Connect with us

පුවත්

කළුතර දැරිය දූෂණ කර නැහැ: “මාව රැවැට්ටුවා කියා ජනේලයෙන් පැන්නා”

Published

on

දැරියට ආ දුරකථන ඇමතුමක් සමග ‘මම ආවේ ඔයාලව විශ්වාස කරලයි. මාව රැවට්ටුවා. මම දැන් මොනවද කරන්නේ’ යැයි කියමින් දැරිය කාමරයේ ජනේලය අසලට ගොස් පුටුවක් තබා ජනේලයට   ජනේලයෙන් ඒළියට පැන්නා. ඒ සිදුවීමට බය වෙලා මමත් හෝටලයෙන් පැනලා ගියා’’ යැයි  යැයි කළුතර ප්‍රදේශයේ පස් මහල් හෝටලයක තුන්වැනි මහලේ කාමරයකින් වැටී අභිරහස් ලෙස මියගිය 16 හැවිරිදි දැරියගේ මරණයට සම්බන්ධ ප්‍රධාන සැකකරු කළුතර දකුණ පොලිසිය හමුවේ පාපොච්ඡාරණය කර තිබේ.

මෙම දැරියගේ පශ්චාත් මරණ පරීක්ෂණය පසුගිය 07 වැනිදා කළුතර රෝහල් මෘත ශරීරාගාරයේදී පැවැති අතර එහිදී අධිකරණ වෛද්‍ය නිලධාරිවරයා විවෘත තීන්දුවක් ලබාදෙමින් ශරීර කොටස් රජයේ රස පරීක්ෂකවරයා වෙත යැවීමට නිර්දේශ කර තිබේ.

එසේම මේ සිසුවියගේ මරණය සිදූවූ මොහොතේ ඇය දූෂණයට ලක්ව නොමැති බවද අධිකරණ වෛද්‍ය වාර්තාවේ සඳහන් කර ඇත.

කෙසේවුවද, සිසුවියගේ ශරීරයේ දත් පහරවල් හා සීරීම් තුවාල ද දක්නට ඇති බවද සදහන්කර ඇත.

පබසරා නමැති ඇගේ යෙහෙළිය සහ ඇයගේ පෙම්වතා වන ඉහාන් විසින් මෙම සිසුවිය ගෙන්වාගෙන ඇත්තේ ඇය මුදලට අලෙවි කිරීමට බව මූලික විමර්ශන මගින් තහවුරු කරගෙන ඇතැයි මාධ්‍ය වාර්තා කර තිබේ.

ඇය නන්නාඳුනන පුද්ගලයකු හා කාමරයේ නවතා ඇය තවත් පුද්ගලයකුට විනෝදය සඳහා රඳවා යෑමට පෙළඹවීම පබසරා නමැත්තිය විසින් සිදුකර ඇති බවත් සම්බන්ධීකරණය ඇයගේ පෙම්වතා විසින් සිදුකර ඇති බවටත් මේවන විට තොරතුරු හෙළිව ඇතැයි වාර්තා වේ.

සැකකරු වැඩිදුරටත් මෙසේද පාපොච්චාරණය කර ඇත.

‘‘මම ඉහාන්ව කලක සිට හඳුනනවා. ඔහු මගෙන් මුදල් ගණුදෙනු කරගෙන තිබෙනවා. ඉහාන්ගේ මාමාගේ මෝටර් රථ ගනුදෙනුවකින් තමයි මම එයා හඳුන ගත්තේ. අපි නිතර නිතර හමුවෙනවා. ඉහාන් 06 වැනිදා මගේ මෝටර් රථයෙන් කළුතර නගරයට ආවා. දහවල් රෙස්ටුරන්ට් එකකින් කෑම කෑවා. සවස ඉහාන් එයාගෙ පෙම්වතිය හා දැරිය සමග ආවා. මීට කලින් මම විහාරව දැක තිබුණේ නැහැ. එදා තමයි මුලින්ම දැක්කේ. ඉහාන් කලින්ම හෝටලයේ කාමර බුක් කරගෙන තිබුණා. අපි හතර දෙනා මගේ මෝටර් රථයෙන්ම හෝටලයට ගියා. අපි එහිදී මත්පැන් පානය කළා. පස්සේ ඒ දෙන්නා අනිත් කාමරයට ගියා. විහාරයි, මමයි එක කාමරයේ හිටියා. මම එයාව බාහිරව ආශ්‍රය කළා. නමුත් දූෂණය කළේ නැහැ. එයා ඇඳුම් ගලවලයි හිටියේ. ඒ වෙලාවෙදී එයා බීලා හිටියෙත් පාලයෙන් තොරව. මේ වෙලාවෙදී එයාට දුරකතන ඇමතුම් දෙකක් ආවා.”

මේ අතර, දැරියගේ අවසන් කටයුතු කළුතර, ඇටවිල පොදු සුසාන භූමියේදී ඊයේ (09)  සිදුවිය.

සබැදි පුවත්

කළුතර දැරිය මැරූ සීසර් ට විවාහ දෙකක්!

කළුතර සිසුවියගේ සිරුරේ දත් පහරවල්; සැකකරු තවම නිදැල්​ලේ

කළුතර පාසල් සිසුවිය මැරුවේ සීසර් කෙනෙක්!

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved