කොල්ලුපිටිය මුහුදු මාවතේ පවත්වාගෙන ගිය ගණිකා නිවාසයක් වටලා එහි සිටි විදෙස් ජාතික කාන්තාවන් පස් දෙනෙකු කොල්ලුපිටිය පොලිසිය විසින් අත්අඩංගුවට ගෙන තිබේ.
කොල්ලුපිටිය පොලිසියට ලද තොරතුරක් මත ඊයේ (13) රාත්‍රියේ දී මෙම වැටලීම සිදු කර තිබේ.
අත්අඩංගුවට ගත් සැකකාරියන් අතර වයස අවුරුදු 30, 35 සහ 38 යන වයස්වල පසුවන විදෙස් ජාතික කාන්තාවන් සිටින බව පොලිස් මාධ්‍ය කොට්ඨාසය කියා සිටී.
සැකකාරියන් අද (14) කොටුව මහේස්ත්‍රාත් අධිකරණය වෙත ඉදිරිපත් කිරීමට නියමිතය.
