නව රජයේ ඇමැතිවරයකු සඳහා 15 දෙනකුගෙන් සමන්විත කාර්ය මණ්ඩලක්ද, නියෝජ්‍ය ඇමැතිවරයකු සඳහා 12 දෙනකුගෙන් යුතු කාර්ය මණ්ඩලයක්ද ඇතුළුව ලබා දෙන පහසුකම් හා දීමනා සඳහන් කරමින් ජනාධිපති ලේකම්වරයා විසින් චක්‍රලේඛයක් නිකුත් කර තිබේ.

ඉකුත් 06 වැනිදා සිට බලාත්මක වන පරිදි මෙය නිකුත් කර ඇත.උපදේශක නඩේ….

පීඑස්/සීඑස්ඒ/00/1/4/12 අංක යටතේ නිකුත් කරන ලද මෙම චක්‍රලේඛයට අනුව සෑම ඇමැතිවරයෙකුටම සිය අමාත්‍යාංශයේ කාර්යයන් සම්බන්ධයෙන් ප්‍රතිපත්ති තීරණ ගැනීමට සහාය වීම සඳහා උපදේශකවරයෙක් හෝ උපදේශක කණ්ඩායමක් පත්කර ගත හැකිය.

අදාළ අමාත්‍යාංශයේ විෂය පථය සම්බන්ධ දැනුමක් සහිත උගතුන්, පර්යේෂකයින්, වෘත්තීයවේදීන්, පුරවැසි සංවිධාන නියෝජිතයින් හෝ මහජන නියෝජිතයින් මෙම උපදේශකයින් ලෙස පත් කළ යුතුවේ.

කිසියම් අමාත්‍යාංශයක විෂය ක්ෂේත්‍ර ගණනාවක් ආවරණය කරන අවස්ථාවලදී එක් එක් විෂය ක්ෂේත්‍රය සඳහා උපදේශකවරුන් දෙදෙනකු උපරිම වශයෙන් බඳවා ගැනීමට අදාළ ඇමැතිවරයාට හැකියාව ඇත.පඩිය…

මෙම උපදේශකවරුන්ගේ සේවය ගෙවීමේ පදනමින් හා පූර්ණ කාලීනව සේවය කිරීමේ පදනමින් ලබාගත හැකි අතර, අදාළ උපදේශකවරයාගේ අධ්‍යාපන,වෘත්තීය සුදුසුකම් හා පළපුරුද්ද මත පහසුකම් හා ලබාදෙන දීමනාව කොපමණදැයි තීරණය කළයුතු වේ. 

මෙම දීමනා ගෙවීමේදී රාජ්‍ය පරිපාලන චක්‍රලේඛ අංක 03/2016 තනතුරු වලට ගෙවන වැටුප ඉක්මවා නොයා යුතුය. (දීපව්‍යාප්ත සේවා විශේෂ ශ්‍රේණියේ වැටුප/විශේෂඥ වෛද්‍යවරයෙකුට ගෙවන වැටුප)

උපදේශක මණ්ඩලය පත්කිරීමේ බලතල ඇමැතිවරයාට පවරා ඇති අතර,එම පත් කිරීම් සම්බන්ධව අමාත්‍ය මණ්ඩල සටහනක් මගින් අමාත්‍ය මණ්ඩලය දැනුවත් කළ යුතුය.15ක සෙට් එකක්…

ඇමැතිවරයෙකු සඳහා 15 දෙනකුගෙන් යුතු කාර්ය මණ්ඩලයක්ද,නියෝජ්‍ය ඇමැතිවරයෙකු සඳහා 12 දෙනකුගෙන් යුත් කාර්ය මණ්ඩලයක්ද පත්කර ගතයුතුවේ.

ඒ අනුව, ඇමැතිවරයෙකු සඳහා පෞද්ගලික ලේකම්වරයෙකු, සම්බන්ධීකරණ ලේකම්වරුන් දෙදෙනකු, මාධ්‍ය ලේකම්වරයෙකු, මහජන සම්බන්ධතා නිධාරියෙකු, පෞද්ගලික සහකාරවරයෙකු, කළමනාකාර සහකාරවරුන් පස් දෙනකු, කාර්යාල කාර්ය සහයකවරුන් දෙදෙනකු, රියදුරන් දෙදෙනකු පත්කර ගත හැකිය.නියෝජ්‍ය ඇමතිගේ…..

නියෝජ්‍ය ඇමැතිවරයෙකුගේ කාර්ය මණ්ඩලය සඳහා පෞද්ගලික ලේකම්වරයෙකු,සම්බන්ධීකරණ ලේකම්වරයෙකු,මාධ්‍ය ලේකම්වරයෙකු,මහජන සම්බන්ධතා නිලධාරියෙකු,කළමනාකාර සහකාරවරුන් තිදෙනකු,කාර්යාල කාර්ය සහකාරවරුන් දෙදෙනකු සහ රියදුරන් දෙදෙනකු පත්කර ගැනීමට හැකිය.

රාජ්‍ය වියදම් අවම කිරීම සඳහාත්,රාජ්‍ය සේවයේ මානව සම්පත ඵලදායි ලෙස සේවයේ යොදා ගැනීම සඳහා පෞද්ගලික සහකාර, කළමනාකාර සහකාර, කාර්යාල කාර්ය සහායක සහ රියදුරු යන තනතුරුවලට කාර්ය මණ්ඩලය හැකිතාක් දුරට රාජ්‍ය සේවයේ නිරත පිරිස අතරින්ම තෝරාගත යුතු බවද අදාළ චක්‍රලේඛයේ දැක්වේ.

පෞද්ගලික ලේකම්, සම්බන්ධීකරණ ලේකම්,මාධ්‍ය ලේකම් සහ මහජන සම්බන්ධතා නිලධාරී පත් කළ යුත්තේ අදාළ ඇමැතිවරයාගේ,නියෝජ්‍ය ඇමැතිවරයාගේ ධුර කාලයට පමණක් සීමාවන පරිදි තාවකාලික පදනම මතය.එමෙන්ම,එම තනතුරු සඳහා ඇමැතිවරයාගේ,නියෝජ්‍ය ඇමැතිවරයාගේ පවුලේ සාමාජිකයින් හෝ සමීප ඥාතීන් පත්කර නොගත යුතුය.වාහන 2යි, කුලියට උනත් කමක් නෑ…

ඇමැතිවරයෙකුට නිල වාහන දෙකක්ද, නියෝජ්‍ය ඇමැතිවරයෙකුට නිල වාහන දෙකක්ද උපරිම වශයෙන් භාවිතා කළ හැකිය.

ඒ සඳහා රාජ්‍ය සංස්ථාවක හෝ ව්‍යවස්ථාපිත ආයතනයක වාහන යොදා ගන්නේනම් හෝ බාහිරින් කුලී පදනම මත ලබා ගන්නේනම් එහි වගකීම අමාත්‍යාංශ ලේකම්වරයා විසින් බාරගත යුතුවේ.

කාර්ය මණ්ඩලයේ පෞද්ගලික ලේකම්, සම්බන්ධීකරණ ලේකම්, මාධ්‍ය ලේකම්,මහජන සම්බන්ධතා නිලධාරී යන නිපධාරීන්ට එක් නිල වාහනය බැගින් හිමිවේ.

ඇමැතිවරුන්ගේ, නියෝජ්‍ය ඇමැතිවරුන්ගේ නිල වාහන සඳහා එක් මාසයකට උපරිම ඉන්ධන ලීටර් 900 ක ප්‍රතිපාදන ලබාදේ. ෆෝන් 5යි..කතා කාලය විසිදාහයි

ඇමැතිවරයෙකුට, නියෝජ්‍ය ඇමැතිවරයෙකුට නිල රාජකාරි සඳහා උපරිම දුරකථන සම්බන්ධතා පහක් හිමිය.

ඒ අනුව, කාර්යාලයට දුරකථන සබඳතා දෙකක්ද, නිවාසයට එක් දුරකථන සබඳතාවයක්ද, ජංගම දුරකථන සබඳතාවයද,කාර්යාල ෆැක්ස් සබඳතාවයද හිමිවේ.

කාර්යාල සහ නිවාස දුරකථන සඳහා උපරිම සීමාව රුපියල් 20,000 ක් වන අතර, ජංගම දුරකථන සඳහා උපරිම සීමාව රුපියල් 10,000 කි.

පෞද්ගලික ලේකම්වරයාට කාර්යාල ෆැක්ස් පහසුකම සහ දුරකථන සබඳතා දෙකක්ද, සම්බන්ධීකරණ ලේකම්වරයාට දුරකථන සබඳතා දෙකක්ද, මාධ්‍ය ලේකම්වරයාට ෆැක්ස් පහසුකම සහ දුරකථන සබඳතා දෙකක්ද, මහජන සම්බන්ධතා නිලධාරිවරයාට දුරකථන සබඳතා දෙකක්ද හිමිවේ. 

පෞද්ගලික ලේකම්වරයාගේ දුරකථන වල උපරිම සීමාව රුපියල් 6,000 ක්ද, සම්බන්ධීකරණ ලේකම්වරයාගේ රුපියල් 5,000 ක්ද,මාධ්‍ය ලේකම්වරයාගේ රුපියල් 5,000 ක්ද, මහජන සම්බන්ධතා නිළධාරිවරයාගේ රුපියල් 5,000 ක්ද වේ.

ඇමැතිවරුන්, නියෝජ්‍ය ඇමැතිවරුන් සහ කාර්ය මණ්ඩලය සඳහා රජයේ වියදමින් ජංගම දුරකථන හා උපකරණ ලබා නොදිය යුතු බවද අදාෙළ චක්‍රලේඛයේ දැක්වේ. 

අමැතිවරුන්ට, නියෝජ්‍ය ඇමැතිවරුන්ට ලබාදෙන මෙම පහසුකම් වලට අමතරව පාර්ලිමේන්තු රැස්වීම් වලට සහභාගි වන එක් දිනයක් සඳහා රුපියල් 2500 ක පැමිණීමේ දීමනාවක්ද, පාර්ලිමේන්තු රැස්වීම් නොපැවැත්වෙන දිනවල රැස්වන කාරක සභා සඳහා සහභාගිවීම වෙනුවෙන් දිනකට රුපියල් 2500 බැගින්ද,කාර්යාලයක් පවත්වාගෙන යාමට මාසයකට රුපියල් ලක්ෂය බැගින්ද හිමිවේ. පාර්ලිමේන්තු මන්ත්‍රිවරුන්ටද මෙම දීමනාව හිමිවේ.

මන්ත්‍රි දීමනා වැටුප රුපියල් 54,285 ක් වන අතර, සංග්‍රහ දීමනාව රුපියල් 1000 කි.

පෞද්ගලික කාර්ය මණ්ඩලයේ සාමාජිකයින් සිව් දෙනකුට කාර්යාලයට පැමිණීම වෙනුවෙන් එක් අයෙකුට මාසිකව රුපියල් 2,500 ක දීමනාවක්ද ගෙවන්නේය.

මන්ත්‍රිවරයෙකු තමන් තේරී පත්වූ දිස්ත්‍රික්කයේ සිට පාර්ලිමේන්තුවට ඇති දුර පදනම් කර ගණනය කල ඩීසල් ලීටර ප්‍රමාණය සඳහා මාසයේ පළමු දිනට පවතින වෙළෙඳපොල මිල ගණන් අනුව ගෙවීමක්ද කරන්නේය.

සෑම මන්ත්‍රිවරයෙකුටම වාර්ෂිකව රුපියල් 350,000 ක් වටිනා මුද්දර (එක් කාර්තුවකට රුපියල් 87,500 බැගින්) ලබා දෙනු ලබයි.

මූලාශ්‍රය – අරුණ

ඌව සහ දකුණු පළාත්වලත් අම්පාර, මඩකළපුව, මාතලේ සහ නුවරඑළිය දිස්ත්‍රික්කවලත් වැසි වාර කිහිපයක් ඇතිවේ. උතුරු සහ උතුරු-මැද පළාත්වලත් ත්‍රිකුණාමලය දිස්ත්‍රික්කයේත් වැසි ස්වල්පයක් ඇතිවිය හැකි බව කාලගුණ විද්‍යා දෙපාර්තමේන්තුව නිවේදනය කරයි.

බස්නාහිර සහ සබරගමුව පළාත්වලත් කුරුණෑගල දිස්ත්‍රික්කයේත් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවන අතර ඇතැම් ස්ථානවලට මි.මි. 50 ක පමණ තරමක තද වැසි ඇති විය හැක.

මධ්‍යම කඳුකරයේ නැගෙනහිර බෑවුම්වල සහ උතුරු, උතුරු-මැද සහ වයඹ පළාත්වලත් මාතලේ දිස්ත්‍රික්කයේත් විටින් විට හමන පැ.කි.මී. (30-40) ක පමණ තරමක තද සුළං ඇතිවිය හැක.

බස්නාහිර, සබරගමුව, මධ්‍යම සහ දකුණු පළාත්වලත් බදුල්ල දිස්ත්‍රික්කයේත් ඇතැම් ස්ථානවල උදෑසන කාලයේදී මීදුම් සහිත තත්ත්වයක් පැවතිය හැක.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

රාජ්‍ය සේවයේ උසස් නිලධාරින්ට ලබා දෙන වාහන බලපත්‍රය අහෝසි කිරීමට රජය කිසිදු ප්‍රතිපත්තිමය තීරණයක් ගෙන නැතැයි කම්කරු අමාත්‍ය, ආර්ථික සංවර්ධන නියෝජ්‍ය අමාත්‍ය මහාචාර්ය අනිල් ජයන්ත ප්‍රනාන්දු මහතා පාර්ලිමේන්තුවේදී ඊයේ (23) ප්‍රකාශ කළේය.

රාජ්‍ය සේවයේ උසස් නිලධාරීන්ට මේ වන විට වාහන බලපත්‍ර 15,000ත් 20,000ත් අතර සංඛාවක් නිකුත්ව ඇති බවත් වාහන බලපත්‍ර සඳහා මේ මොහොතේ අවස්ථාව ලබාදුනහොත් අපේක්ෂිත ආර්ථික ඉලක්කවලට ළඟාවීම අපහසු වන බවත් ඇමැතිවරයා අවධාරණය කළේය.

ඒ අනුව මේ මොහොතේ පවතින්නේ ප්‍රමුඛතාව පිළිබඳ ගැටලුවක් මිස රාජ්‍ය නිලධාරීන්ට ලබාදෙන වාහන බලපත්‍ර අහෝසි කිරීම ගැන ගැටලුවක් නොවන බව ද කීවේය.

අමාත්‍ය අනිල් ජයන්ත ප්‍රනාන්දු මහතා මේ බව සඳහන් කළේ පාර්ලිමේන්තු මන්ත්‍රී නජිත් ඉන්දික මහතා මතු කරන ලද ප්‍රශ්නයකට පිළිතුරු දෙමිනි.

වාහන ආනයනය කිරීම සඳහා රජය තීරණය කළේ කරුණු ගණනාවක් කෙරෙහි දැඩි අවධානය යොමු කිරීමෙන් පසුව බව ද ඇමැතිවරයා පැවසීය. එවන් පසුබිමක් යටතේ තීන්දු තීරණ ගත යුත්තේ සමස්ත ආර්ථිකය කෙරෙහි අවධානය යොමු කරමින් බව ද ඇමැතිවරයා පැවසීය.

එහිදි වැඩිදුරටත් අදහස් දැක්වූ අමාත්‍යවරයා,

“වාහන ආනයනය නිදහස් කිරීමට පදනම් වුණේ සමස්ත ආර්ථිකය සැලකිල්ලට අරන්. 2025 වසර ක්‍රියාත්මක වන්නේ සාමාන්‍ය තලයක නෙවෙයි. ජාත්‍යන්තර මූල්‍ය අරමුදලේ පරාමිතීන් අනුව කටයුතු කිරීමට අපට සිදු වෙනවා. ඒ වගේම සංචිත ගැන අවධානය යොමු කරන්න වෙනවා

රාජ්‍ය ආදායම, බදු ක්‍රමය මේ සියල්ල ගැනම අවධානය යොමු කරන්නට වෙනවා. රජයට යම් ආදායමක් ලබා දෙන්නත් වෙනවා. වාහන පර්මිට්වලදී, රජයේ උසස් නිලධාරීන්ට ලබාදෙන ප්‍රතිලාභය අහිමි කරන්නට කිසිම අදහසක් නැහැ. මෙම ප්‍රතිලාභය ලබාදීමේදී අතීතයේදී ගත්ත ක්‍රියාමාර්ගවල වැරදි තිබිය හැකියි. නමුත් ඔවුන්ට සාධාරණ වැටුපක් හෝ වෙනත් කරුණු නිසා මේ වරප්‍රසාදය නොලැබුණා විය හැකියි. කෙසේ වෙතත් ඒවා වෙනම අධ්‍යයනය කළ හැකියි. ජාතික ජන බලවේගයේ ආණ්ඩුව විසින් කිසිම තීන්දුවක් අරගෙන නැහැ වාහන බලපත්‍ර අහෝසි කිරීමට. නමුත් මේ වසරට සාපේක්ෂව එන සීමාවන්ගේ පෙළගැස්වීම ප්‍රමුඛතාව අනුව දැනට නිකුත් වී ඇති බලපත්‍ර ප්‍රමාණය ගත්තම විශාල ප්‍රමාණයක්. එය 15,000ක් – 20,000ක් පමණ වෙනවා. විදේශීය සංචිත පිළිබඳව අවධානය යොමුකර පර්මිට්වලට ඉඩ ඇරියොත් අපගේ ඉලක්කවලට ළඟාවීමට බැරිව යනවා. ඒ නිසා ප්‍රමුඛතාව පිළිබඳ ප්‍රශ්නයක් මිස අහෝසි කිරීමට කිසිදු ප්‍රතිපත්තිමය තීරණයක් අරගෙන නැහැ”.

එමෙන්ම පාර්ලිමේන්තු මන්ත්‍රීනි ලක්මාලි හේමචන්ද්‍ර මෙණෙවිය මතු කරන ලද ප්‍රශ්නයක් සඳහා ඇමැතිවරයා මෙසේ ද පැවසීය.

“ජාත්‍යන්තර මූල්‍ය අරමුදලේ විවිධ එකඟතා අනුව අපට කටයුතු කිරීමට සිදු වෙනවා. ඒ වගේම පැවැති තත්ත්වය අනුව වසර ගණනාවක් වාහන ආනයනය නතර කර තිබුණා. වාහන ආනයනය කිරීමට යම් ඉඩක් ලබාදිය යුතුයි කියන මතයේ අපි ඉන්නවා. ඒ වගේම ආර්ථිකය ප්‍රසාරණය වීමේදී නිෂ්පාදනය වැඩි වෙන කොට වාහන අවශ්‍ය වෙනවා. ඒ නිසා පියවර කිහිපයක් යටතේ, අදියර කිහිපයක් යටතේ කටයුතු කිරීමට අපට සිදු වෙනවා. එහිදි ආර්ථිකයට සම්බන්ධ වන කොටසට තමයි මූලික අවස්ථාව ලබා දුන්නේ. ඒ වගේම භාණ්ඩ ප්‍රවාහනය සඳහා දෙවනුවත් තෙවනුව පෞද්ගලික වාහන සඳහාත් අවස්ථාව ලබාදීමට තීරණය කර තිබෙනවා.

අපි තේරුම්ගත යුතුයි සිරවෙලා, වට්ටලා තිබුණු තැනකදී වාහන ආනයනයේදී විදෙස් සංචිත මෙතෙන්ට බලපානවා. දේශීය සංචිතවල යම් වර්ධනයක් තිබෙනවා, ඩොලර් බිලියන 6 ඉක්ම වන පරිදි. වාහන ආනයනය සඳහා ඒ සියල්ල භාවිත කරන්නත් බැහැ. ඉල්ලුමට සරිලන පරිදි වෙළෙඳපොළ විවෘත කළොත් මේ සංචිත සියල්ල අවසාන වෙන්න පුළුවන්. මෙතනදී සැලකිය යුතු මට්ටමක් කෙරෙහි තමයි අපට අවධානය යොමු කරන්න පුළුවන් වෙන්නේ. ඒ අනුව මුදල් අමාත්‍යාංශය හා මහ බැංකුව දෙන උපදෙස්, විශ්ලේෂණ සැලකිල්ලට ගෙන ඉදිරියට ගෙන යනවා. ලීසිං සමාගම් ආරක්ෂා කර ගැනීම වෙනුවෙන් විවිධ උත්සාහයන් දරනවා කියලා සමාජ මාධ්‍ය තුළත් විවිධ මත පළ වෙනවා. නමුත් ජාතික ජන බලවේගයේ ආණ්ඩුව කිසිම පුද්ගලයෙක්, කණ්ඩායමක් ආරක්ෂා කර ගැනීම වෙනුවෙන්, එක් පිරිසකට පහර දීම වෙනුවෙන් කටයුතු කරන්නේ නැහැ. සමස්තය ආරක්ෂා කර ගැනීම වෙනුවෙන් කටයුතු කරනවා.

ඒ වාහන ආනයනය කිරීමට කලින් මිල වැඩි වීම වුණොත් උද්ධමනයට සාපේක්ෂව මිල ගණන් ගැළපීමක් සිදු කළ යුතුයි. ඒ උද්ධමන අනුපාතය අනුවයි මිල ගණන් වැඩි වීම සිදුව ඇත්තේ. තෝරා ගත්ත කණ්ඩායමක් ආරක්ෂා කිරීමටවත්, තෝරා ගත්ත කණ්ඩායමකට අසාධාරණයක් සිදු කිරීමටවත් ජාතික ජන බලවේගය කටයුතු කරන්නේ නැහැ. එසේ තීන්දු තීරණ ගන්නෙත් නැහැ.”