Connect with us

පුවත්

ජනපතිගේ තීරු බදු ප්‍රතිපත්තියට කැබිනට් අනුමැතිය

Published

on

2025 ජනවාරි මස සිට අදියර තුනක් යටතේ ජාතික තීරු බදු ප්‍රතිපත්තියක් ක්‍රියාත්මක කිරීම සඳහා ජනාධිපතිවරයා ඉදිරිපත් කළ යෝජනාවට අමාත්‍ය මණ්ඩල අනුමැතිය හිමිව තිබේ.

මේ අතර පාර්ශ්වකරුවන්ගේ දැනුවත්භාවය සහ අනුකූලතාව සහතික කිරීමේ අරමුණින් රේගු ආඥාපනතේ 101 වන වගන්තිය යටතේ එම බදු ප්‍රතිපත්තිය ගැසට් පත්‍රයක් මඟින් ප්‍රකාශයට පත් කිරීම සඳහාත් අනුමැතිය හිමිව ඇත.

රටක් තුළ වෙළෙඳ හා ආයෝජන සඳහා තරගකාරී පරිසරයක් පවත්වා ගැනීම කෙරෙහි පැහැදිලි, සරල, සංගත සහ පුරෝකථනය කළ හැකි තීරු බදු ක්‍රමයක් පැවතීම තීරණාත්මක සාධකයක් වේ.

පැවති රජයන් විසින් වරින්වර හඳුන්වා දෙනු ලැබ ඇති විවිධ ප්‍රතිපත්තීන් අනුව තීරු බදු ප්‍රතිපත්තිය සංශෝධනය කිරීම හේතුවෙන් මෙරට ආයෝජන සඳහා වන තරගකාරී පරිසරයට අයහපත් බලපෑමක් සිදු ව ඇති බව රජය පවසයි.

එම තත්ත්වය සැලකිල්ලට ගනිමින් මුදල්, ආර්ථික ස්ථායීකරණ සහ ජාතික ප්‍රතිපත්ති ඇමතිතුමාගේ උපදෙස් මත ජාතික තීරු බදු ප්‍රතිපත්තියක් සකස් කිරීම සඳහා මහා භාණ්ඩාගාරයේ වෙළෙඳ හා ආයෝජන ප්‍රතිපත්ති දෙපාර්තමේන්තුවේ අධ්‍යක්ෂ ජනරාල්ගේ ප්‍රධානත්වයෙන් සහ අදාළ නියෝජිතායතනවල සාමාජිකයන්ගෙන් සමන්විත තාක්ෂණික කමිටුවක් පත් කර තිබේ.

එම කමිටුව විසින් වෙළෙඳ කටයුතු පිළිබඳ විශේෂඥයන්ගේ සහ මෙම විෂයය හා සම්බන්ධිත අමාත්‍යාංශවල ලේකම්වරුන්ගේ මග පෙන්වීම යටතේ ව්‍යාපාරික සහ කර්මාන්ත ප්‍රජාව සමඟ සාකච්ඡා කර ජාතික තීරු බදු ප්‍රතිපත්තියක් සකස් කිරීමට නියමිතය.

පුවත්

කැකිරාව සෞඛ්‍ය වෛද්‍ය නිලධාරීවරයාට මරණ තර්ජන

Published

on

By

කැකිරාව සෞඛ්‍ය වෛද්‍ය නිලධාරී කාර්යාලයට අයත් ගොඩනැගිලි දෙකෙහි පෝස්ටර් අලවා කළු තෙල් ප්‍රහාරයක් එල්ල කොට එහි ප්‍රධාන සෞඛ්‍ය වෛද්‍ය නිලධාරී සහ රජයේ වෛද්‍ය නිලධාරීන්ගේ සංගමයේ අනුරාධපුර දිස්ත්‍රික් ශාඛාවේ ලේකම්ට වෛද්‍ය නිලධාරී අසිත කෝසල දනිප්පුලි ආරච්චි මහතාට මරණීය තර්ජනය කර තිබෙන බවට වාර්තා වේ.

ඊයේ (15) පෙරවරුවේ එම සෞඛ්‍ය වෛද්‍ය නිලධාරී කාර්යාලයේ කාර්ය මණ්ඩලය සේවයට ගිය අවස්ථාවේ කිසියම් පිරිසක් විසින්
”වහාම කැකිරාවෙන් පලයන් නොගියොත් උඹටත් ක්ලබ් වසන්තට සිදු වූ දේ කරනවා”,
යනුවෙන් මරණීය තර්ජනය කොට පරුෂ වචන ඇතුළත් වැකි සදහන් පෝස්ටර් අලවා එම කාර්යාලයට අයත් ගොඩනැගිලි දෙකට මෙසේ කළු තෙල් ප්‍රහාරයක් එල්ල කර තිබේ.

ප්‍රධාන සෞඛ්‍ය වෛද්‍ය නිලධාරී අසිත කෝසල දනිප්පුලි ආරච්චි මහතා ආහාර පනත යටතේ එම සෞඛ්‍ය වෛද්‍ය නිලධාරි කාර්යාලය මඟින් මරදන්කඩවල සහ ගණේවල්පොල ප්‍රෙද්ශයේ මහා පරිමාණ ව්‍යාපාරිකයින් දෙදෙනෙකුට එරෙහිව කැකිරාව මහේස්ත්‍රාත් අධිකරණය හමුවේ පවරා ඇති නඩු දෙකක් සම්බන්ධයෙන් නීතිපති දෙපාර්තමේන්තුවට හා සෞඛ්‍ය අමාත්‍යංශයට ගොස් සිටි නිසා මේ පිළිබදව එම කාර්යාලයේ සෙසු නිළධාරින් විසින් කැකිරාව පොලිසිය වෙත කළ පැමිණිල්ලකට අනුව විමර්ශන ආරම්භ කර තිබේ.

මේ අතර ඉකුත් මැයි මස පස් වැනිදා ද කැකිරාව ප්‍රධාන සෞඛ්‍ය  වෛද්‍ය නිලධාරීවරයාට සහ එම කාර්යාලයේ අනුයුක්තව සේවයෙහි නියුතු මහජන සෞඛ්‍ය පරීක්ෂකවරුන් කිහිප දෙනෙකුට මරණීය තර්ජන එල්ල කොට කිසියම් පිරිසක් විසින් එම කාර්යාලයට අයත් කැබ්‍ රථය පසුපස මෙලෙස තර්ජනාත්මක වැකි සඳහන් පෝස්ටර් දෙකක්ද අලවා තිබු බව සඳහන්ය.

පසුව ඒ සම්බන්ධයෙන් වෛද්‍ය අසිත කෝසල මහතා උතුරු මැද පළාත් භාර ජ්‍යෙෂ්ඨ නියෝජ්‍ය පොලිස්පතිවරයා වෙත පැමිණිලි කොට තිබුණි.

එම පැමිණිල්ල ඉදිරිපත් කරමින් වෛද්‍ය අසිත කෝසල මහතා තම කාර්යාලයට සහ ආහාරපාන ආහාර පනත යටතේ සිදුකෙරෙන වැටලීම් සඳහා යන නිලධාරීන්ට ආරක්ෂාව සපයා දීමට කටයුතු කරන ලෙස ඉල්ලිමක් කර තිබේ .

ඒ අනුව වින්දිතයින් ආරක්ෂා කිරීමේ පනත යටතේ කැකිරාව සෞඛ්‍ය වෛද්‍ය නිලධාරී කාර්යාලයේ නිලධාරීන්ට පොලිස් ආරක්ෂාව ලබාදෙන බව පොරොන්දු වුවත් මෙතෙක් එවැනි ආරක්‍ෂාවක් නොමැති බව එම කාර්යාලය ප්‍රකාශයකයින් පවසා තිබේ.

මෙම සිදුවිම සම්බන්ධයෙන් කැකිරාව පොලිසිය විමර්ශනයක් ආරම්භ කර ඇත.

Continue Reading

පුවත්

දුම්රිය වැඩවර්ජනය ගැන අවසන් තීරණය අද

Published

on

By

සිය ඉල්ලීම් සම්බන්ධයෙන් ඉදිරියේ දී ගනු ලබන වෘත්තීය සමිති ක්‍රියාමාර්ග පිළිබඳ අද (16) දිනයේ දී අවසන් තීරණයකට පැමිණෙන බව දුම්රිය ස්ථානාධිපතිවරුන්ගේ සංගමය පවසයි.

එම සංගමයේ සභාපති සුමේධ සෝමරත්න මහතා සඳහන් කළේ, සිය ඉල්ලීම්වලට විසඳුම් ලබාදීමට බලධාරීන් එකඟතාව පළකළ ද මෙතෙක් ඒ සම්බන්ධයෙන් නිසි විසඳුමක් ලැබී නොමැති බවය.

උසස් වීම් ලබාදීම ඇතුළු ඉල්ලීම් කිහිපයක් මුල්කර ගනිමින් පසුගියදා දුම්රිය ස්ථානාධිපතිවරුන් වැඩවර්ජනයක නිරත වූ අතර, අදාළ ගැටලුව කැබිනට් මණ්ඩලයට ඉදිරිපත් කර ඊට විසදුම් ලබාදෙන බවට විෂය භාර අමාත්‍යවරයා ලබාදුන් පොරොන්දුව මත එම වැඩවර්ජනය තාවකාලිකව නතර කරන ලදී.

කෙසේවෙතත් ඊයේ (15) දිනයේ දී සිය ඉල්ලීම් සම්බන්ධයෙන් කැබිනට් මණ්ඩලයේ අවධානය යොමුවී නොමැති බැවින් සිය ඉදිරි ක්‍රියාමාර්ග පිළිබඳ අද පෙරවරුවේ රැස් වී තීරණය කරන බව දුම්රිය ස්ථානාධිපතිවරුන්ගේ සංගමයේ සභාපතිවරයා සඳහන් කලේය.

මේ අතර, ගුරු- විදුහල්පතිවරුන්ගේ ඉල්ලීම්වලට විසඳුම් ලබාදීමට බලධාරීන් මෙතෙක් පියවර නොගැනීම හේතුවෙන් ඉදිරියේ දී යළි වෘත්තීය සමිති ක්‍රියාමාර්ගවල නිරත වන බව ලංකා ගුරු සංගමය පවසයි.

එහි සභාපති ප්‍රියන්ත ප්‍රනාන්දු මහතා සඳහන් කළේ, ගුරු-විදුහල්පතිවරුන්ට වැඩවර්ජනයකට යාමට සිදුවුවහොත් එහි වගකීම රජය භාරගත යුතු බවය.

එහිදී ඔහු වැඩිදුරටත් සඳහන් කළේ,

“විවිධ තර්ජන දාලා වෘත්තීය ක්‍රියාමාර්ග කඩාකප්පල් කරන්න ජනාධිපති උත්සාහ කරනවා. අපි දැවැන්ත විරෝධතා, විශාල උද්ඝෝෂණ ඇතුළු ක්‍රියාමාර්ග රැසක් අනිවාර්යයෙන්ම පාසල් පද්ධතිය තුළ මෙය ක්‍රියාවට නංවනවා. වැඩවර්ජන දක්වා මේ තත්ත්වය දරුණු වෙන්න ඉඩ දෙන්න එපා කියලා අපි කියනවා…”

Continue Reading

පුවත්

සෞන්දර්ය විෂයයන් ගැන අධ්‍යාපන අමාත්‍යාංශයෙන් නිවේදනයක්

Published

on

By

සෞන්දර්ය විෂයයන් ගැන අධ්‍යාපන අමාත්‍යාංශයෙන් නිවේදනයක් නිකුත් කර තිබේ.

එහි සඳහන්ව ඇත්තේ, යෝජිත අධ්‍යාපන ප්‍රතිසංස්කරණ අනුව සෞන්දර්ය විෂයයන් සාමාන්‍ය අධ්‍යාපනයේ අත්‍යවශ්‍ය අංගයක් බවය.

කණිෂ්ඨ, ද්විතීයික අධ්‍යාපනයේ හා ජ්‍යෙෂ්ඨ ද්විතීයික අධ්‍යාපනයේ දී සෞන්දර්ය විෂයයන් වැඩිදුරටත් අධ්‍යයනය කළ හැකි අතර අ.පො.ස සාමාන්‍ය පෙළ හා අ.පො.ස. උසස් පෙළ සඳහා ද සෞන්දර්යය විෂයයන් සඳහා ළමුන්ට පෙනී සිටිය හැකි බව එහි සඳහන්ය.

තවද, උසස් අධ්‍යාපනයේ සෞන්දර්ය විෂයයන් එලෙස ම පවතී.

මේ සම්බන්ධයෙන් සැකයක් ඇති වන ප්‍රකාශ හා විවිධ මාධ්‍ය උපයෝගී කර ගෙන කරනු ලබන සාවද්‍ය ප්‍රකාශ බැහැර කිරීමට අධ්‍යාපන අමාත්‍යාංශය කටයුතු කරනු ලබයි.

Continue Reading

Trending

Copyright © 2023 Sri Lanka Mirror. All Rights Reserved