ප්‍රේම සම්බන්ධයක් මුල්කර ගනිමින් ඇති වූ ආරවුලක් දුරදිග ගොස් 17 හැවිරිදි පාසල් සිසුවකුට පහරදුන් බව කියන සිද්ධියක් සම්බන්ධයෙන් පල්ලේකැලේ ප්‍රදේශයේ පදිංචි පාසල් සිසුන් 05 දෙනෙකු මැණික්හින්න පොලිසිය මගින් අත්අඩංගුවට ගෙන තිබේ.
පහර කෑමට ලක් වූ සිසුවා ප්‍රතිකාර සඳහා තෙල්දෙණිය රෝහලට ඇතුළත් කර ඇත.
සිද්ධිය සම්බන්ධයෙන් පොලිසිය විසින් අත්අඩංගුවට ගත් සිසුන් පස් දෙනා අවුරුදු 16-18 වයසේ පසුවන බව පොලිසිය පවසයි.
පසුගිය 25 දින පස්වරු 7.30 ට පමණ දිගන රජවැල්ල ප්‍රදේශයේ දී මෙම පහරදීම සිදුකර තිබෙන අතර සිද්ධිය සම්බන්ධයෙන් මැණික්හින්න පොලිසියේ ස්ථානාධිපති ප්‍රධාන පොලිස් පරීක්ෂක එම්.ඩී. චන්ද්‍රපාල මහතාගේ මෙහෙයවීමෙන් පරීක්ෂණ පැවැත්වෙයි.
