Connect with us

පුවත්

“ඡන්දයක් තිබ්බොත් රට ආපස්සට යනවා”

Published

on

ඉදිරි කාලය තුළ මැතිවරණයක් පැවැත්වුවහොත් රට වසරක පමණ කාලයකින් ආපස්සට යන බව එක්සත් ජාතික පක්ෂයේ හිටපු පාර්ලිමේන්තු මන්ත්‍රී ආශු මාරසිංහ මහතා පවසයි.

මැතිවරණයක් ප්‍රකාශයට පත්කළ සැණින් පූර්ව මැතිවරණය සමයක් සහ පසු මැතිවරණය සමයක එන හෙයින් වසරක පමණ කාලයක් රටට අහිමි වෙන බව ඔහු පෙන්වා දෙයි.

වැටී තිබුණ රට මේ දක්වා ගොඩගෙන ඇති පසුබිමක රංගේ බණ්ඩාර මහතා පවසන්නේ විපක්ෂයත් එක්වී මේ ගැන සිතා ඔවුන්ගේ පාර්ලිමේන්තු යෝජනාවක් ලෙස තව වසර දෙකක පමණ කාලයක් රට යථා තත්ත්වයට පත්කරගැනීමට කාලය ගැනීම වැදගත් බවයි.

එහෙත් එයට විපක්ෂය කලබල වී සිටින බව මාරසිංහ මහතා ප්‍රකාශ කරයි.

”මැතිවරණයක් තිබ්බොත් වෙන්නේ පූර්ව මැතිවරණ සමයක් එනවා. පසු මැතිවරණ සමයක් එනවා. ආසන්න වශයෙන් අවුරුද්දක කාලයක රට ආප්සට යනවා. ඒක නවත්වාගන්න බැහැ. මැතිවරණයක් කැඳවූ ගමන් රාජ්‍ය නිලධාරීන් කිසිවෙක් වැඩකරන්නේ නැහැ. රටේ යාන්ත්‍රණයම අකර්මන්‍ය වෙනවා. සංවර්ධන කටයුතු සියල්ල ඇනහිටිනවා. මේ ගැන කල්පනා කරලා විපක්ෂය ලෙස සජිත් ප්‍රේමදාස මහත්තයටත් අනුර දිසානායක මහත්තයටත් පුළුවන් මේ ගැන පාර්ලිමේන්තුවට යෝජනාවක් කරලා කාලය දෙන්න. ඒකට විපක්ෂයේ අය කලබල වුණානේ. කවුද මේ රටේ පෙළපාලි ඇවිල්ල ජන්දේ ලබන මාසේ තියන්න කිව්වේ. මුලින් කිව්වේ රනිල්ට මේක කරන්න බැහැ කියල දැන් කියන්නේ රනිල්ට තමයි මේක කරන්න පුළුවන් කියල. බලය නැති කාලේ වගේ නෙවෙයි බලය ලැබුනහම එතුමා වැඩ කරන්නේ කොහොමද කියල දැන් ලෝකයම දකිනවා. ඒකනේ ඇමරිකානු රාජ්‍ය දෙපාර්තමේන්තුවෙන් ඒ ගැන හොයන්න මෙහෙට එන්නේ. රංගේ බණ්ඩාර මහත්මයා කිව්වේ ඕක.ඔහු ඉදිරිපත් කරන්නේ හොඳ තර්කයක්.”

පුවත්

නාඳුනන මළ සිරුරක් හමුවේ

Published

on

By

කයිට්ස් මඩත්තවේලි ප්‍රදේශයේ තිබී නාඳුනන පිරිමි පුද්ගලයෙකුගේ මළ සිරුරක් හමුව තිබේ.

පොලීසිය පැවසුවේ ඊයේ (14) සවස කයිට්ස් පොලීසියට ලද තොරතුරක් මත අදාළ විමර්ශන කටයුතු ආරම්භ කළ බවය.

මෘත ශරීරය සම්බන්ධයෙන් හදිසි මරණ පරීක්ෂණය සිදුකර ඇති අතර මෙතෙක් ඔහුගේ අනන්‍යතාවය තහවුරු කරගෙන නොමැත.

මෙම පුද්ගලයා අවුරුදු 45ත් 50 අතර උස අඩි 05යි අඟල් 02 ක් පමණ වන අයෙක් බව පොලීසිය පවසයි.

සිරුර යාපනය රෝහලේ තැන්පත් කර ඇති අතර කයිට්ස් පොලීසිය වැඩිදුර විමර්ශන සිදුකරයි

Continue Reading

පුවත්

කොළඹ වරායට පැමිණි නිර්වින්දන ඖෂධ බෙදාහැරීමට සැලසුම්

Published

on

By

කොළඹ වරායට රැගෙන ආ නිර්වින්දන ඖෂධ තොගය අද (15) දිනයේ බෙදාහැරීමට සැලසුම් කර ඇතැයි සෞඛ්‍ය අමාත්‍යාංශය පවසයි.

එහි වෛද්‍ය සැපයුම් අංශයේ අධ්‍යක්ෂ, නියෝජ්‍ය අධ්‍යක්ෂ ජනරාල් වෛද්‍ය ජි විජේසූරිය මහතා පැවසුවේ, එතෙක් පෞද්ගලික ආයතන වලින් අදාළ ඖෂධ මිලදී ගෙන සැත්කම් සිදුකරන්නැයි රෝහල් අධ්‍යක්ෂවරුන්ට උපදෙස් දුන් බවය.

ජාතික රෝහලේ ශල්‍යාගාරවල නිර්වින්දන ඹෟෂධ හිඟයක් පවතින බවද වාර්තා වේ.

ජාතික රෝහලේ ආරංචි මාර්ග සඳහන් කළේ, ඒ හේතුවෙන් සැත්කම් අවලංගු කිරීමට සිදුව ඇති බවයි.

Continue Reading

පුවත්

ජනපතිට වසරක දිගුවක් !

Published

on

By

ජනමත විචාරයකින් තොරව පාර්ලිමේන්තුවේ තුනෙන් දෙකක බහුතරයකින් ජනාධිපති ධූර කාලය දීර්ඝ කර ගැනීමේ හැකියාව පිළිබඳව මේ වන විට සාකච්ඡා වෙමින් පවතින බව “මවුබිම” පුවත්පත වාර්තා කර තිබේ.

මේවන විට මේ පිළිබඳව නීති ක්ෂේත්‍රයේ විශාදයින්ගේ මතය විමසීමට ජනපතිවරයාට හිතවත් පාර්ශව කටයුතු කර ඇති බවත්, ඔවුන්ගේ මතය වී ඇත්තේ ජනපතිවරයාගේ ධූර කාලය මේ අයුරින් වසර 5 සිට 6 දීර්ඝ කිරීමට අවස්ථාවක් ඇති බව යැයි එම පුවත්පත වැඩිදුරටත් වාර්තා කර ඇත.

2015 ආණ්ඩුක්‍රම ව්‍යවස්ථාවේ 19 වැනි සංශෝධනයෙන් ජනපතිවරයාගේ වසර 6ක්ව පැවැති ධූර කාලය වසර 5ක් දක්වා ඒ අවස්ථාවේ අඩුකාලා සේම, පාර්ලිමේන්තුවේ 2/3 බහුතරයකින් ධූර කාලය වසර 5 සිට 6 දක්වා දීර්ඝ කර ගැනීමට හැකියාව පවතින බව ජැමෙයිකා තාක්ෂණ විශ්ව විද්‍යාලයේ හිටපු මහාචාර්ය නීතීඥ ප්‍රතිභා මහානාම මහතා සදහන් කරන බවද පැවසේ.

ඒ අවස්ථාවේ ජනමත විචාරණයක් නොපැවැත්වුණ බවද ඔහු කියා සිටී.

78 ආණ්ඩුක්‍රම ව්‍යවස්ථාවට අනුව 83(ආ) ව්‍යවස්ථාවේ ඇත්තේ ජනාධිපතිවරයාගේ ධූර කාලය හා පාර්ලිමේන්තුවේ ධූර කාලය සය අවුරුද්දක් ඉක්මවා දීඝ කරන්නා වූ පනත් කෙටුම්පතක් පාර්ලිමේන්තුවේ 2/3කින් සහ ජනමත විචාරණයකින් සම්මත විය යුතු බවයි.

යම් හෙයකින් ජනපතිවරයාට 2/3ක බහුතරයක් නැතිවුවහොත් ජාතික වැදගත්කමින් යුත් කාරණයක් ලෙස ජනමත විචාඑණයකින් සම්මත කර ගැනීමට හැකියාව පවතින බවද පැවසේ.

Continue Reading

Trending

Copyright © 2023 Sri Lanka Mirror. All Rights Reserved