ශ්‍රී ලංකාවේ පාරිසරික සුරක්ෂිතතාව සුරැකීමේ අරමුණින් මධ්‍යම පරිසර අධිකාරිය සංවිධාන කරන “ජනාධිපති පරිසර සම්මාන – 2024″ සම්මාන ප්‍රදානෝත්සවය හෙට (28) පැවැත්වීමට නියමිතය.
ඒ, ජනාධිපති රනිල් වික්‍රමසිංහමහතාගේ ප්‍රධානත්වයෙනි.
ඒ අනුව හෙට (28) පෙරවරු 10.00ට බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී එම උත්සවය පැවැත්වෙනු ඇත.
මෙවර ජනාධිපති පරිසර සම්මාන උළෙල සඳහා අයදුම්පත් 901ක් ලැබී ඇති අතර ඉන් රන්, රිදී, ලෝකඩ සහ කුසලතා ආදී වූ ජනාධිපති සම්මාන 124ක් පිරිනැමීමට නියමිතය.
පරිසර රාජ්‍ය අමාත්‍ය ජානක වක්කුඹුර, වෙළෙඳ හා පරිසර රාජ්‍ය අමාත්‍ය එස්. වියාලේන්ද්‍රන්, පරිසර අමාත්‍යාංශයේ ලේකම් නීතිඥ ප්‍රභාත් චන්ද්‍රකීර්ති, මධ්‍යම පරිසර අධිකාරියේ සභාපති වෙනුර ප්‍රනාන්දු, මධ්‍යම පරිසර අධිකාරියේ අධ්‍යක්ෂ ජනරාල් පී. බී. හේමන්ත ජයසිංහ යන මහත්වරුන්, සම්මානලාභීන් ඇතුළු සම්භාවනීය අමුත්තන් රැසක් එම අවස්ථාවට සහභාගි වීමට නියමිතව තිබේ.
චීනය, ඊජිප්තුව, ඉන්දියාව, ඇමරිකා එක්සත් ජනපදය, පකිස්ථානය, බංගලාදේශය, එක්සත් රාජධානිය, කැනඩාව සහ ඉරානය ආදී රටවල තානාපතිවරුන් ද ඊට සහභාගි වීමට නියමිත බව සඳහන් වේ.
