Connect with us

පුවත්

ජනක 4වැනි තට්ටුවට ගෙනියන්න සැරසෙයි

Published

on

විදුලි බිල සංශෝධනය දින හතළිස් හයක් ප්‍රමාද කිරීම නිසා විදුලි බල මණ්ඩලයට සිදුවූ රුපියල් කෝටි තුන්දහස් දෙසීයක පාඩුව මහජන උපයෝගීතා කොමිෂන් සභාවේ හිටපු සභාපති ජනක රත්නායක මහතාගෙන් අය කරගැනීමට ආණ්ඩුව තීරණය කර තිබේ.

2023 ජනවාරි 01 වැනිදා සිට විදුලි ගාස්තු සංශෝධනය කිරීමට විදුලි බල මණ්ඩලය යෝජනා කර තිබුණි.

එහෙත් මහජන උපයෝගීතා කොමිෂන් සභාවේ සභාපතිවරයා ලෙස කටයුතු කළ ජනක රත්නායක විවිධ හේතු කියමින් එම සංශෝධනය පෙබරවාරි මාසය දක්වා කල් දැමූ බව විදුලි බල හා බලශක්ති ඇමැති කාංචන ජයසේකර මහතා සඳහන් කරයි.

ඒ අනුව 2023 ජනවාර පළමු වැනිදා සිට පෙබරවාරි 15 දක්වා දින හතළිස් හයක් විදුලි ගාස්තු සංශෝධනයක් සිදු කිරීමට ඉඩ ලබා නොදීම හේතුවෙන් විදුලි බල මණ්ඩලයට රුපියල් කෝටි 3200ක පාඩුවක් සිදුවී ඇතැයි කියන විදුලි බල හා බලශක්ති ඇමැති කංචන විජේසේකර, එම පාඩුව සිදු කර ඇත්තේ මහජන උපයෝගී කොමිෂන් සභාවේ සභාපතිවරයා ලෙස කටයුතු කළ ජනක රත්නායකගේ තනි කැමැත්ත මත යැයිද සඳහන් කරයි.

එලෙස විදුලි ගාස්තු සංශෝධනය ප්‍රමාද කිරීම නිසා විදුලි බල මණ්ඩලයට සිදුවූ පාඩුව කඩිනමින් පියවා ගැනීමට අවශ්‍ය නීතිමය ක්‍රියාමාර්ග ගන්නා බවද අමැතිවරයා සඳහන් කළේය.

මහජන උපයෝගීතා කොමිෂන් සභාවේ හිටපු සභාපති ජනක රත්නායකට එරෙහිව අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසය මගින්ද විමර්ශනයක් ආරම්භ කර තිබේ. 

ඒ ආණ්ඩුවේ දැනුම් දීම මත එම විමර්ශනය ආරම්භ කර තිබෙන බවත් වාර්තා වෙයි.

මහජන උපයෝගීතා කොමිෂන් සභාවේ සභාපති ධුරය මේ වන විට පුරප්පාඩු වී පවතින අතර නව සභාපතිවරයකු ව්‍යවස්ථාදායක සභාව විසින් ඉදිරියේදී පත් කිරීමට නියමිතය. ව්‍යවස්ථාදායක සභාව ලබන ජුනි 05 වැනිදා රැස්වීමට නියමිත අතර එහිදී මහජන උපයෝගීතා කොමිෂන් සභාවට නව සභාපතිවරයකු තෝරා පත් කර ගැනීමට නියමිතය.

මීළඟ විදුලි ගාස්තු සංශෝධනය ලබන ජුලි 01 වැනිදා සිදු කිරීමට නියමිත බව විදුලි බල මණ්ඩලය සඳහන් කරයි.

ඒ අනුව ලබන ජූලි 01 වැනිදා සිට ක්‍රියාත්මක කරන විදුලි ගාස්තු සංශෝධනයේදී ගෘහස්ථ පාරිභෝගිකයන්ට 23%කින්, ආගමික ස්ථානවලට 23%කින්, හොටෙල් ඇතුළු කර්මාන්ත අංශයට 43%කින් විදුලි බිල අඩු කරන බවද විදුලි බල හා බලශක්ති ඇමැති කංචන විජේසේකර, ඉකුත්දා පාර්ලිමේන්තුවේදී සඳහන් කළේය.

මූලාශ්‍රය – අරුණ

පුවත්

“මොන ඡන්දය තිබ්බත් රනිල් පරදින බව රංගේ නිලවශයෙන් පිළිගත්තා” (වීඩියෝ)

Published

on

By

ඉදිරියේ එන ඕනෑම ඡන්දයකදී ජනාධිපති රනිල් වික්‍රමසිංහත්, එක්සත් ජාතික පක්ෂයත් පරදින බව රංගෙ බණ්ඩාර නිලවශයෙන් පිළිගෙන අවසන් බවත් ඉදිරි ඡන්ද කල් දැමීමට රනිල් වික්‍රමසිංහට මහතාට නොහැකි බවත් ජාතික ජන බලවේගයේ ජාතික විධායක සභික වෛද්‍ය නලින්ද ජයතිස්ස මහතා කියයි.

ඔහු මේ බව කියා සිටියේ තව අවුරුදු දෙක්ක රනිල් වික්‍රමසිංහට බලයේ සිටීමට ඉඩ දී මැතිවරන කල් දැමිය යුතු බවට එක්සත් ජාතික පක්ෂ මහ ලේකම් පාලිත රංගෙ බණ්ඩාර මහතා කළ ප්‍රකාශයක් සම්බන්ධයෙන් ප්‍රතිචාර දකවමිණි.

එහිදී වැඩිදුරටත් අදහස් දක්වන ජාතික ජන බලවේගයේ ජාතික විධායක සභික වෛද්‍ය නලින්ද ජයතිස්ස,

“එක්සත් ජාතික පක්ෂයට සම්බන්ධ යම් යම් කණ්ඩායම් තැන් තැන්වල ඡන්දයක් නොතියා මේ ජනාධිපතිට තව බලය දෙමු, තව අවුරුදු දෙක්ක රනිල් වික්‍රමසිංහට ඉන්න දෙමු වගේ කතන්දර කියන්න පටන් අරගෙන තියෙනවා. ඒවා පහුගිය දවස්වල අපි කිසිදු තඹේකටවත් ගණන් ගත්තේ නැහැ, තැකීමක් කරේ නැහැ, මොකද එවැනි කතා කිසිදු වගතුවක් නැහැ, වගවීමක් නැහැ ඒව ගණන් ගන්න ඕන නැහැ.

නමුත් ජනාධිපතිවරයා නියෝජනය කරන පක්ෂයේ මහලේකම්වරයා වන රංගේ බණ්ඩාර ප්‍රකාශයක් කරලා තියෙනවා ජනාධිපතිවරණය තියෙන්නෙත් නැතුව මහ මැතිවරණය තියන්නෙත් නැතුව අවුරුදු දෙකක් මේ ජනාධිපතිටයි ආණ්ඩුවටයි යන්න දෙන්නය, ඒක එහෙම යන්න දෙන්න ජනමත විචාරණයක් අවශ්‍යනම් ඒක තියමු කියලා. ඒකත් අනිවාර්යයෙන් තියන්න ඕන කියලා නැහැ. ජනාධිපතිවරයාගේ පක්ෂයේ මහ ලේකම්වරයා වන රංගෙ බණ්ඩාර පිළිගන්නවා නිල වශයෙන්ම, ජනාධිපතිවරණයක් හෝ වේවා මහ මැතිවරණයක් වේවා කවර ඡන්දයක් තිබ්බත් එක්සත් ජාතික පක්ෂය රනිල් වික්‍රසිංහ පරාදයි කියන එක පිළි අරගෙන තියෙනවා. ඔවුන් ඒක ප්‍රසිද්ධියේම පිළි අරගෙන තියෙනවා.

නමුත් ප්‍රශ්නෙ තියෙන්නේ රංගෙ බණ්ඩාර ඇතුළු එක්සත් ජාතික පක්ෂය පරාජයට පත්වෙනවයි කියලා මේ රටේ ජනතාවගේ අයිතිය පරමාධිපත්‍ය බලය උල්ලංඝණය කරන්න, ප්‍රකාශ කරන්න අයිතියක් නැහැ. මේක බරපතල ප්‍රකාශයක් හැටියට අපි සළකනවා. රංගෙ බණ්ඩාරලට මෙවැනි ආකාරයේ කුමන්ත්‍රණ කරන්න හිතන්නවත් අවස්ථාවක් අයිතියක් මේ රටේ ජනතාව දීල නැහැ. එමනිසා ජනාධිපතිවරණය නොපවත්වා ජනාධිපතිවරණයෙන් පස්සේ එළඹීමට නියමිත මහ මැතිවරණය නොපවත්වා තමන්ගේ බලය ඉදිරියට අරගෙන යන්න රනිල් වික්‍රමසිංහගේ උපදෙස් මත රංගෙ බණ්ඩාරලා ක්‍රියා කරනවානම්, කල්පනා කරනවානම් ඒකට මේ රටේ ජනතාව දෙන්න ඕන පිළිතුර ක්ෂණිකව ලබාදේවි.”

Continue Reading

පුවත්

සෞඛ්‍ය ඇමති හා සෞඛ්‍ය ක්ෂේත්‍රයේ පුටු පෙරළියක්!

Published

on

By

ඉදිරි සතිවලදී සෞඛ්‍ය අමාත්‍යාංශයේ ඉහළ තනතුරු රැසක වෙනස්කම් සිදුවිය හැකි බව වාර්තා වේ.

ඒ අනුව දැනට ආන්දෝලනයට ලක්ව ඇති ඖෂධ සැපයුම් ඒකකය, ඖෂධ නියාමන අධිකාරිය, රාජ්‍ය ඖෂධ සංස්ථාව, වෛද්‍ය පර්යේෂණ ආයතනය මෙන්ම රාජ්‍ය ඖෂධ නීතිගත සංස්ථාව ආදි ආයතනයන්හී ඉහළ තනතුරු රැසක් වෙනස්වීමට නියමිතව ඇතැයි පැවසේ.

පසුගිය කාලය පුරාවට සෞඛ්‍ය අමාත්‍යාංශය සතුව ඇති අදාල ආයතනවල ඇතිවූ වංචා දූශණ සහ අක්‍රමිකතා හේතුවෙන් මෙන්ම බාල ඖෂධ ගෙන්වීම ඇතුලු විවිද අක්‍රමිකතා හේතුවෙන් අදාල තනතුරු වෙනස් කරන ලෙස බොහෝ පාර්ශවයන් රජයෙන් ඉල්ලා ඇතැයි ද පැවසේ.

මේ අතර ඇතැම් වාර්තාවල දැක්වෙන්නේ මෙම තනතුරුවලට අමතරව සෞඛ්‍ය අමාත්‍යවරයාගේද වෙනසක් සිදුවිය හැකි බවත් එසේ වෙනසක් සිදුවුවහොත් එම අමාත්‍යධූරය සඳහා පසුගිය සමයේ බොහෝ සෙයින් කතා බහට ලක්වූ විපක්ෂ මන්ත්‍රීවරයෙකු අර්බුදයට ලක්ව ඇති සෞඛ්‍ය සේවය නගා සිටුවීම සඳහා එම අමාත්‍යධූරය ලබා ගැනීමට කැමැත්ත පළ කර ඇති බවත් පැවසේ.

මූලාශ්‍රය – මොණරා

Continue Reading

පුවත්

ලියනගේ මුල්ලේදී කතක් අභිරහස් ලෙස මරාදාලා!

Published

on

By

රාත්‍රී සමාජ ශාලාවක ඇති වූ ගැටළුවක් මුල් කර ගනිමින් හට ගත් ආරවුලක් දුර දිග යාමෙන් කටුනායක නිදහස් වෙළෙඳ කළාපයේ සේවයේ නියුතු සේවිකාවක අද (28) දින අලුයම සීදුව ලියනගෙමුල්ල ප්‍රදේශයේ දී මරා දමා තිබේ.

36 හැවිරිදි එක් දරු මවක වන බටහිර බටුවත්ත නෙළුව, ගාල්ල යන ලිපිනයෙහි පදිංචි උස්ගොඩ මානගේ තිසාරා මධුවන්ති නැමැති කාන්තාව මෙසේ මරා දමා තිබේ.

ඇය මීට වසර 06 කට පමණ පෙර කටුනායක නිදහස් වෙළෙඳ කළාපයේ සේවය සදහා පැමිණ තිබූ අතර පසුව ඇය සීදුව සංචාරක හෝටලයක සේවය කරන පුද්ගලයෙකු සමග සීදුව , ලියනගෙමුල්ල , ජූඩ් මාවත ප්‍රදේශයේ නේවාසිකාගාරයක තාවකාලිකව පදිංචි වී සිට තිබේ.

ඇය රාත්‍රී සමාජ ශාලාවක සිදු වූ සිදු වීමක් මුල් කර ගෙන මෙම පුද්ගලයා සමග ආරවුලක් ඇති කර ගෙන ඇති අතර අද (28) දින අලුයම 02.00 ත් 03.00 ත් අතර කාළයේ ඇය සහ එම පුද්ගලයා සාන්ත සෙබස්තියන් දේවස්ථානයේ ඉදිරිපිටින් ගමන් කරන ආරක්ෂිත කැමරා දර්ශන සීදුව පොලිසිය විසින් සොයා ගෙන තිබේ.

ඒ අනුව මෙම දේවස්ථානය ඉදිරිපිට මාර්ගය අසළ දරුණු කැපුම් තුවාල සහිතව ඇය මරා දමා තිබුණි.

මීගමුව වැඩබලන මහේස්ත්‍රාත් ඉන්දික සිල්වා මෙම ස්ථානයට පැමිණ ස්ථානීය පරීක්ෂාව සිදු කළ අතර ඇයගේ සිරුර අධිකරණ වෛද්‍ය පරීක්ෂණය සදහා මීගමුව මහ රෝහල වෙත යොමු කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved