Connect with us

පුවත්

“කුඩු ජයනි’’  අත්අඩංගුවට

Published

on

දැනට බන්ධනාගාරගතව සිටින කුඩු ජනිත් නැමැත්තකු විසින් මෙහෙයවනු ලබන මහාපරිමාණ මත්කුඩු ජාවාරමේ නිරතවන කොරළවැල්ලේ ‘කුඩු ජයනි‘ සහ ඇගේ ප්‍රධාන ගෝලයෙක් ලක්ෂ දහයකට අධික අයිස් මත්ද්‍රව්‍ය සමග කොරළවැල්ල ප්‍රදේශයේදී වලාන මධ්‍යම දූෂණ ප්‍රහාරක බළකාය විසින් අත්අඩංගුවට ගනු ලැබූහ.

සැකකාරිය විසින් මොරටුව, මෝදර, කොරළවැල්ල හා ලුනාව යන ප්‍රදේශවල ජයටම මත්ද්‍රව්‍ය ජාවාරම සිදුකර ඇති අතර සැකකාරිය අත්අඩංගුවට ගන්නා අවස්ථාවේදී අයිස්  ග්‍රෑම් 50 ක් සහ මිලිග්‍රෑම් 720ක් වලාන නිලධාරීන් විසින් සොයාගෙන තිබේ.

සැකකාරියගේ ප්‍රධාන ගෝලයා සන්තකයේ තිබී අයිස් මිලිග්‍රෑම් 3520ක් ද වලාන නිලධාරීහු අත්අඩංගුවට ගත්හ.

අත්අඩංගුවට ගත් කුඩු ජයනිගේ සැමියා සහ සහෝදරයින් තිදෙනකු ද මත්ද්‍රව්‍ය ජාවාරම සම්බන්ධයෙන් දැනට මහර සහ මැගසින් බන්ධනාගරගතව සිටින බවට තොරතුරු අනාවරණයවී තිබේ.

දැනට මහර බන්ධනාගාරයේ සිටින මත්ද්‍රව්‍ය සම්බන්ධයෙන් චෝදනා ලැබූ රැදවියකු විසින් බන්ධනාගාරය තුළ සිට කුඩු ජයනි නැමැත්තියට මත්ද්‍රව්‍ය ලබාදෙන බව ද අනාවරණයවී ඇත.

අත්අඩංගුවට ගත් සැකකාරිය සහ සැකකරු අධිකරණයට ඉදිරිපත් කිරීමෙන් අනතුරුව රැදවුම් නියෝග මත වැඩිදුර විමර්ශන සිදුකිරීම සදහා එගොඩ උයන සහ මොරටුව යන පොලිසිවලට බාර දී ඇති බව වලාන මධ්‍යම දූෂණ මර්දන ප්‍රහාරක බළකාය පවසයි.

වලාන මධ්‍යම දූෂණ මර්දන ප්‍රහාරක බළකායේ අධ්‍යක්ෂ පොලිස් අධිකාරී සමන්තිලක වැලිවිට මහතාගේ නියෝග පරිදි ස්ථානාධිපති ප්‍රධාන පොලිස් පරීක්ෂක ඉන්දික වීරසිංහ මහතාගේ මෙහෙයවීම මත උප පොලිස් පරීක්ෂක ජයවීර, පොලිස් සැරයන් 51068 පුෂ්පකුමාර, කාන්තා පොලිසි සැරයන් 3684 නයෝමි, පොලිස් කොස්තාපල්වරුවන් ව 87119 අමිල, 104327 දිල්ශාන්, 104644 තිලකරත්න, 105086 කේසුමාරන්, පොලිස් සැරයන් රියැදුරු 6462 බණ්ඩාර යන නිලධාරීහු මෙම වැටලීම සිදුකළහ.

පුවත්

නාඳුනන මළ සිරුරක් හමුවේ

Published

on

By

කයිට්ස් මඩත්තවේලි ප්‍රදේශයේ තිබී නාඳුනන පිරිමි පුද්ගලයෙකුගේ මළ සිරුරක් හමුව තිබේ.

පොලීසිය පැවසුවේ ඊයේ (14) සවස කයිට්ස් පොලීසියට ලද තොරතුරක් මත අදාළ විමර්ශන කටයුතු ආරම්භ කළ බවය.

මෘත ශරීරය සම්බන්ධයෙන් හදිසි මරණ පරීක්ෂණය සිදුකර ඇති අතර මෙතෙක් ඔහුගේ අනන්‍යතාවය තහවුරු කරගෙන නොමැත.

මෙම පුද්ගලයා අවුරුදු 45ත් 50 අතර උස අඩි 05යි අඟල් 02 ක් පමණ වන අයෙක් බව පොලීසිය පවසයි.

සිරුර යාපනය රෝහලේ තැන්පත් කර ඇති අතර කයිට්ස් පොලීසිය වැඩිදුර විමර්ශන සිදුකරයි

Continue Reading

පුවත්

කොළඹ වරායට පැමිණි නිර්වින්දන ඖෂධ බෙදාහැරීමට සැලසුම්

Published

on

By

කොළඹ වරායට රැගෙන ආ නිර්වින්දන ඖෂධ තොගය අද (15) දිනයේ බෙදාහැරීමට සැලසුම් කර ඇතැයි සෞඛ්‍ය අමාත්‍යාංශය පවසයි.

එහි වෛද්‍ය සැපයුම් අංශයේ අධ්‍යක්ෂ, නියෝජ්‍ය අධ්‍යක්ෂ ජනරාල් වෛද්‍ය ජි විජේසූරිය මහතා පැවසුවේ, එතෙක් පෞද්ගලික ආයතන වලින් අදාළ ඖෂධ මිලදී ගෙන සැත්කම් සිදුකරන්නැයි රෝහල් අධ්‍යක්ෂවරුන්ට උපදෙස් දුන් බවය.

ජාතික රෝහලේ ශල්‍යාගාරවල නිර්වින්දන ඹෟෂධ හිඟයක් පවතින බවද වාර්තා වේ.

ජාතික රෝහලේ ආරංචි මාර්ග සඳහන් කළේ, ඒ හේතුවෙන් සැත්කම් අවලංගු කිරීමට සිදුව ඇති බවයි.

Continue Reading

පුවත්

ජනපතිට වසරක දිගුවක් !

Published

on

By

ජනමත විචාරයකින් තොරව පාර්ලිමේන්තුවේ තුනෙන් දෙකක බහුතරයකින් ජනාධිපති ධූර කාලය දීර්ඝ කර ගැනීමේ හැකියාව පිළිබඳව මේ වන විට සාකච්ඡා වෙමින් පවතින බව “මවුබිම” පුවත්පත වාර්තා කර තිබේ.

මේවන විට මේ පිළිබඳව නීති ක්ෂේත්‍රයේ විශාදයින්ගේ මතය විමසීමට ජනපතිවරයාට හිතවත් පාර්ශව කටයුතු කර ඇති බවත්, ඔවුන්ගේ මතය වී ඇත්තේ ජනපතිවරයාගේ ධූර කාලය මේ අයුරින් වසර 5 සිට 6 දීර්ඝ කිරීමට අවස්ථාවක් ඇති බව යැයි එම පුවත්පත වැඩිදුරටත් වාර්තා කර ඇත.

2015 ආණ්ඩුක්‍රම ව්‍යවස්ථාවේ 19 වැනි සංශෝධනයෙන් ජනපතිවරයාගේ වසර 6ක්ව පැවැති ධූර කාලය වසර 5ක් දක්වා ඒ අවස්ථාවේ අඩුකාලා සේම, පාර්ලිමේන්තුවේ 2/3 බහුතරයකින් ධූර කාලය වසර 5 සිට 6 දක්වා දීර්ඝ කර ගැනීමට හැකියාව පවතින බව ජැමෙයිකා තාක්ෂණ විශ්ව විද්‍යාලයේ හිටපු මහාචාර්ය නීතීඥ ප්‍රතිභා මහානාම මහතා සදහන් කරන බවද පැවසේ.

ඒ අවස්ථාවේ ජනමත විචාරණයක් නොපැවැත්වුණ බවද ඔහු කියා සිටී.

78 ආණ්ඩුක්‍රම ව්‍යවස්ථාවට අනුව 83(ආ) ව්‍යවස්ථාවේ ඇත්තේ ජනාධිපතිවරයාගේ ධූර කාලය හා පාර්ලිමේන්තුවේ ධූර කාලය සය අවුරුද්දක් ඉක්මවා දීඝ කරන්නා වූ පනත් කෙටුම්පතක් පාර්ලිමේන්තුවේ 2/3කින් සහ ජනමත විචාරණයකින් සම්මත විය යුතු බවයි.

යම් හෙයකින් ජනපතිවරයාට 2/3ක බහුතරයක් නැතිවුවහොත් ජාතික වැදගත්කමින් යුත් කාරණයක් ලෙස ජනමත විචාඑණයකින් සම්මත කර ගැනීමට හැකියාව පවතින බවද පැවසේ.

Continue Reading

Trending

Copyright © 2023 Sri Lanka Mirror. All Rights Reserved