පුවත්
“ක්ෂේත්ර 4ක් ඔස්සේ ඉන්දු – ලංකා සබඳතා දියුණු කරන්න අපේක්ෂා කරනවා”
ආහාර සුරක්ෂිතතාව, බලශක්ති සුරක්ෂිතතාව, මූල්ය සහයෝගිතාව සහ දිගු කාලීන ආයෝජන යන අංශ හතර ඔස්සේ තවදුරටත් ඉන්දු – ශ්රී ලංකා සබඳතාව ශක්තිමත් කිරීමට අපේක්ෂා කරන බව මෙරට ඉන්දීය මහකොමසාරිස් ගෝපාල් බාග්ලේ මහතා අද (23) පාර්ලිමේන්තුවේදී පැවසීය.
කථානායක මහින්ද යාපා අබේවර්ධන මහතාගේ ප්රධානත්වයෙන් අද (23) පාර්ලිමේන්තුවේදී පැවති ශ්රී ලංකා ඉන්දීය පාර්ලිමේන්තු මිත්රත්ව සංගමයේ රැස්වීමක් ආමන්ත්රණය කරමින් මහකොමසාරිස්වරයා මේබව පැවසීය.
ශ්රී ලංකා ඉන්දීය පාර්ලිමේන්තු මිත්රත්ව සංගමය හරහා හුවමාරු වැඩසටහන් ක්රියාත්මක කිරීම ඔස්සේ
දෙරට අතර සබඳතා තරකර ගැනීමේ වැදගත්කම පිළිබදව පෙන්වා දුන් කථානායකවරයා ඉන්දියාව ලබාදෙන සහය පිළිබද සිය කෘතවේදීත්වය පළ කළේය.
මෙහිදී ඉන්දීය විදේශ අමාත්ය – ආචාර්ය එස්. ජයශංකර් මහතා වීඩියෝ පණිවිඩයක් මගින් දැනුම් දුන්නේ මෙරට සංවර්ධන කටයුතු සදහා ඉන්දියාව තවදුරටත් සහය දක්වන බවයි.
ශ්රී ලංකා ඉන්දීය පාර්ලිමේන්තු මිත්රත්ව සංගමයේ ලේකම් පාර්ලිමේන්තු මන්ත්රී අනුර ප්රියදර්ශන යාපා මහතා ඇතුළු සාමාජික මන්ත්රීවරු, අමාත්යවරු, පාර්ලිමේන්තු මන්ත්රීවරු ඇතුළු පිරිසක් ද පාර්ලිමේන්තුවේ මහලේකම් කුෂානි රෝහණදීර මහත්මිය ද මෙම අවස්ථාවට එක්ව සිටියහ.
රමිත් රඹුක්වැල්ලට අයත් නිවාස දෙකක් පරිහරණය තහනම් කරමින් අධිකරණ නියෝගයක්
රජයේ සියලු පාසල් හෙට නිවාඩු
