Connect with us

පුවත්

කරුංකා ප්‍රති අපනයට පර්මිට් ඉල්ලූ 5කට කුඩම්මාගේ සැලැකිළි; එකක් කැබිනට් මණ්ඩලයට

Published

on

අගය වැඩිකර කරුංකා ප්‍රති අපනයනය කිරීම සඳහා අනුමැතිය ලබා ගැනීමට මාස ගණනක කාලයක සිට සමාගම් 5ක් උත්සහ ගිනිමින් සිටියද ඒ සඳහා පොල් පර්යේෂණ මණ්ඩලය, අපනයන කෘෂිකර්මම දෙපාර්තමේන්තුව හා ජාතික ශාඛ නිරෝධායන ආයතනයේ මන්ද ගාමී බව නිසා එය මෙතෙක් ක්‍රියාවට නැංවී නැතැයි වාර්තා වේ.

මේ අනුව මසකට රුපියල් මිලියන 120ක පමණ ආදායමක් රටට අහිමිවන තත්ත්වයක් මතුව ඇති බවද පැවසේ.

එන්.එස්.එස්. ග්ලෝබල් ට්‍රේඩිං පුද්ගලික සමාගම, බේ ලංකා එක්ස් චේන්ජ් පුද්ගලික සමාගම,  වයඹ ඇග්‍රා් ප්‍රොසෙසිං පුද්ගලික සමාගම, වයි.ටී.එස්. ඉන්ටර්නැෂනල් පුද්ගලික සමාගම හා ක්‍රෝක්‍රොප් පුද්ගලික සමාගම යන සමාගම් මේවන විට මේ අපනයන සිදු කිරීමට මාස 9ක පමණ කාලයක සිට බන්ධිත ගුදම් කුළියට ලබාගෙන ලක ලැහැස්ති වී සිටින බව පැවසේ.

ඒ අතර, මෙසේ අයැදුම්පත් ඉදිරිපත් කර තිබූ එක් ආයතනයක් වන ප්‍රයිම් ස්ටාර් ට්‍රේඩිං පුද්ගලික සමාගමට වසරක කාලයක් සඳහා කරුංකා ප්‍රති අපනයනය කිරීමට අවසර ලබාදීමට මේවන විට කැබිනට් පත්‍රිකාවක් ඉදිරිපත් කර ඇති බවද මේ අතර ශ්‍රී ලංකා මිරර් වෙත වාර්තා වේ.

මුදල් අමාත්‍යංශ ආරංචි මාර්ග අනුව ‍අගය වැඩිකර කරුංකා ප්‍රති අපනයන කටයුතු කිරීම සම්බන්ධයෙන් ජනාධිපති රනිල් වික්‍රමසිංහ මහතා මුදල් අමාත්‍යවරයා ලෙස මේවන විට කැබිනට් පත්‍රිකා තුනක් ඉදිරිපත් කර ඇති බව පැවසේ.

ඔහු මෙසේ කරුංකා ප්‍රති අපනයනය උනන්දු කිරීමට හේතුවී ඇත්තේ ඉන්දියා හා ශ්‍රී ලංකාව අතර පවතින නිදහස් වෙළඳ ගිවිසුමට අනුව ඉන්දියාව ශ්‍රී ලංකාවට භාණ්ඩ තුන්දහසකට ආසන්න ප්‍රමානක් ලංකාවට ආනයනය කළද ලංකාව ඉන්දියාවට ප්‍රති අපනයනය කරනු ලබන්නේ භාණ්ඩ තුන්සීයකට ආසන්න ප්‍රමාණයක් වීම නිසාය.

කරුංකා ගයය වැඩිකර ප්‍රති අපනයනය කිරීම සඳහා ඉන්දුනීසියාව, තායිලන්තය හා මියන්මාරය යන රටවලින් ආනයනය කිරීමට නියමිත අතර ඒවා මෙහිදී බන්ධිත ගුදම්තුළ 35%ක අගය වැඩි කිරීමක් සිදු කර ඉන්දියාවට ප්‍රති අපනයනය කිරීම සඳහා අදාළ සමාගම් අයැදුම්පත් ඉදිරිපත් කර තිබේ.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved