Connect with us

පුවත්

ගංවතුර‍ට ගෙදර හිටියොත් කන්න නොදෙන්න චක්‍රලේඛයක් ගහලා!

Published

on

ගංවතුරෙන් අවතැන්ව කඳවුරුවලට නොගොස් කිසියම් හෝ නිවසක රැඳී සිටින පුද්ගලයන්ට රජයෙන් පිසූ ආහාර ලබානොදීමේ චක්‍රලේඛයක් හේතුවෙන් ග්‍රාම නිලධාරීන්ට ගමට යාට නොහැකි තත්ත්වයක් උදාවී ඇතැයි ඔවුහු පවසති.

ආපදා කළමනාකරණ දෙපාර්තමේන්තුව මගින් නිකුත් කර ඇති මෙම චක්‍රලේඛයේ සඳහන් පරිදි රජයෙන් පිසූ ආහාර ලබාදෙන්නේ අවතැන් කඳවුුරුවල සිටින අයට පමණි. 

අවතැන්ව නිවාසවල රැඳී සිටින අයටද රජයෙන් පිසූ මේ ආහාර ලබාගැනීමට අවශ්‍ය නම් ඔවුන් කඳවුරු කරා පැමිණිය යුතුව ඇත. 

නැත්නම් මෙම චක්‍රලේඛය සංශෝධනය විය යුතු බව ග්‍රාම නිලධාරීහු පෙන්වා දෙති.

මෙම ආපදා කළමනාකරණ චක්‍රලේඛය හරස්වීම නිසා දිස්ත්‍රික්කවල දිස්ත්‍රික් ලේකම්වරුන්, ප්‍රාදේශීය ලේකම්වරුන් අවතැන් කඳවුරුවල නොසිටින අවතැන් වූවන්ට පිසූ ආහාර සඳහා රජයේ ප්‍රතිපාදන වෙන් කිරීමට ඉදිරිපත් නොවන බවද ග්‍රාම නිලධාරීහු පෙන්වා දෙති.

මෙම තත්ත්වය මත අවතැන් කඳවුරුවල නොමැති අවතැන් වූවන්ට ආහාර සපයා දීම සඳහා ගම්වාසීන්ගේ හා දානපතියන්ගේ සහාය පතන්නට සිදුවී ඇතැයි ඔවුහු වැඩිදුරටත් පෙන්වා දෙති.

ගංවතුරෙන් අවතැන් වූවන්ගෙන් සියයට අනූවක්ම අසල ඥාති නිවාස හෝ හිතමිතුරන්ගේ නිවාසවල රැඳී සිටින බවත්, පන්සල් හා පාසල්වල අවතැන් කඳවුරුවල සිටින්නේ ගමේ කාත් කවුරුවත් නොමැති අය බවත් ග්‍රාම නිලධාරීහු පවසති.

‘‘ආණ්ඩුවේ ප්‍රතිපාදනවලින් වෙන් කරන මුදලින් දිනකට තුන් වේලක් ආහාර හා දෙවරක් තේ ලබාදීම සඳහා රුපියල් හාරසිය පනහක් පමණ වෙන් කරලා ප්‍රමාණවත් නැහැ. අවතැන් වූ අයට කන්න දෙන්න, ඇඳුම් පැලඳුම්, කාන්තා සනීපාරක්ෂක ඇඳුම්, දරුවන්ට ඇඳුම් පවා දෙන්න දානපතියන් සොයා යන්න වෙලා. කන්න නම් අවතැන් කඳවුරුවලට එන්න කියලා අවතැන් වූවන්ට කිව්වොත් ඒ අය ග්‍රාම නිලධාරීන්ටත් අල්ලන් ගහයි’’ යැයි ග්‍රාම නිලධාරීහු මාධ්‍යට පවසා ඇත.

‘‘2022 වසරේ පටන් අපි මේ චක්‍රලේඛය සංශෝධනය කරන්නැයි ඉල්ලනවා. ගංවතුරක් ආවොත් විතරයි නිලධාරීන්ට මේක මතක් වෙන්නේ. තාමත් විසඳුමක් නැහැ. ආපදා නිලධාරීන් ඩබල් කැබ් එකෙන් ඇවිල්ලා බලලා යනවා විතරයි. වතුරේ පීඩාවට ලක්වූ අය බලන්න යන්න ග්‍රාම නිලධාරීන්ට බූට්ස් දෙකක්වත් දීලා නැහැ’’ යැයි ග්‍රාම නිලධාරී සංගමය පෙන්වා දෙයි.

මූලාශ්‍රය – අරුණ

පුවත්

නීතිපතිගේ කාලය දිගු කිරීමට ගෙනා යෝජනාව ප්‍රතික්ෂේප වෙයි

Published

on

By

නීතිපති සංජය රාජරත්නම් මහතාගේ සේවා කාලය දීර්ඝ කිරීමේ යෝජනාව ආණ්ඩුක්‍රම ව්‍යවස්ථා සභාවේ දී ප්‍රතික්ෂේප වී තිබේ.

ඒ අනුව අද (18) පස්වරුවේ ආණ්ඩුක්‍රම ව්‍යවස්ථා සභාව කථානායක මහින්ද යාපා අබේවර්ධන මහතාගේ ප්‍රධානත්වයෙන් රැස් වුණි.

එහිදී ජනාධිපතිවරයාගේ නිර්දේශය දීර්ඝ ලෙස සාකච්ඡාවට ලක්වී ඇති අතර අවසන් තීරණයකට එළඹීම සඳහා ව්‍යවස්ථා සභාවේ සාමාජිකයින් අතර ඡන්දයක් ද පවත්වා ඇති බව සඳහන් ය.

ඒ අනුව අදාළ නිර්දේශයට විපක්ෂව ඡන්ද 05ක් ලැබී ඇති අතර පක්ෂව ලැබී ඇත්තේ ඡන්ද 03ක් පමණි.

ජනාධිපති රනිල් වික්‍රමසිංහ මහතා විසින් වත්මන් නීතිපති ජනාධිපති නීතීඥ සංජය රාජරත්නම් මහතාගේ ධුර කාලය මාස 6කින් දීර්ඝ කිරීමේ යෝජනාව පසුගියදා ආණ්ඩුක්‍රම ව්‍යවස්ථා සභාවට ඉදිරිපත් කළේය.

අවස්ථා දෙකක දී ආණ්ඩුක්‍රම ව්‍යවස්ථා සභාව රැස් වූ අතර එම අවස්ථා දෙකෙහිම මේ සම්බන්ධයෙන් අවසන් තීරණයක් නොගෙන එය කල් දැමුණි.

ඒ අනුව අද අදාළ යෝජනාව ප්‍රතික්ෂේප වී ඇති බව වාර්තා විය.

නීතිපති ජනාධිපති නීතීඥ සංජය රාජරත්නම් මහතාගේ සේවා කාලය මෙම මාසයෙන් අවසන් වීමට නියමිතව තිබේ.

Continue Reading

ක්‍රීඩා

හරීන් කර ගැහුව බර කරත්තේ ගැන පාර්ලිමේන්තුවට කියයි

Published

on

By

ක්‍රීඩා අමාත්‍යංශය යනු ක්‍රිකට් පමණක් නොවන බව ක්‍රීඩා අමාත්‍ය හරීන් ප්‍රනාන්දු මහතා කියයි.

ඔහු අද (18) පාර්ලිමේන්තුවේදී අදහස් දක්වමින් කියා සිටියේ ක්‍රීඩා අමාත්‍යංශය ට ක්‍රීඩා 73ක් සම්බන්ධයෙන් කටයුතු කිරීමට තිබෙන බවයි.

වැඩිදුරටත් ඔහු මෙසේද කීය, “පසුගියදා රෙගුලාසියක් දැම්මා. එම රෙගුලාසිය අනූව විධායක කමිටුවක අවුරුදු 16ක් හිටියොත් එයාට සභාපති වෙන්න බෑ. මම දන්න තරමින් ශම්මි සිල්වා 16 ඉඳලත් ඉවරයි. ඊළඟට ඔහුට ඉල්ලන්න බෑ. මේ තියෙන්නේ පෞද්ගලික වෛරයක්.”

ඔහු තවදුරටත් පැවසුවේ ක්‍රිකට් කණ්ඩායම පැරදෙන විට සියලුදෙනා ඇමතිවරයාට බනින බවයි.

“කොහේවත් යන බර කරත්තයක් මගේ කරපිට තිබ්බා. වර්ල්ඩ් කප් එකේ ගහපු මැච් 3න් 2ක් පැරදුනාම නිදාගෙන හිටිය අය නැවතත් නැගිටලා. භාරගත්ත ගමන් ටුවර් තුනම දින්නා. හොඳයි කිව්වේ නෑ. දිනන කොට ක්‍රීඩකයෝ…පරදින කොට ඇමතියා.”

Continue Reading

පුවත්

ජූලි මස 15 විදුලි ගාස්තු සංශෝධනයක්

Published

on

By

මෙම වසරේ (2024) දෙවැනි විදුලි ගාස්තු සංශෝධනය ලබන ජූලි මස 15 වැනිදා ප්‍රකාශයට පත්කරන බව මහජන උපයෝගිතා කොමිසමේ සභාපති මහාචාර්ය මංජුල ප්‍රනාන්දු මහතා අද (18) පැවසීය.

යෝජිත විදුලි ගාස්තු සංශෝධනය පිළිබඳව මහජනතාවගේ ලිඛිත අදහස් ලබන ජූලි මස 8 වැනිදා දක්වා භාරගන්නා බවත් වාචික අදහස් විමසීම ජූලි මස 9 වැනිදා පැවැත්වෙන බවත් සභාපතිවරයා සඳහන් කළේය.

මෙම ගාස්තු සංශෝධනයේදී විදුලි ගාස්තු අඩු කිරීමට නියමිත අතර ඒ අනුව එම අඩුවන ප්‍රතිශත ජූලි මස 15 වැනිදා ප්‍රසිද්ධ කරනු ඇත. 

Continue Reading

Trending

Copyright © 2023 Sri Lanka Mirror. All Rights Reserved