබස්තියන් දේවස්ථානයේ ඉදිරිපිටින් ගමන් කරන ආරක්ෂිත කැමරා දර්ශන සීදුව පොලිසිය විසින් සොයා ගෙන තිබේ.

ඒ අනුව මෙම දේවස්ථානය ඉදිරිපිට මාර්ගය අසළ දරුණු කැපුම් තුවාල සහිතව ඇය මරා දමා තිබුණි.

මීගමුව වැඩබලන මහේස්ත්‍රාත් ඉන්දික සිල්වා මෙම ස්ථානයට පැමිණ ස්ථානීය පරීක්ෂාව සිදු කළ අතර ඇයගේ සිරුර අධිකරණ වෛද්‍ය පරීක්ෂණය සදහා මීගමුව මහ රෝහල වෙත යොමු කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved